SAN JUAN 2:18 - Chatino Zona Alta Occidental

¹⁸ Loꞌo msinꞌ ꞌa tiꞌ neꞌ judío bra kanꞌ, kanꞌ chaꞌ mnichaꞌ neꞌ ꞌin Jesús: ―¿Ti ka nu lka nda chabiyaꞌ ꞌiin chaꞌ kuꞌnii ngwañaꞌan a? ―ndukwin neꞌ ꞌin Jesús―. ¿Ni sa ñaꞌan kuꞌnii chaꞌ tsaa ñaꞌan tiꞌ ba ꞌiin?

SAN JUAN 2:18 Referans Kwoze

SAN JUAN 6:30

Bra ti mnichaꞌ neꞌ ꞌin Jesús xiyaꞌ: ―¿Ni sa ñaꞌan kuꞌnii sikwa a? ¿Ni sa ñaꞌan chaꞌ tnun kuꞌnii chaꞌ ñaꞌan kwiꞌya ba chinꞌ ꞌin ran, chaꞌ xñi ba chaꞌ ꞌiin chunꞌ ndiꞌin la? ―ndukwin neꞌ ꞌin Jesús―.

LOS HECHOS 5:28

―Wa ngulo ba tñan ꞌwan ―ndukwin sti joꞌo ꞌin neꞌ kanꞌ―, chaꞌ ja kwaꞌu ꞌa wan chaꞌ ꞌin ayman Jesús kanꞌ ꞌin nten ―ndukwin yu―. ¿Ni nan lka ngwa ꞌwan ni a? ¿Ni chaꞌ ja nnan wan a? ―ndukwin yu―. Nduꞌu wan chaꞌ kanꞌ ꞌin nchga neꞌ kichen Jerusalén re, loꞌo nchka tiꞌ wan xtya wan kiꞌya ꞌwa chaꞌ yjwi ba ꞌin Jesús kanꞌ, ndukwin wan.

LOS HECHOS 4:7

Ngulo neꞌ ꞌin Tyu loꞌo Xuwa niꞌ ñaꞌan chkwan, mdiyan loꞌo neꞌ ꞌin yu tloo neꞌ nu nka ndloo. Kanꞌ mnichaꞌ neꞌ ꞌin yu: ―¿Ni sa ñaꞌan yꞌni wan chaꞌ nchkaa yu tiꞌí kiyaꞌ re a? ―ndukwin neꞌ ꞌin yu―. ¿Ti ka nu nda chabiyaꞌ ꞌwan chaꞌ kuꞌni chkaa wan ꞌin yu a?

SAN JUAN 1:25

Xiyaꞌ ykwiꞌ neꞌ kanꞌ loꞌo Xuwa bra kanꞌ: ―¿Ni chaꞌ lka nduun ndukwatyaa ꞌin nten a?, chaꞌ siꞌi nten tnun kanꞌ lkaa, siꞌi ayman Elías lkaa, siꞌi yu kula nu chkwiꞌ chaꞌ ꞌin Ndiose lkaa.

SAN LUCAS 11:29

Ti ndyoꞌ tiꞌin la neꞌ sa tlyu ti seꞌen ndiꞌin Jesús bra kanꞌ, xiyaꞌ ykwiꞌ Jesús loꞌo neꞌ: ―Xaꞌan ꞌa nten chalyuu ni ―ndukwin Jesús―. Wa nchka tiꞌ neꞌ chaꞌ kuꞌniǐn ska chaꞌ tnun chabiyaꞌ ꞌin Ndiose, chaꞌ ñaꞌan kwiꞌya neꞌ ꞌin ran ñaꞌan tiꞌ ska chaꞌ wjya ti. Loꞌo ja kuꞌniǐn ngwañaꞌan. Ndiꞌin chaꞌ tyaa yuꞌwi tiꞌ wan sa ñaꞌan nu ngwa ꞌin ayman Jona nu yuꞌwi chalyuu nu ngwa sꞌni.

SAN MARCOS 8:11

Chunꞌ ndiꞌin la mdoꞌo tukwa chinꞌ neꞌ fariseo seꞌen ndiꞌin Jesús. Ngwa tiꞌ neꞌ tyijin lyo neꞌ ꞌin Jesús loꞌo ska chaꞌ tukwi, kanꞌ chaꞌ mjñan neꞌ ꞌin yu chaꞌ kuꞌni yu ska chaꞌ tnun chabiyaꞌ ꞌin Ndiose nu ndiꞌin nde niꞌ kwan.

SAN MATEO 21:23

Bra nu mdiyan neꞌ kichen tlyu kanꞌ xiyaꞌ, bra kanꞌ yten Jesús ndyaa yu niꞌ lyaa tnun kanꞌ; nduꞌu yu ꞌin nten xiyaꞌ. Loꞌo sti joꞌo nu lka ndloo, loꞌo xka ta neꞌ kula nu lka ndloo, naꞌan neꞌ ꞌin Jesús bra kanꞌ. Bra ti ndyaa neꞌ kanꞌ seꞌen ndiꞌin yu chaꞌ kunichaꞌ neꞌ ꞌin yu bra kanꞌ: ―¿Ti ka lka nu nda ra chabiyaꞌ ꞌiin chaꞌ kuꞌnii sa ñaꞌan tñan nu ngiꞌnii ni? ―ndukwin neꞌ nu lka ndloo kanꞌ ꞌin Jesús―. ¿La nde yaꞌ mjwi chabiyaꞌ kwa ꞌiin? ―ndukwin neꞌ kanꞌ ꞌin yu.

SAN JUAN 1:19

Loꞌo tyun sti joꞌo loꞌo neꞌ xta, mdoꞌo neꞌ kichen Jerusalén, mdiyan neꞌ seꞌen ndiꞌin Xuwa bra kanꞌ. Neꞌ judío nu ndiꞌin Jerusalén, kanꞌ nu ngulo tñan ꞌin neꞌ, chaꞌ tsaa neꞌ seꞌen ndiꞌin Xuwa chaꞌ kunichaꞌ neꞌ ꞌin Xuwa ti ka nu lka yu.