SAN JUAN 7:39 - Chatino Zona Alta Occidental

³⁹ Ngwañaꞌan ykwiꞌ Jesús loꞌo neꞌ kwa, chaꞌ wa ta ti Ndiose Tyiꞌi Ni chaꞌ kanun niꞌ kasiya ꞌin nchga nten nu xñi chaꞌ ꞌin Ni. Ja ya ta Ndiose Tyiꞌi Ni kan lo chalyuu, chunꞌ ja ya tyaa Jesús seꞌen ndiꞌin Ndiose nu lka Sti yu.

SAN JUAN 7:39 Referans Kwoze

LOS HECHOS 2:17

Nu ka nde loo la, bra wa tyii ti chalyuu, ndukwin Ndiose, taǎn Tyiꞌiǐn ykwiǐnꞌ chaꞌ kanun niꞌ kasiya ꞌin nten chalyuu, ndukwin Ni. Loꞌo chkwiꞌ sñiꞌ wan chaꞌ ꞌñaǎn loꞌo nten bra kanꞌ. Kwiꞌ ngwañaꞌan, ñaꞌan nten kuneꞌ chaꞌ tnun nu ngiꞌni Ndiose, loꞌo chkwiꞌ sla neꞌ kula.

LOS HECHOS 2:33

Bra kanꞌ mdiyan yꞌya Ndiose ꞌin Jesús, ndyaa yu seꞌen ndiꞌin Ni bra kanꞌ. Nde kwa ndiꞌin Jesús laꞌa seꞌen kwin seꞌen ndukwa Ndiose ni. Wa mda Ndiose Sti yu Tyiꞌi Ni nu tyuꞌwi niꞌ kasiya ꞌin yu, chaꞌ kwiꞌ ngwañaꞌan ykwiꞌ Ni nu ngwa sꞌni; loꞌo ni, wa msuꞌwa Jesús Tyiꞌi Ndiose kanꞌ, chaꞌ kan Ni lo chalyuu re. Nchga chaꞌ nu ynan wan, nchga chaꞌ nu naꞌan wan tsan ni, kanꞌ lka tñan nu yꞌni ykwiꞌ Jesús.

LOS HECHOS 2:4

Ngwañaꞌan ngwa chaꞌ nganun Tyiꞌi Ndiose niꞌ kasiya ꞌin nchga neꞌ kanꞌ. Kanꞌ chaꞌ ngwa ꞌin neꞌ ykwiꞌ neꞌ chaꞌ nu nchkwiꞌ nten nu mdoꞌo tyun kichen tijyuꞌ la, chunꞌ Tyiꞌi Ndiose yꞌni loꞌo neꞌ chaꞌ ngwañaꞌan ngwa ꞌin neꞌ bra kanꞌ.

SAN JUAN 16:7

Ja kuwe ꞌa tiꞌ wan. Chañi ꞌa chaꞌ nu nchkwiǐnꞌ loꞌo wan ni ―ndukwin Jesús―, chaꞌ suꞌwe la tyiꞌin wan lo chalyuu bra nu wa ndyaꞌaǎn. Ja ka kan Tyiꞌi Ndiose chaꞌ tayaꞌ Ni ꞌwan nchga tsan si ja tyaꞌaǎn, chaꞌ sa bra nu tyaꞌaǎn ni, bra kanꞌ suꞌwaǎn ꞌin Tyiꞌi Ni kanꞌ chaꞌ kan Ni seꞌen ndiꞌin wan.

SAN JUAN 12:16

Nu ngwa bra kanꞌ, ja ngwa biyaꞌ tiꞌ neꞌ chaꞌ kanꞌ. Ti ji ka chaꞌ tnun kanꞌ ꞌin Jesús, ti ji tyaa yu la seꞌen tlyu seꞌen ndiꞌin Ndiose niꞌ kwan. Xa wa ngwa chaꞌ tnun kanꞌ, ndyuꞌwi tiꞌ neꞌ nu yꞌni xaꞌan chaꞌ ꞌin yu chaꞌ nu ndukwa lo kityi kula ti sꞌni. Ngwa biyaꞌ tiꞌ neꞌ bra kanꞌ, chaꞌ sa ñaꞌan nu nchkwiꞌ kityi, kwiꞌ ngwañaꞌan ngwa chaꞌ nu yꞌni nten kaꞌan kanꞌ loꞌo Jesús.

ROMANOS 8:9

ꞌWan, siꞌi ngwañaꞌan ndiꞌin wan ni; ja ndiya ꞌa tiꞌ wan chaꞌ xaꞌan nu nsuꞌwi chalyuu. Suꞌwa ndiꞌin chaꞌ ꞌwan loꞌo Ndiose ni, chaꞌ mda Ndiose Tyiꞌi ykwiꞌ Ni chaꞌ kanun niꞌ kasiya ꞌwan. Loꞌo ja ndiꞌin chaꞌ ꞌñaan loꞌo Krixtu siyaꞌ ti si ja ya kanun Tyiꞌi Ndiose niꞌ kasiya ꞌñaan, ti kwiꞌ Tyiꞌi nu mdoꞌo ꞌin Krixtu.

LOS HECHOS 2:38

―Suꞌwe si ka jyuꞌu tiꞌ wan ꞌin chaꞌ kuxi; nchga chaꞌ kuxi nu nsuꞌwi tiye wan, kulo chunꞌ wan chaꞌ kuxi kanꞌ ―ndukwin Tyu ꞌin neꞌ―. Loꞌo ngwañaꞌan, tukwatya neꞌ ꞌwan chabiyaꞌ ꞌin Jesús bra kanꞌ. Katin nchga kiꞌya nu ndukwi wan bra kanꞌ; kwiꞌ ngwañaꞌan, ta Ndiose Tyiꞌi Ni chaꞌ kanun niꞌ kasiya ꞌwan.

SAN JUAN 20:22

Ngwaꞌa Jesús tloo neꞌ kanꞌ bra kanꞌ. ―Kanun Tyiꞌi Ndiose niꞌ kasiya ꞌwan ni ―ndukwin yu ꞌin neꞌ kanꞌ―.

SAN JUAN 12:23

Loꞌo ykwiꞌ Jesús chaꞌ re loꞌo neꞌ: ―Wa ndiya bra ꞌñaǎn chaꞌ ka tnuǔn bra nu kajaǎn, naꞌ nu wa mdiyaǎn lo chalyuu chaꞌ kaǎn nten ―ndukwin Jesús―.

EFESIOS 4:30

Ja kuꞌni wan chaꞌ ka xiꞌin tiꞌ Tyiꞌi Ndiose; nu lka Tyiꞌi Ndiose ni, sa ñaꞌan lka si wa mstya Ndiose biyaꞌ ꞌin Ni chuanꞌ, chaꞌ lkaan nten ꞌin Ni, ngwañaꞌan ndyoꞌo chaꞌ kanꞌ. Loꞌo kanun chaꞌ kanꞌ chuanꞌ sa ñaꞌan bra nu tsaa tii chalyuu ꞌñaan, bra nu tiya tsan nu kulaa ji Ni ꞌñaan.

2 CORINTIOS 3:8

loꞌo ni, ¡tnun la chaꞌ nchka bra nu chkwianꞌ chaꞌ ꞌin Jesús loꞌo nten, chunꞌ chaꞌ ngiꞌni Tyiꞌi ykwiꞌ Ni tñan niꞌ kasiya ꞌin neꞌ!

LOS HECHOS 4:31

Xa wa mdyii ykwiꞌ neꞌ chaꞌ loꞌo Ndiose, bra kanꞌ mñan naꞌan seꞌen ndiꞌin neꞌ kanꞌ. Kanꞌ chaꞌ jlyo tiꞌ neꞌ chaꞌ chañi chaꞌ nganun Tyiꞌi Ndiose niꞌ kasiya ꞌin taꞌa neꞌ, loꞌo ja ytsen ꞌa neꞌ chkwiꞌ neꞌ chaꞌ ꞌin Ndiose loꞌo xka la nten bra kanꞌ.

LOS HECHOS 3:13

Stian Ndiose, ti kwiꞌ Ni lka nu yꞌni tnun ayman kula ꞌñaan ti sꞌni, ni siya ayman Abraham, ni siya ayman Isaac, ni siya ayman Jacob; nchga ayman ꞌñaan yꞌni tnun neꞌ ꞌin Ndiose kanꞌ. Ndiose nu tlyu la ti lka nu nda chabiyaꞌ ꞌin Jesús Sñiꞌ Ni chaꞌ ka yu ndloo. Msñi wan ꞌin Jesús kanꞌ nu ngwa xkanꞌ ti, ndyaa loꞌo wan ꞌin yu, ndyaa stya wan kiꞌya ꞌin yu tloo neꞌ nu nka ndloo; loꞌo xa nu ngwa tiꞌ gobernador Pilato chaꞌ tyoꞌo Jesús seꞌen laja ti, ja mslyaa wan bra kanꞌ.

SAN JUAN 17:5

Nuꞌwin lkaa Stiǐn, kanꞌ chaꞌ kuꞌnii chaꞌ ka tlyuǔn xiyaꞌ, sa ñaꞌan ngwa xa nu ti mdiꞌiǐn loꞌoo kulo ndukwa la, nu ti ji tyisnan chalyuu. Kuꞌnii chaꞌ ka tlyuǔn, kwiꞌ sa ñaꞌan tlyu nu nchka ꞌiin nde seꞌen ndiꞌiin.

SAN JUAN 14:13

Kanꞌ chaꞌ ni, nchga chaꞌ nu jñan wan ꞌin Ndiose chabiyaꞌ ꞌñaǎn, kuꞌniǐn chaꞌ kanꞌ ―ndukwin―. Loꞌo kuꞌni nten chalyuu chaꞌ tlyu la ka chaꞌ ꞌin Stiǐn Ndiose xa nu kuꞌni tnun neꞌ ꞌñaǎn, skaǎn tiǎn nu lkaǎn Sñiꞌ Ni.

SAN JUAN 7:12

Kaꞌan ꞌa chaꞌ nchkwiꞌ neꞌ kichen kanꞌ loꞌo taꞌa neꞌ chaꞌ ꞌin Jesús. Ndiya neꞌ nu nchkwiꞌ: “Suꞌwe ꞌa nten lka yu kwa.” Loꞌo ndiya xka ta nten nu nchkwiꞌ: “Siꞌi. Xkwiꞌ chaꞌ kwiñi nchkwiꞌ yu kwa, nñi lyoꞌo ti yu ꞌin nten.”

SAN JUAN 6:14

Wa naꞌan neꞌ chaꞌ tnun nu tka yꞌni Jesús, kanꞌ chaꞌ ykwiꞌ neꞌ loꞌo taꞌa ndiꞌin neꞌ: ―Chañi chaꞌ yu kwa lka yu kula nu ndiꞌin chaꞌ chkwiꞌ chaꞌ ꞌin Ndiose loꞌoan, nu wa kan ti lo chalyuu re.

SAN JUAN 1:33

Ndiose lka nu ngulo tñan ꞌñaǎn chaꞌ tukwatyaǎn ꞌin nten, loꞌo Ndiose lka nu ytsaꞌ ꞌñaǎn chunꞌ ja yuꞌwi lyoǔn ꞌin Jesús ti kulo la. “Bra nu ñaꞌaan chaꞌ ndijyan ndiꞌya Tyiꞌiǐn ykwiǐnꞌ ke ska nten” ndukwin Ndiose ꞌñaǎn, “bra kanꞌ ka biyaꞌ tiiꞌ chaꞌ yu kanꞌ lka nu tukwatya ꞌin nten loꞌo Tyiꞌiǐn ykwiǐnꞌ, siꞌi loꞌo tyiꞌa ti” ndukwin Ni.

SAN JUAN 1:25

Xiyaꞌ ykwiꞌ neꞌ kanꞌ loꞌo Xuwa bra kanꞌ: ―¿Ni chaꞌ lka nduun ndukwatyaa ꞌin nten a?, chaꞌ siꞌi nten tnun kanꞌ lkaa, siꞌi ayman Elías lkaa, siꞌi yu kula nu chkwiꞌ chaꞌ ꞌin Ndiose lkaa.

SAN JUAN 1:21

―¿Ti ka nu lkaa sikwa a? ―ndukwin neꞌ ꞌin yu―. ¿Ayman Elías lkaa a? ―Siꞌi nu kanꞌ lkaǎn ―ndukwin Xuwa. ―Wa tyoꞌo tukwa ti ska yu kula nu chkwiꞌ chaꞌ ꞌin Ndiose loꞌo ba, nxkeꞌ tiꞌ ba ―ndukwin neꞌ―. ¿Siꞌi nu kanꞌ lkaa a? ―Siꞌi naꞌ ―ndukwin Xuwa bra kanꞌ.

SAN LUCAS 24:49

Loꞌo taǎn Tyiꞌiǐn ykwiǐnꞌ ꞌwan, chaꞌ wa ykwiꞌ Stiǐn chaꞌ ta Ni Tyiꞌi Ni ꞌwan; kanꞌ chaꞌ kanun wan nde Jerusalén re, sa ñaꞌan bra nu kaja jwersa ꞌin Tyiꞌi Ndiose ꞌwan, kanꞌ nu tyoꞌo nde niꞌ kwan chaꞌ kan kanun niꞌ kasiya ꞌwan.

SAN LUCAS 7:16

Yuwe ꞌa tiꞌ nchga nten la kanꞌ, chaꞌ naꞌan neꞌ ꞌin yu nu ngujwi kanꞌ. Bra kanꞌ mdyisnan neꞌ yꞌni tnun neꞌ ꞌin Ndiose. ―Tnun ꞌa chaꞌ ndiꞌin ꞌin yu nu wa mdiyan seꞌen ndiꞌian ni ―ndukwin neꞌ―, kanꞌ lka nu nchkwiꞌ nchga chaꞌ ꞌin Ndiose loꞌoan. Ngwañaꞌan ndukwin neꞌ bra kanꞌ. Loꞌo xka chaꞌ ykwiꞌ neꞌ: ―Wa mdiyan Ndiose ni, chaꞌ tayaꞌ Ni ꞌin nten ꞌin Ni ―ndukwin neꞌ.

SAN LUCAS 3:16

Bra kanꞌ ykwiꞌ Xuwa loꞌo nchga neꞌ nu ndiꞌin kanꞌ: ―Loꞌo tyiꞌa ti ndukwatyaǎn ꞌwan ―ndukwin Xuwa―. Loꞌo wa kan ti xka nten seꞌen ndiꞌin wan nu nchka la ꞌin ke naꞌ. Loꞌoǔn kuꞌni tnuǔn ꞌin yu kanꞌ. Suꞌwe ꞌa tñan kaja ꞌñaǎn, nxkeꞌ tiǎnꞌ, ni siya ti ndukwa snan yu kanꞌ xtiǐnꞌ. Loꞌo yu kanꞌ, ja ndukwatya yu ꞌin nten loꞌo tyiꞌa ti; xka ñaꞌan kuꞌni yu. Kuꞌni yu chaꞌ kanun Tyiꞌi Ndiose niꞌ kasiya ꞌin nten, bra nu tukwatya yu ꞌin neꞌ. Loꞌo kanꞌ kuꞌni luwi Ndiose ꞌin neꞌ kanꞌ loꞌo xaa ꞌin ykwiꞌ Ni, chaꞌ ngwañaꞌan ka suꞌwe ka tiye neꞌ ―ndukwin―.

SAN MATEO 16:14

―Ndiya nten nu nchkwiꞌ chaꞌ nuꞌwin lkaa ayman Xuwa nu mdukwatya ꞌin nten nu ngwa xkanꞌ ―ndukwin neꞌ ꞌin Jesús―. Loꞌo ndiya nten nu nchkwiꞌ chaꞌ ayman Elías lkaa. Loꞌo ndiya nten nu nchkwiꞌ chaꞌ ayman Jeremías lkaa. Loꞌo ndiya nten nu nchkwiꞌ chaꞌ wa ndyuꞌu xka ayman xiyaꞌ nu ykwiꞌ chaꞌ ꞌin Ndiose loꞌo nten nu ngwa sꞌni; ti kwiꞌ kanꞌ lka nuꞌwin, ndukwin neꞌ.

SAN JUAN 14:26

Chunꞌ ndiꞌin la ka biyaꞌ la tiꞌ wan nchga chaꞌ kanꞌ; kwaꞌu Tyiꞌi Ndiose chaꞌ kanꞌ ꞌwan ―ndukwin Jesús―. Wa suꞌwa ti Stiǐn Ndiose Tyiꞌi Ni chaꞌ kan lo chalyuu chaꞌ tayaꞌ Ni ꞌwan nchga bra chabiyaꞌ ꞌñaǎn. Kuꞌni Ni chaꞌ tyuꞌwi tiꞌ wan nchga chaꞌ nu wa ykwiǐnꞌ loꞌo wan.

SAN MATEO 21:11

Mxkwen nten kaꞌan kanꞌ ꞌin neꞌ kichen bra kanꞌ: ―Jesús Nazaret lka yu re. Nde lo yuu ꞌin Galilea ndukwa kichen tyi yu. Kwiꞌ nchkwiꞌ yu chaꞌ ꞌin Ndiose loꞌo nten ―ndukwin neꞌ.

SAN JUAN 8:54

Mxkwen Jesús ꞌin neꞌ bra kanꞌ: ―Ja suꞌweěn siyaꞌ ti si kuꞌniǐn chaꞌ ka tlyuǔn laǎn, ti ykwiǐnꞌ tiǎn; Stiǐn Ndiose, kanꞌ nu ngiꞌni chaꞌ ca tlyuǔn ― ndukwin Jesús―. Loꞌo ꞌwan ni, ngiꞌni wan chaꞌ Sti wan lka Ndiose,

SAN JUAN 16:14

Kuꞌni tnun Tyiꞌi Ndiose ꞌñaǎn. Nchga chaꞌ nu kwaꞌu Ni ꞌwan, chaꞌ ꞌñaǎn lka chaꞌ kanꞌ; naꞌ lkaǎn suun chaꞌ kanꞌ ―ndukwin Jesús ꞌin neꞌ nu ngiꞌni xaꞌan chaꞌ ꞌin yu―.

SAN JUAN 17:1

Xa wa mdyii ykwiꞌ Jesús chaꞌ kanꞌ, naꞌan yu nde niꞌ kwan, loꞌo kwen ꞌa ykwiꞌ yu loꞌo Ndiose Sti yu: ―Chkwiǐnꞌ loꞌoo ni, chaꞌ nuꞌwin lkaa Stiǐn ―ndukwin Jesús―. Wa ndiya bra ꞌñaǎn chaꞌ kajaǎn. Loꞌo ni, kuꞌnii chaꞌ ka tlyuǔn, chaꞌ bra kanꞌ ka kuꞌniǐn chaꞌ ka tlyu la nuꞌwin, chaꞌ naꞌ lkaǎn Sñiiꞌ.

LOS HECHOS 19:2

―¿Ta wa nganun Tyiꞌi Ndiose niꞌ kasiya ꞌwan ti bra nu msñi wan chaꞌ ꞌin Ndiose a? ―ndukwin Palyu ꞌin neꞌ. ―Ja nganun ran ―ndukwin neꞌ ꞌin Palyu―. Ja jlyo tiꞌ ba ni nan lka Tyiꞌi Ndiose.