SAN LUCAS 1:53 - Chatino Zona Alta Occidental

⁵³ Wa yꞌni Ndiose chaꞌ kiꞌya tlaꞌ tiye nten nu lyiji ꞌa chaꞌ suꞌwe ꞌin, loꞌo wa ngulo Ni tñan chaꞌ ja kaja la chaꞌ kuliyaꞌ ꞌin neꞌ nu kuliyaꞌ ꞌa.

SAN LUCAS 1:53 Referans Kwoze

SAN LUCAS 6:21

’Kwiꞌ ngwañaꞌan, ka suꞌwe ka tiye wan nu lye ꞌa nchka tiꞌ wan kunan wan ska chaꞌ nu ñi, sa ñaꞌan lka si ngiteꞌ ꞌa tiꞌ wan ―ndukwin―. Chunꞌ ndiꞌin la, kalaꞌ tiꞌ wan bra kanꞌ. ’Kwiꞌ ngwañaꞌan, ka suꞌwe ka tiye wan nu xiꞌin tiꞌ ndiꞌin lo chalyuu re ni, chaꞌ chunꞌ ndiꞌin la ka suꞌwe ka tiye wan bra kanꞌ ―ndukwin Jesús―.

SAN LUCAS 6:24

’Tꞌnan ꞌa ꞌwan neꞌ kuliyaꞌ; suꞌwe ꞌa ngwa tiye wan nu ngwa sꞌni la; nu ka nde loo la, ja ka ꞌa suꞌwe ka tiye wan bra kanꞌ ―ndukwin―.

SAN MATEO 5:6

’Kwiꞌ ngwañaꞌan, ka suꞌwe nka tiye nten nu xlyaa kuꞌni nchga chaꞌ suꞌwe, nchga chaꞌ nu ñi; tayaꞌ Ndiose ꞌin nten kanꞌ, chaꞌ ka kuꞌni neꞌ nchga tñan nu nchka tiꞌ Ni.

1 CORINTIOS 1:26

ꞌWan taꞌa msñian chaꞌ ꞌin Krixtu, tyaa yuꞌwi tiꞌ wan sa ñaꞌan nten ngwa wan ti kulo, bra nu tka ngulo suwi ti Ni ꞌwan. Ska tukwa ti wan nu nchka ꞌa ꞌwan; siꞌi nten tnun ngwa wan, siꞌi nten kuliyaꞌ ngwa wan seꞌen ndiꞌin wan lo chalyuu, ska tukwa ti wan nu suꞌwe chinꞌ ngwa ꞌwan.

SAN JUAN 6:35

―Sa ñaꞌan ngiꞌni tyaja bra nu mdyii ykuan ꞌin ran, ngwañaꞌan kuꞌniǐn loꞌo nten, xa nu xñi neꞌ chaꞌ ꞌñaǎn ―ndukwin Jesús bra kanꞌ―. Taǎn ska chalyuu ꞌin neꞌ kanꞌ seꞌen nu kalaꞌ tiꞌ neꞌ ―ndukwin Jesús―. Loꞌo nchga nten nu xuꞌwi chaꞌ ꞌin neꞌ loꞌoǔn, ja jñan la neꞌ xka lo nan ku neꞌ; bra nu xñi neꞌ chaꞌ ꞌñaǎn, ja kityi ꞌa tiꞌ neꞌ bra kanꞌ ―ndukwin―.

1 CORINTIOS 4:8

Ngiꞌni wan chaꞌ ndloo ꞌa chaꞌ ꞌwan, ti ykwiꞌ ti wan; ja ska ꞌa nan lyiji ꞌwan siyaꞌ ti, nxkeꞌ tiꞌ wan; ngiꞌni wan sa ñaꞌan nu ngiꞌni neꞌ kuliyaꞌ, ndiꞌin wan sa ñaꞌan ndiꞌin nu nka ndloo la lo chalyuu. Loꞌo bare ni, ja ngiꞌni ꞌa wan kwenta ꞌwa. Kanꞌ chaꞌ ni, si chañi chaꞌ lka wan ndloo la ꞌwa, ¿ja ta wan chabiyaꞌ chaꞌ ka suꞌwa chinꞌ chaꞌ ꞌwa loꞌo wan bra kanꞌ, chaꞌ loꞌo ba ka ba nten tnun bra kanꞌ a?

SAN LUCAS 1:54

Ndayaꞌ ꞌa Ndiose ꞌin nchga neꞌ Israel taꞌaan, chaꞌ lkaan msu ꞌin Ndiose; loꞌo suꞌwe ꞌa mskanꞌ Ni chaꞌ loꞌo ayman ꞌñaan nu yuꞌwi ti sꞌni. Ja mjlyaa tiꞌ Ndiose ꞌñaan, nten taꞌa ayman Abraham lkaan; xkwiꞌ nchka tꞌnan tiꞌ Ni ꞌin neꞌ taꞌaan. Loꞌo ñaꞌan ti nchka tꞌnan tiꞌ Ni ꞌñaan loꞌo sñianꞌ tyukwi bra nde loo la. Ngwañaꞌan ngwa bra nu yꞌni tnun Liya ꞌin Ndiose.