SAN JUAN 10:32 - Chatino Zona Alta Occidental

³² Kanꞌ chaꞌ ykwiꞌ yu loꞌo neꞌ kanꞌ: ―Wa kaꞌan ꞌa tñan suꞌwe yꞌniǐn chabiyaꞌ ꞌin Stiǐn seꞌen ndiꞌin wan, kwiꞌ ngwañaꞌan, wa naꞌan wan chaꞌ tnun nu yꞌniǐn. ¿Ta siꞌya ska tñan suꞌwe nu yꞌniǐn, kanꞌ chaꞌ nchka tiꞌ wan kuun kee wan ꞌñaǎn ni a?

SAN JUAN 10:32 Referans Kwoze

1 SAN JUAN 3:12

Ja kuꞌnian sa ñaꞌan nu yꞌni ayman Caín; sñiꞌ kuneꞌ xaꞌan ngwa yu kanꞌ, chaꞌ nu yjwi yu ꞌin taꞌa yu. ¿Ni chaꞌ lka yꞌni yu ngwañaꞌan a? Yjwi yu ꞌin taꞌa yu chunꞌ chaꞌ xkwiꞌ chaꞌ kuxi yꞌni ykwiꞌ yu, kanꞌ chaꞌ ja ndiya tiꞌ yu chaꞌ xkwiꞌ chaꞌ suꞌwe yꞌni taꞌa yu.

LOS HECHOS 10:38

Jlyo tiꞌ wan sa ñaꞌan mdiꞌin Jesús lo chalyuu, ti kwiꞌ Jesús Nazaret. Wa ngulo suwi Ndiose Sti yu ꞌin yu, loꞌo ti mda la Ni jwersa ꞌin Jesús bra nu mdiyan Tyiꞌi Ndiose ñaꞌaan chunꞌ yu. Nchga seꞌen mdaꞌan yu yꞌni yu chaꞌ suꞌwe loꞌo nten; kwiꞌ ngwañaꞌan, yꞌni yu chaꞌ nchkaa neꞌ nu tiꞌí ꞌa, ni siya nten nu msñi kwiꞌin kuxi ꞌin. Ngwañaꞌan yꞌni Jesús tñan, chaꞌ mdayaꞌ ꞌa Ndiose ꞌin yu.

LOS HECHOS 2:22

’ꞌWan, neꞌ Israel ―ndukwin yu―, kunan suꞌwe wan chaꞌ nu chkwiǐnꞌ loꞌo wan ni. Neꞌ Nazaret ngwa Jesús. Mdayaꞌ Ndiose ꞌin yu chaꞌ nu yꞌni yu xkwiꞌ chaꞌ tnun seꞌen ndiꞌin wan. Kaꞌan ꞌa chaꞌ mdaꞌan tiye wan chaꞌ naꞌan wan chaꞌ tnun kanꞌ, loꞌo ngwa biyaꞌ tiꞌ wan chaꞌ xkwiꞌ tñan ꞌin Ndiose ngwa bra kanꞌ.

SAN JUAN 10:37

Ngiꞌniǐn nchga tñan nu ngiꞌni Stiǐn ―ndukwin Jesús bra kanꞌ―. Si ja ngiꞌniǐn ꞌin ran, ja ndiꞌin chaꞌ tsaa ñaꞌan tiꞌ wan ꞌñaǎn sikwa ―ndukwin.

SAN JUAN 5:36

Loꞌo chinꞌ ꞌa chaꞌ ꞌñaǎn ykwiꞌ Xuwa loꞌo wan; wa kaꞌan la chaꞌ ñaꞌan wan ni, chunꞌ chaꞌ mdiyaǎn lo chalyuu, xa nu ñaꞌan wan tñan tnun nu ngulo Stiǐn ꞌñaǎn chaꞌ kuꞌniǐn. Ti kuꞌniǐn tñan kanꞌ sa ñaꞌan yaꞌ tyii ran. Loꞌo tñan kanꞌ ka jlyo tiꞌ wan chaꞌ Stiǐn lka nu ngulo tñan ꞌñaǎn chaꞌ mdiyaǎn lo chalyuu re ―ndukwin Jesús―.

SAN MATEO 11:5

Katsaꞌ wan ꞌin yu sa ñaꞌan ngiꞌniǐn chaꞌ nchkaa kiloo nten nu ngwa kwityiinꞌ, chaꞌ ndaꞌan nten nu ngwa tiꞌí kiyaꞌ, chaꞌ ngwa luwi kunaꞌ nten nu mtsuꞌ kunaꞌ, chaꞌ nu nnan nten nu ngwa kuꞌun tu nskan, chaꞌ ndyuꞌu nten xiyaꞌ bra nu wa ngujwi neꞌ, chaꞌ nchka biyaꞌ tiꞌ nu tiꞌi sa ñaꞌan nu kulaa Ndiose ꞌin nten chalyuu ꞌin chaꞌ kuxi nu ndiꞌin ꞌin neꞌ.

SAN JUAN 10:25

―Ngwañaꞌan niǐn ꞌwan ska yaꞌ ―ndukwin Jesús ꞌin neꞌ kanꞌ bra kanꞌ―, loꞌo ja siyaꞌ ndyaa ñaꞌan tiꞌ wan chaꞌ nu ykwiǐnꞌ loꞌo wan nu ngwa xkanꞌ ―ndukwin―. Bra nu ñaꞌan wan chaꞌ tnun nu ngiꞌniǐn chabiyaꞌ ꞌin Stiǐn, ka biyaꞌ suꞌwe tiꞌ wan bra kanꞌ.

SAN JUAN 10:31

Loꞌo xiyaꞌ msñi neꞌ judío kanꞌ kee chaꞌ kuun neꞌ ꞌin Jesús, chaꞌ kujwi neꞌ ꞌin yu.

SAN JUAN 10:33

Mxkwen neꞌ judío kanꞌ ꞌin Jesús bra kanꞌ: ―Ja kujwi ba ꞌiin loꞌo kee siꞌya ska tñan suꞌwe nu yꞌnii ―ndukwin neꞌ―; siꞌya chaꞌ kuxi nu nchkwiiꞌ ꞌin Ndiose, kanꞌ chaꞌ kuun kee ba ꞌiin. Sñiꞌ nten chalyuu lkaa, loꞌo nuꞌwin ngiꞌnii chaꞌ Ndiose lkaa.