SAN JUAN 8:19 - Chatino Zona Alta Occidental

¹⁹ ―¿La nde yaꞌ ndiꞌin Stii sikwa a? ―ndukwin neꞌ ꞌin Jesús bra kanꞌ. ―Ja siyaꞌ yuꞌwi lyo wan ꞌñaǎn, loꞌo ti kwiꞌ ti chaꞌ, ja la nsuꞌwi lyo wan ꞌin Stiǐn ―ndukwin Jesús ꞌin neꞌ―. Si nsuꞌwi lyo wan ꞌñaǎn, kwiꞌ ngwañaꞌan nsuꞌwi lyo wan ꞌin Stiǐn bra kanꞌ.

SAN JUAN 8:19 Referans Kwoze

SAN JUAN 16:3

Kuꞌni neꞌ kanꞌ ngwañaꞌan, chaꞌ ja nsuꞌwi lyo neꞌ ꞌin Stiǐn Ndiose; kwiꞌ ngwañaꞌan, ja nsuꞌwi lyo neꞌ ꞌñaǎn ―ndukwin Jesús―.

1 CORINTIOS 15:34

Ndiꞌin chaꞌ kulaa yaꞌ wan chaꞌ kuxi nu ngiꞌni wan, chaꞌ tyisnan wan tyaꞌan chaꞌ suꞌwe tiye wan bra kanꞌ, chaꞌ suꞌwe ti kuꞌni wan loꞌo taꞌa nten wan. Wa jlyo tiǎnꞌ chaꞌ ndiya chinꞌ taꞌa wan nu ja ya ka biyaꞌ suꞌwe tiꞌ chaꞌ ꞌin Ndiose, kanꞌ chaꞌ nchkwiǐnꞌ loꞌo wan ngwañaꞌan chaꞌ ka jyuꞌu tiꞌ wan.

SAN JUAN 7:28

Kanꞌ chaꞌ kwen ykwiꞌ Jesús laja nu nduun yu nduꞌu yu ꞌin neꞌ niꞌ lyaa tnun kanꞌ: ―¡Chañi chaꞌ nsuꞌwi lyo wan ꞌñaǎn, chañi chaꞌ jlyo tiꞌ wan la nde yaꞌ mdoꞌoǔn! ―ndukwin―, loꞌo ja jlyo tiꞌ wan ni kwenta ꞌin ndijyaǎn nde re. Ska ti Ndiose msuꞌwa ꞌñaǎn ndijyaǎn lo chalyuu, loꞌo ja nsuꞌwi lyo wan ꞌin Ni ―ndukwin Jesús―.

SAN JUAN 1:10

Ndiꞌin yu kanꞌ lo chalyuu, ti kwiꞌ chaꞌ nu wa ytsaꞌ Ndiose ꞌin nten lka yu kanꞌ. Ngwiñan Ni chalyuu loꞌo yu kanꞌ, loꞌo ja yuꞌwi lyo nten chalyuu ꞌin yu kanꞌ bra kanꞌ.

SAN MATEO 11:25

Chunꞌ ndiꞌin la ykwiꞌ Jesús loꞌo Ndiose Sti yu: ―Kuꞌni tnuǔn ꞌiin, Stiǐn; nuꞌwin lkaa Xꞌnan ba, loꞌo nde niꞌ kwan, loꞌo lo chalyuu ―ndukwin Jesús ꞌin Ndiose―. Ngwa xuꞌwe ꞌiin chaꞌ wa yꞌnii chaꞌ ngwa biyaꞌ tiꞌ nten nu ja jlyo suꞌwe tiꞌ nu ngwa sꞌni la. Xka ta nten nu tiya la tiꞌ, loꞌo nten nu nchka ꞌa ꞌin, loꞌo nten nu jlyo ꞌa tiꞌ nchga chaꞌ ꞌiin, nxkeꞌ tiꞌ neꞌ, loꞌo neꞌ kanꞌ ja nchka biyaꞌ la tiꞌ neꞌ kanꞌ.

2 SAN JUAN 1:9

Nchga nten nu sten yuꞌwi loꞌo xka chaꞌ, ja ka tyiꞌin chaꞌ ꞌin neꞌ kanꞌ loꞌo Ndiose siyaꞌ ti. Nxkeꞌ tiꞌ neꞌ kanꞌ chaꞌ ti ndiꞌin kaꞌan la tñan chaꞌ kuꞌnian, xa wa ndyaa ñaꞌan tianꞌ ꞌin Krixtu. ¡Chaꞌ kwiñi lka kanꞌ! Si chañi chaꞌ msñian chaꞌ ꞌin Krixtu niꞌ kasiya ꞌñaan, bra kanꞌ suꞌwa ndiꞌin chaꞌ ꞌñaan loꞌo Ndiose, ngwañaꞌan loꞌo ykwiꞌ nu lka ska ti Sñiꞌ Ni.

1 SAN JUAN 5:20

Ngwa jlyo tianꞌ chaꞌ wa yan nu lka ska ti Sñiꞌ ykwiꞌ Ndiose lo chalyuu, loꞌo ngwañaꞌan wa mda Ni chabiyaꞌ chaꞌ ka xuꞌwi chaꞌ ꞌñaan loꞌo Ndiose. Loꞌo chañi chaꞌ suꞌwa ka tiyean loꞌo Ndiose ni, chunꞌ chaꞌ suꞌwa nka tiyean loꞌo Jesucristo nu lka Sñiꞌ ykwiꞌ Ni. Chañi chaꞌ Ndiose siyaꞌ ti lka Jesús, kwiꞌ ngwañaꞌan chañi chaꞌ ja tsaa tii ꞌa chalyuu kwi nu ta Ni ꞌñaan.

GÁLATAS 4:9

Loꞌo ni, wa nsuꞌwi lyo wan ꞌin Ndiose; o ta suꞌwe la chkwianꞌ, wa nsuꞌwi lyo Ndiose ꞌwan. ¿Ni chaꞌ lka nchka tiꞌ wan xiꞌin chunꞌ wan ꞌin Ndiose sikwa a? Xiyaꞌ kuꞌni wan tñan nu ndatsaa ya ñaꞌan ti joꞌo nu kuxi kanꞌ ꞌwan bra kanꞌ, joꞌo nu nñan nten ti; ja suꞌwe chaꞌ kanꞌ siyaꞌ ti, ja ka kulaa joꞌo kanꞌ ꞌñaan.

SAN JUAN 17:3

Chalyuu kwi nu taǎn ꞌin neꞌ kanꞌ ni, kanꞌ lka chaꞌ xuꞌwi lyo neꞌ ꞌiin, chaꞌ nuꞌwin lkaa ska ti nu nka Ndiose ykwiꞌ nu ndiꞌin niꞌ kwan; kwiꞌ ngwañaꞌan, xuꞌwi lyo neꞌ ꞌñaǎn, chaꞌ lkaǎn Jesucristo nu msuꞌwaa ꞌñaǎn bra nu mdiyaǎn lo chalyuu.

COLOSENSES 1:10

Kanꞌ chaꞌ nchga tsan nu ndiꞌin wan lo chalyuu ka kuꞌni wan tñan, ti kwiꞌ tñan nu nchka tiꞌ Ndiose chaꞌ kuꞌni wan; ka kuꞌni wan nchga lo tñan nu suꞌwe chaꞌ ꞌin Ndiose bra kanꞌ, ka ka biyaꞌ la tiꞌ wan sa ñaꞌan ndiꞌin nchga chaꞌ ꞌin Ni.

SAN JUAN 15:21

Kuꞌni neꞌ ngwañaꞌan loꞌo wan chaꞌ ꞌñaǎn ―ndukwin Jesús―, chaꞌ ja nsuꞌwi lyo neꞌ ti ka nu msuꞌwa ꞌñaǎn chaꞌ ndijyaǎn lo chalyuu.

HEBREOS 1:3

Nchga xaa tnun nu nsuꞌwi seꞌen ndiꞌin Ndiose nganun loꞌo Krixtu nu nka Sñiꞌ Ni xa nu mdiꞌin Ni lo chalyuu. Sa ñaꞌan lka Ndiose, kwiꞌ ngwañaꞌan lka Krixtu Ndiose; suꞌwe ꞌa ndlo Krixtu tñan ꞌin nchga chaꞌ nu ndiꞌin lo chalyuu siyaꞌ ti, kanꞌ chaꞌ suꞌwe ndiꞌin nchga nan bra kanꞌ. Bra wa mdyii yꞌni Krixtu tñan nu mdiꞌin chaꞌ kuꞌni Ni lo chalyuu re, chaꞌ yꞌni tyii Ni nchga kiꞌya nu ndukwi nten chalyuu, xiyaꞌ ndyaa Ni seꞌen ndiꞌin Ndiose Sti Ni, ndyaa tukwa Ni nde laꞌa seꞌen kwin seꞌen ndukwa Ndiose nde niꞌ kwan bra kanꞌ.

COLOSENSES 1:15

Ja nchka ꞌñaan ñaꞌaan ꞌin Ndiose siyaꞌ ti; bra nu yan Krixtu Sñiꞌ Ndiose lo chalyuu, bra kanꞌ mjwi chabiyaꞌ ꞌñaan ñaꞌaan ꞌin Ndiose. Ti kwiꞌ Krixtu kanꞌ lka nu mdiꞌin ti kulo la loꞌo Ndiose, loꞌo kwiꞌ Ni lka Ni ndloo ꞌin nchga lo nan nu ngwiñan Ni lo chalyuu.

EFESIOS 1:17

Tlyu ꞌa chaꞌ suꞌwe ndiꞌin ꞌin Ndiose Stian, ti kwiꞌ Ndiose nu lka Sti Xꞌnaan Jesucristo. Njnaǎn ꞌin Ni chaꞌ ta Ni Tyiꞌi ykwiꞌ Ni ꞌwan, chaꞌ ngwañaꞌan ka biyaꞌ tiꞌ wan nchga chaꞌ bra kanꞌ; kwaꞌu Tyiꞌi Ni ꞌwan sa ñaꞌan lka Ndiose, loꞌo kanꞌ ka xuꞌwi lyo suꞌwe la wan ꞌin Ni.

SAN JUAN 1:18

Ja tukwin naꞌan ꞌin Ndiose; ska ti Jesús naꞌan ꞌin Ni, kanꞌ nu nduꞌu sa ñaꞌan lka Ndiose ꞌñaan, neꞌ nten chalyuu. Loꞌo Jesús kanꞌ ni, kanꞌ lka ska ti nu lka Sñiꞌ Ndiose, loꞌo ndiya ꞌa tiꞌ Ni ꞌin yu.

1 SAN JUAN 2:23

Si chkwianꞌ loꞌo nten chaꞌ siꞌi Sñiꞌ Ndiose lka Jesucristo, ja ndiꞌin chaꞌ ꞌñaan loꞌo Ndiose Sti Jesucristo, ngwañaꞌan ndyoꞌo chaꞌ bra kanꞌ; bra nu xñian chaꞌ nu ndiꞌin ꞌin ska ti nu lka Sñiꞌ Ndiose, wa ndiꞌin chaꞌ ꞌñaan loꞌo Ndiose Sti yu, ngwañaꞌan ndyoꞌo chaꞌ bra kanꞌ.