HEBREOS 12:28 - Chatino Zona Alta Occidental

²⁸ Kwiꞌ ngwañaꞌan, ja xaꞌan ꞌa chalyuu kwi nu wa mjwi ꞌñaan chunꞌ Krixtu, ja siyaꞌ tyii chalyuu kanꞌ; kanꞌ chaꞌ tyaan xuꞌwe ꞌin Ndiose sikwa. Kuꞌniin tnuan ꞌin Ni, chaꞌ ngwañaꞌan nchka tiꞌ Ni chaꞌ kuꞌnian. Kuwe ꞌa tianꞌ ꞌin Ni chaꞌ tnun ꞌa chaꞌ ndiꞌin ꞌin Ni; nchga tsan kuꞌniin tnuan ꞌin Ni sikwa.

HEBREOS 12:28 Referans Kwoze

HEBREOS 13:15

Kanꞌ chaꞌ nchga tsan kuꞌniin tnuan ꞌin Ndiose chaꞌ ꞌin Jesús; ñaꞌan tiꞌ si taan lomstan ꞌin Ni, kwiꞌ ngwañaꞌan lka xa nu tyukwi ti tiyean kuꞌniin tnuan ꞌin Ni. Loꞌo ngwañaꞌan, ¡suꞌwe ꞌa si nchga tsan chkwianꞌ chaꞌ tnun ꞌa chaꞌ nu ndiꞌin ꞌin Ndiose Stian!

HEBREOS 4:16

Ja ndiꞌin chaꞌ kutsean siyaꞌ ti sikwa, tyukwi ti tiyean ka jñaan chaꞌ ꞌin Ndiose, chunꞌ kwiꞌ Ni nka Ni ndloo. Chkwianꞌ loꞌo Ndiose nu xkwiꞌ chaꞌ suꞌwe ngiꞌni Ni loꞌo nten chalyuu; jñaan chaꞌ ꞌin Ni chaꞌ chka tꞌnan tiꞌ Ni ꞌñaan, chaꞌ suꞌwa yaꞌ Ni ꞌñaan, bra nu ndiꞌin la chaꞌ nu lyiji ꞌñaan.

1 SAN PEDRO 2:5

chaꞌ loꞌo wan ka wan ñaꞌan tiꞌ tyuu chaꞌ tyaꞌ ska naꞌan ꞌin Ndiose, ni siya ñaꞌan luꞌu ti wan. Bra kanꞌ xñi Ndiose tyuu kanꞌ, chaꞌ kwiñan Ni ska naꞌan nu kti ꞌa chaꞌ ꞌin Ni. Ti kwiꞌ ti chaꞌ, nchga wan lka wan ñaꞌan tiꞌ sti joꞌo nu luwi ꞌa kasiya ꞌin, chaꞌ ka ꞌwan xtya wan lomstan tloo Ndiose seꞌen ndukwa Ni nde niꞌ kwan chunꞌ Jesucristo; lomstan kanꞌ lka wan, ti ykwiꞌ ti wan, si chañi chaꞌ tyukwi ti tiye wan nchka tiꞌ wan tukwa wan chaꞌ nu nchkwiꞌ Ni.

EL APOCALIPSIS 1:6

Wa yꞌni Jesús chaꞌ kaan ska lo nten nu ndloo ꞌa chaꞌ ꞌin Ndiose, chaꞌ kuꞌnian tñan nu nchka tiꞌ Ndiose Sti Jesús chaꞌ kuꞌnian. Loꞌo ngwañaꞌan, nka tiye ba chaꞌ ¡nchga tyempu nu ndyaa nde loo la, ja tyii chaꞌ kuꞌniin tnuan ꞌin Ndiose, chunꞌ nchga chaꞌ nu nchka ꞌin Ni kuꞌni Ni siyaꞌ ti! Kwiꞌ ngwañaꞌan ka sikwa.

1 SAN PEDRO 1:17

Xkwiꞌ ñi ti ngiꞌni biyaꞌ Ni ꞌin nten, sa ñaꞌan ndyoꞌo chaꞌ suꞌwe nu yꞌni skaa nten, sa ñaꞌan ndyoꞌo chaꞌ kuxi nu yꞌni skaa nten xa nu mdiꞌin neꞌ lo chalyuu. Kanꞌ chaꞌ ndiꞌin chaꞌ kutsen wan chinꞌ bra nu chkwiꞌ wan “Sti ba” loꞌo Ndiose. Ndiꞌin chaꞌ tukwa wan chaꞌ nu nchkwiꞌ Ndiose Stian nchga tsan nu tyiꞌin wan lo chalyuu, chaꞌ xkwiꞌ chaꞌ suꞌwe kuꞌni wan chaꞌ ꞌin Ni.

ROMANOS 11:20

Chañi chaꞌ ꞌwan. Loꞌo ni, nde lka chaꞌ. Wa mxkwan Ndiose ꞌin neꞌ judío, chunꞌ nu ja mslyaa neꞌ xñi neꞌ chaꞌ ꞌin Ni; loꞌo ꞌwan, wa mjwi chabiyaꞌ ꞌwan chaꞌ sten wan chaꞌ ꞌin Ndiose, ti kwiꞌ chaꞌ nu yten wan ni, xa wa msñi wan chaꞌ ꞌin Ndiose. Kanꞌ chaꞌ ja ndiꞌin chaꞌ kuꞌni siyeꞌ wan loꞌo neꞌ judío kanꞌ. Kuwe chinꞌ tiꞌ wan sikwa.

EL APOCALIPSIS 15:4

¿Loꞌo ja ntsen neꞌ ꞌiin a? ¿Ta ja xlyaa neꞌ nchkwin neꞌ chaꞌ tnun ꞌa tñan ngiꞌnii a? Ska ti nuꞌwin nu luwi ꞌa kasiya ꞌiin. Wa naꞌan neꞌ nchga seꞌen ngiꞌni biyaaꞌ ꞌin nten chaꞌ ñi ꞌa ndyoꞌo chaꞌ, kanꞌ chaꞌ ndijyan nchga nten tyukwi ñaꞌaan chalyuu seꞌen ndiꞌiin chaꞌ kuꞌni tnun neꞌ ꞌiin. Mdyii kantu nu ngala tuꞌwa neꞌ bra kanꞌ.

1 SAN PEDRO 2:20

Loꞌo bra nu jwiꞌin xꞌnan msu kanꞌ ꞌin yu siꞌya ska chaꞌ kuxi nu yꞌni yu, ndiꞌin chaꞌ talo msu kanꞌ tyijin yu nu tiꞌí. Loꞌo chabiyaꞌ ꞌin Ndiose ni, suꞌwe ꞌa ngiꞌni ska msu nu talo ꞌa ꞌin xꞌnan yu bra nu ta xꞌnan yu nu tiꞌí ꞌin yu chaꞌ nchka ti tiꞌ xꞌnan yu, ni siya suꞌwe ꞌa ndukwa msu kanꞌ tñan ndlo xꞌnan yu.

EL APOCALIPSIS 5:10

Nuꞌwin wa yꞌnii chaꞌ ka neꞌ kanꞌ ska lo nten nu ndloo ꞌa chaꞌ ꞌin Ndiose Stian, chaꞌ ka kuꞌni neꞌ tñan nu nchka tiꞌ Ni chaꞌ ka. Loꞌo ngwañaꞌan, ka neꞌ kanꞌ ndloo tyukwi ñaꞌaan lo chalyuu bra kanꞌ.

HEBREOS 10:19

ꞌWan neꞌ taꞌa msñian chaꞌ ꞌin Krixtu, wa mjwi chabiyaꞌ ꞌñaan ni, chaꞌ tsaan seꞌen ndiꞌin Ndiose, nu luwi ꞌa chaꞌ ndiꞌin ꞌin siyaꞌ ti. Jesús, kanꞌ nu nda chabiyaꞌ kanꞌ ꞌñaan, chunꞌ ngalu tnen yu bra nu ngujwi yu lo wsi, chaꞌ katin kiꞌya nu ndukwian.

HEBREOS 3:6

Loꞌo Krixtu ni, suꞌwe la ti tñan nu yꞌni yu, chunꞌ lka yu Sñiꞌ ykwiꞌ Ndiose, lka yu ndloo ꞌin nchga nten nu ndiꞌin chaꞌ ꞌin Ni. Loꞌo nan, ti kwiꞌ nten ꞌin Ndiose lkaan, xa nu ja ntsean ꞌaan tyukwi tyempu nu nsuꞌwian chalyuu, bra nu ti ndyaa ñaꞌan suꞌween tianꞌ ꞌin Ni chaꞌ ndiꞌin taan ꞌin Krixtu chaꞌ kulaa ji Ni ꞌñaan.

SAN MATEO 25:34

Bra nu kaǎn ndloǔn la ti, chkwiǐnꞌ loꞌo nchga nten nu ndiꞌin laꞌa seꞌen kwin ꞌñaǎn: “Kan wan nde seꞌen ndiꞌin Ndiose nu lka ndloo la ti, nchga wan nu suꞌwe ꞌa nka tiye Stiǐn Ndiose ñaꞌan Ni ꞌwan, chaꞌ wa yꞌni xuꞌwe Ni seꞌen tyiꞌin wan seꞌen ndiꞌin ykwiꞌ Ni, ti bra nu mñan Ni chalyuu.

HEBREOS 5:7

Bra nu ti mdiꞌin Jesús lo chalyuu, tyun yaꞌ msiꞌya yu, kwiꞌ tyun yaꞌ ynan yu bra nu ykwiꞌ yu loꞌo Ndiose Sti yu; lye ꞌa yuwe tiꞌ yu niꞌ kasiya ꞌin yu bra nu mjñan yu chaꞌ ꞌin Ndiose Sti yu, chaꞌ ja ta chabiyaꞌ kaja yu si nu ngwañaꞌan ngwa tiꞌ Ni; loꞌo ynan Ni chaꞌ nu ykwiꞌ yu loꞌo Ni, chaꞌ mslyaa yu kuꞌni yu nchga chaꞌ nu ykwiꞌ Ndiose Sti yu loꞌo yu.

FILIPENSES 4:18

Nde lka chaꞌ nu chkwiǐnꞌ loꞌo wan ni: Wa kaꞌan ꞌa nan nda wan ꞌñaǎn, kanꞌ chaꞌ nchka ꞌa tiǎnꞌ tyaǎn xuꞌwe ꞌwan; ja ndiya xka nan nu lyiji ꞌñaǎn bra ni, ti bra nu yan Epafrodito, yan loꞌo yu nchga chaꞌ suꞌwe nu wa nda wan ꞌñaǎn. Ñaꞌan tiꞌ ska lomstan nu ndiya ꞌa tiꞌ Ndiose ꞌin, ska nan nu nxkwa xi ꞌa tyiꞌi nchga seꞌen, ngwañaꞌan lka chaꞌ suꞌwe nu nda wan ꞌñaǎn chaꞌ ꞌin Ndiose.

EFESIOS 5:10

Kunaan wan nchga chaꞌ suꞌwe nu nchka tiꞌ ykwiꞌ Xꞌnaan chaꞌ kuꞌni wan, loꞌo bra kanꞌ kuꞌni xaꞌan wan chaꞌ suꞌwe kanꞌ.

EFESIOS 1:6

Loꞌo ni, ndiꞌin chaꞌ kuꞌni tnuan ꞌin Ndiose, chaꞌ tlyu ꞌa chaꞌ suꞌwe ngiꞌni Ni loꞌoan. Suꞌwe ꞌa nka tiye Ni ñaꞌan Ni ꞌñaan, kanꞌ chaꞌ wa msuꞌwa Ni ꞌin Sñiꞌ ykwiꞌ Ni nu yan lo chalyuu, ti kwiꞌ nu ndiya ꞌa tiꞌ Ni ꞌin, chaꞌ ngwañaꞌan ka suꞌwa chaꞌ ꞌñaan loꞌo Sñiꞌ Ni.

SAN LUCAS 1:33

chaꞌ nchga tsan ja tyii chaꞌ ka yu ndloo ꞌin nchga nten Israel; ngwañaꞌan ja tyii chaꞌ kulo yu tñan ꞌin nchga nten chalyuu.

HEBREOS 13:21

Ndiose yꞌni chaꞌ tiin ti tyiꞌin kasiya ꞌñaan lo chalyuu, loꞌo ni, nchka tiǎnꞌ chaꞌ suꞌwa yaꞌ Ni ꞌwan nchga seꞌen lyiji ꞌwan, chaꞌ ka kuꞌni wan nchga tñan, sa ñaꞌan tñan nu nchka tiꞌ Ni chaꞌ kuꞌni wan. Loꞌo nchka tiǎnꞌ chaꞌ kuꞌni Ni loꞌoan nchga nan nu suꞌwe la nka tiye Ni, chabiyaꞌ ꞌin Jesucristo. Loꞌo ngwañaꞌan nan, ja tsaa tii ꞌa chaꞌ kuꞌniin tnuan ꞌin Krixtu. ¡Ngwañaꞌan ka sikwa!