SAN LUCAS 11:39 - Chatino Zona Alta Occidental

³⁹ Bra kanꞌ ykwiꞌ Xꞌnaan loꞌo yu fariseo kanꞌ: ―ꞌWan neꞌ fariseo ―ndukwin Jesús―, suꞌwe ꞌa ngiꞌni luwi tloo wan, ngiꞌni luwi chunꞌ wan, sa ñaꞌan lka nu ngaten ska sa, ngaten ska kaꞌnan. Loꞌo niꞌ kasiya ꞌwan, xkwiꞌ chaꞌ kuxi nsuꞌwi; nchka tiꞌ wan kulaa wan nan nu nsuꞌwi ꞌin xka ta nten, tiꞌí tiꞌ wan ꞌin taꞌa nten wan.

SAN LUCAS 11:39 Referans Kwoze

SANTIAGO 4:8

Suꞌwe la xñi wan chaꞌ ꞌin Ndiose, loꞌo tukwa Ni chaꞌ nchkwiꞌ wan bra kanꞌ. Si ndiꞌin ꞌa kiꞌya ꞌwan, ndiꞌin chaꞌ kulaa yaꞌ wan ꞌin nchga chaꞌ kuxi nu ndiꞌin chaꞌ ꞌwan loꞌo; kwiꞌ ngwañaꞌan, kuꞌni tyii wan ꞌin nchga chaꞌ kwiñi nu nsuꞌwi niꞌ kasiya ꞌwan.

TITO 1:15

Luwi ꞌa nchga loo nan, lka chaꞌ nu ndaꞌan tiye nchga nten nu luwi kasiya ꞌin tloo Ndiose; loꞌo nten nu kuxi kasiya ꞌin, ja ska nan luwi ndiya lo chalyuu, nxkeꞌ tiꞌ neꞌ, chunꞌ ja ndyaa ñaꞌan tiꞌ neꞌ chaꞌ nu ñi ꞌin Ndiose. Ngiꞌni neꞌ kanꞌ chaꞌ kuxi, loꞌo ja ndiꞌya yu kwenta chaꞌ kuxi ran, chunꞌ ndiꞌin ꞌa chaꞌ kuxi niꞌ kasiya ꞌin neꞌ.

LOS HECHOS 5:3

Ykwiꞌ Tyu loꞌo yu bra kanꞌ: ―Ananías ―ndukwin Tyu―, ¿ni nan lka ngwa ꞌiin a? ¿Ni chaꞌ mdaa chabiyaꞌ ꞌin kuneꞌ xaꞌan nu naan Satanás chaꞌ ka ndloo la niꞌ kasiya ꞌiin a? Kanꞌ lka nu mdatsaa ꞌiin chaꞌ mñi lyoꞌoo ꞌin Tyiꞌi Ndiose ―ndukwin Tyu ꞌin yu kanꞌ―. Ndukwiin chaꞌ nde lka nchga tñi nu mjwi ꞌiin loꞌo yuu kanꞌ, loꞌo siꞌi nchga tñi lka re.

SAN MATEO 15:19

Niꞌ kasiya ꞌin nten ni, la kanꞌ ndukwa suun nchga chaꞌ kuxi: ni siya kujwi neꞌ ꞌin taꞌa nten neꞌ, ni siya tyiꞌin chaꞌ ꞌin neꞌ loꞌo kwilyoꞌo xka nten, ni siya kuꞌni neꞌ chaꞌ kuxi loꞌo xka nten, ni siya kuꞌni neꞌ kunan nan nu ndiya ꞌin taꞌa nten neꞌ, ni siya chkwiꞌ neꞌ chaꞌ kwiñi ꞌin taꞌa nten neꞌ, ni siya chkwiꞌ neꞌ kwentu ꞌin taꞌa nten neꞌ.

SAN MATEO 7:15

’Xka chaꞌ ni: Chaꞌ tiya ti tiꞌ wan kuꞌni wan loꞌo nten nu kwiñi, nu nchkwiꞌ chaꞌ chabiyaꞌ ꞌin Ndiose nduꞌu neꞌ ꞌwan, nchkwiꞌ neꞌ. Ska ꞌni suꞌwe lka slyaꞌ, ja tlá iꞌ; loꞌo neꞌ kwiñi kanꞌ, nchka tiꞌ neꞌ kwiñi lyoꞌo neꞌ ꞌwan chaꞌ nten suꞌwe lka neꞌ, chaꞌ lka neꞌ ñaꞌan tiꞌ slyaꞌ. Suꞌwe ꞌa ngiꞌni neꞌ loꞌo wan, loꞌo nde niꞌ kasiya ꞌin neꞌ kanꞌ, xaꞌan ꞌa neꞌ. Kwiñi ꞌa neꞌ kanꞌ. Ja lka neꞌ kanꞌ ñaꞌan tiꞌ slyaꞌ; ñaꞌan tiꞌ nguoꞌo nu tlá ꞌa, ngwañaꞌan lka neꞌ kanꞌ.

GÁLATAS 1:14

Chaꞌ kti nu ngiꞌni tnun neꞌ judío taꞌa ba ꞌin Ndiose ni, naꞌ nu lye la yꞌniǐn ñi chaꞌ kanꞌ. Xka la yu taꞌa kichen tyiǐn nu lka taꞌa suꞌwa yijan nsuꞌwiǐn, ja yꞌni neꞌ sa ñaꞌan tñan nu yꞌniǐn; lye la mdukwaǎn nchga lo lee nu ndiꞌin ꞌin neꞌ, ti kwiꞌ chaꞌ nu wa ykwiꞌ ayman loꞌo neꞌ judío taꞌa ba nu ngwa ti sꞌni.

SAN JUAN 12:6

Chaꞌ ngwa Juda ska nu ngiꞌni kunan, kanꞌ chaꞌ ndukwin yu ngwañaꞌan; siꞌi chaꞌ nchka tꞌnan tiꞌ yu ꞌin neꞌ tiꞌi. Ti kwiꞌ Juda mdiꞌya loo yu kwijin seꞌen nsuꞌwi tñi ꞌin yu taꞌa ndaꞌan Jesús, loꞌo yꞌni Juda kunan tñi nu nsuꞌwi ꞌin nchga neꞌ kanꞌ.

SAN LUCAS 16:15

Bra kanꞌ ykwiꞌ Jesús loꞌo neꞌ kanꞌ: ―ꞌWan ―ndukwin yu― suꞌwe ꞌa ngiꞌni wan chaꞌ ñaꞌan nten ꞌwan, loꞌo wa jlyo suꞌwe tiꞌ Ndiose nchga chaꞌ kuxi nu ndaꞌan chaꞌ tiye wan. Nten nu ngiꞌni tnun ꞌin ti ykwiꞌ ti, kulaa yaꞌ Ndiose ꞌin neꞌ kanꞌ.

SAN LUCAS 7:13

Bra nu naꞌan Jesús nu nka Xꞌnaan ꞌin ayman kanꞌ, ngwa tꞌnan ꞌa tiꞌ yu ꞌin nu kunaꞌan tiꞌi jyaꞌan ayman kanꞌ. Bra kanꞌ ykwiꞌ yu loꞌo: ―Ja kunaan ―ndukwin yu.

2 TIMOTEO 3:5

Kwiñi ꞌa neꞌ kanꞌ bra nu kuꞌni tnun neꞌ ꞌin Ndiose; nxkeꞌ tianꞌ chaꞌ suꞌwe ꞌa ngiꞌni neꞌ, loꞌo ja nda ꞌa neꞌ chabiyaꞌ nu kuꞌni chaꞌ ꞌin Ndiose tñan niꞌ kasiya ꞌin neꞌ. Nuꞌwin Timu, kulaa yaaꞌ ꞌin nchga nten nu kuꞌni ngwañaꞌan.

SAN JUAN 13:2

Ti kwiꞌ bra kanꞌ yꞌni kuneꞌ xaꞌan chaꞌ ngwiꞌya chaꞌ ke Juda sñiꞌ Simón Iscariote chaꞌ kuꞌni yu trisiyun ꞌin Jesús yaꞌ neꞌ xaꞌan.

SAN LUCAS 7:19

Bra kanꞌ msiꞌya Xuwa ꞌin tukwa yu kuneꞌ taꞌa ndaꞌan yu kanꞌ. Ngulo yu tñan ꞌin neꞌ chaꞌ tsaa kunichaꞌ neꞌ ꞌin Jesús si chañi chaꞌ ykwiꞌ yu lka yu Krixtu, nten nu tnun nchka nu wa suꞌwa ti Ndiose chaꞌ kan lo chalyuu; o ta ti ndiꞌin chaꞌ kata la chinꞌ neꞌ sa ñaꞌan bra nu kan xka nten nu tnun la chaꞌ ndiꞌin ꞌin.