SAN JUAN 4:34 - Chatino Zona Alta Occidental

³⁴ Loꞌo ykwiꞌ Jesús loꞌo neꞌ kanꞌ xiyaꞌ bra kanꞌ: ―Bra nu ngiꞌniǐn tñan ꞌin Stiǐn Ndiose, ngulaꞌ tiǎnꞌ sa ñaꞌan si wa ykuǔn tyija, sa ñaꞌan si wa yiꞌoǔn tyiꞌa ―ndukwin yu bra kanꞌ―. Ndiꞌin chaꞌ kuꞌni tyiǐn tñan nu mda Stiǐn ꞌñaǎn chaꞌ nu ndijyaǎn lo chalyuu ―ndukwin yu―.

SAN JUAN 4:34 Referans Kwoze

SAN JUAN 6:38

Wa mdoꞌoǔn seꞌen ndiꞌin Stiǐn Ndiose, mdiyaǎn lo chalyuu chaꞌ kuꞌniǐn tñan nu ngulo Stiǐn ꞌñaǎn; ja ndijyaǎn chaꞌ kuꞌniǐn sa ñaꞌan nu nchka tiǎnꞌ kuꞌniǐn tiǎn ―ndukwin Jesús―.

SAN JUAN 5:30

’Ja ska tñan ka ꞌñaǎn si skaǎn tiǎn ―ndukwin Jesús―. Bra nu ngiꞌni biyaǎnꞌ ꞌin nten, ngiꞌniǐn sa ñaꞌan nu nchkwiꞌ Stiǐn loꞌoǔn chaꞌ kuꞌniǐn. Suꞌwa ngiꞌni biyaǎnꞌ ꞌin nchga nten, chaꞌ ngiꞌniǐn sa ñaꞌan nu nchka tiꞌ Stiǐn nu ngwaꞌan tñan ꞌñaǎn chaꞌ ndijyaǎn lo chalyuu; ja ngiꞌniǐn ska chaꞌ nu ngulo keěn ti ykwiǐnꞌ tiǎn ―ndukwin Jesús bra kanꞌ―.

SAN JUAN 17:4

’Lo chalyuu seꞌen mdiꞌiǐn wa yꞌniǐn chaꞌ tlyu la ka nuꞌwin ―ndukwin Jesús―, loꞌo wa mdyii yꞌniǐn nchga tñan nu mdaa ꞌñaǎn chaꞌ kuꞌniǐn nde re.

SAN JUAN 19:30

Bra wa ytiꞌ Jesús mñun kanꞌ, bra kanꞌ ndukwin yu: ―Wa ngwa nchga chaꞌ. Bra kanꞌ ngwiꞌya tukwi ke yu, ngujwi yu bra kanꞌ.

SAN MATEO 26:39

Ti ndyaa la yu chinꞌ nde kwa bra kanꞌ. Mdyisti yu nde tloo yu chaꞌ xiꞌin ꞌa tiꞌ yu. Ykwiꞌ yu loꞌo Ndiose, nde lka chaꞌ nu ykwiꞌ yu bra kanꞌ: ―Stiǐn, ¿ta ja nsuꞌwi ꞌa xka ñaꞌan nu kuꞌniǐn tñan tnun re ꞌiin a?, chaꞌ ja tyijiǐn ꞌaǎn nu tiꞌí siꞌya chaꞌ tnun re ―ndukwin Jesús ꞌin Ndiose Sti yu―. Ska ti chaꞌ nchka tiǎnꞌ kuꞌniǐn ñaꞌaan tñan nu kuloo ꞌñaǎn. Siꞌi naꞌ kuloǔn tñan.

SAN JUAN 5:36

Loꞌo chinꞌ ꞌa chaꞌ ꞌñaǎn ykwiꞌ Xuwa loꞌo wan; wa kaꞌan la chaꞌ ñaꞌan wan ni, chunꞌ chaꞌ mdiyaǎn lo chalyuu, xa nu ñaꞌan wan tñan tnun nu ngulo Stiǐn ꞌñaǎn chaꞌ kuꞌniǐn. Ti kuꞌniǐn tñan kanꞌ sa ñaꞌan yaꞌ tyii ran. Loꞌo tñan kanꞌ ka jlyo tiꞌ wan chaꞌ Stiǐn lka nu ngulo tñan ꞌñaǎn chaꞌ mdiyaǎn lo chalyuu re ―ndukwin Jesús―.

SAN JUAN 4:32

―Wa ngulaꞌ tiǎnꞌ ―ndukwin Jesús bra kanꞌ―. Wa ndiya chinꞌ nan ykuǔn re loꞌo ja nsuꞌwi lyo wan ꞌin ran.

SAN LUCAS 19:10

Wa msuꞌwa Ndiose ꞌñaǎn ndijyaǎn chaꞌ kaǎn nten chaꞌ tyaꞌan naǎn ꞌin nten nu mnaꞌ kasiya ꞌin neꞌ siꞌya chaꞌ kuxi, chaꞌ ka kulaǎn ꞌin nten kanꞌ.

HEBREOS 12:2

Tyaꞌan chaꞌ tiyean sa ñaꞌan nu yꞌni Jesús, chunꞌ Jesús lka suun nchga chaꞌ nu ndyaa ñaꞌan tianꞌ ni. Si ngwañaꞌan kuꞌnian, ka tsaa ñaꞌan tianꞌ ꞌin Ni sa yaꞌ nu tyii chalyuu ꞌñaan. Jesús ni, ja mxiꞌin chunꞌ yu ꞌin tñan nu mdiꞌin chaꞌ kuꞌni yu, ni siya jlyo tiꞌ yu chaꞌ wa kaja ti yu lo wsi. Chunꞌ ndiꞌin la xa wa mdijin lyoo yu ꞌin nu kuxi, suꞌwe ꞌa ngwa tiye yu bra kanꞌ; kanꞌ chaꞌ ja mjyuꞌu tiꞌ yu siyaꞌ ti, ni siya mda neꞌ nu tiꞌí ꞌin yu lo wsi. Loꞌo ni, wa ndyaa tukwa Jesús nde laꞌa seꞌen kwin seꞌen tnun seꞌen ndukwa Ndiose Stian.

SAN LUCAS 15:10

Suꞌwe ꞌa ka tiye nu kunaꞌan kanꞌ, chaꞌ wa ndyija lyo tñi ꞌin neꞌ; kwiꞌ ngwañaꞌan ka seꞌen ndiꞌin Ndiose, ka suꞌwe ꞌa ka tiye Ndiose loꞌo nten ꞌin Ni nde niꞌ kwan, chaꞌ wa ngwa jyuꞌu tiꞌ ska ti nten chalyuu ꞌin chaꞌ kuxi nu yꞌni, ngulaa yaꞌ yu chaꞌ kuxi kanꞌ bra kanꞌ.

LOS HECHOS 20:35

Yꞌniǐn ngwañaꞌan chaꞌ ka biyaꞌ tiꞌ wan sa ñaꞌan nu suꞌwe kuꞌni wan loꞌo nten nu ndiꞌin ꞌa chaꞌ nu lyiji ꞌin. Ndiꞌin chaꞌ tyuꞌwi tianꞌ ska chaꞌ nu wa ykwiꞌ Jesús nu nka Xꞌnaan loꞌoan: “Ni siya suꞌwe nka tiye wan bra nu ta xuꞌwe ti nten ska nan ꞌwan, tlyu la chaꞌ suꞌwe lka bra nu ta xuꞌwe ti wan ska nan ꞌin taꞌa nten wan” ndukwin Jesús ꞌñaan.

SAN JUAN 6:33

Ta Stiǐn ska lo chaꞌ nu kiꞌya niꞌ kasiya ꞌwan, nu chañi kuꞌni chaꞌ kalaꞌ tiꞌ wan xa wa mjwi chaꞌ kanꞌ ꞌwan, sa ñaꞌan lka bra nu nchkuan tyaja. Ndyoꞌo chaꞌ suꞌwe kanꞌ seꞌen ndiꞌin Ndiose nde niꞌ kwan, ndijyan ran lo chalyuu, nda ran chalyuu nu ja tsaa tii ꞌa ꞌin nten nu xñi chaꞌ ꞌñaǎn.

SAN MATEO 3:15

Ykwiꞌ Jesús loꞌo yu bra kanꞌ: ―Suꞌwe tukwatyaa ꞌñaǎn ni ―ndukwin Jesús ꞌin Xuwa―, chaꞌ ngwañaꞌan suꞌwe kuꞌnian nchga tñan nu nchka tiꞌ Ndiose chaꞌ kuꞌnian. Bra nu ynan Xuwa chaꞌ nu ykwiꞌ Jesús loꞌo yu, mdukwatya yu ꞌin Jesús bra kanꞌ.

SAN LUCAS 2:49

Bra kanꞌ ykwiꞌ Jesús loꞌo jyaꞌan yu: ―¿Ni chaꞌ ndaꞌan naan wan ꞌñaǎn a? ¿Ja jlyo tiꞌ wan chaꞌ ndiꞌin chaꞌ kuꞌniǐn tñan ꞌin Stiǐn a? ―ndukwin Jesús bra kanꞌ.

SAN JUAN 8:29

Nchga tsan ndiꞌin Ni loꞌoǔn, ti kwiꞌ Ni nu ngwaꞌan tñan ꞌñaǎn chaꞌ ndijyaǎn re. Ja ngulaa yaꞌ ꞌa Stiǐn ꞌñaǎn, chaꞌ xkwiꞌ tñan nu ndiya tiꞌ Ni, kanꞌ lka tñan nu ngiꞌniǐn.

SAN JUAN 19:28

Ngwañaꞌan ngwa. Loꞌo mgii tiꞌ Jesús chaꞌ wa ngwa nchga chaꞌ nu ndiꞌin chaꞌ ka ꞌin yu bra kanꞌ, kanꞌ chaꞌ ykwiꞌ yu ska chaꞌ, ti kwiꞌ taꞌa chaꞌ nu ndukwa lo kityi kula: ―Ngityi ꞌa tiǎnꞌ ni ―ndukwin yu.

SAN MATEO 9:19

Kanꞌ chaꞌ mdoꞌo Jesús loꞌo neꞌ nu ngiꞌni xaꞌan chaꞌ ꞌin yu, ndyaa neꞌ loꞌo yu kula kanꞌ.