HEBREOS 11:35 - Chatino Zona Alta Occidental

³⁵ Kwiꞌ ngwañaꞌan nu kunaꞌan ni, xiyaꞌ ngala yu kiꞌyu ꞌin neꞌ ñaꞌan luꞌu ti, chaꞌ nu yaa ñaꞌan tiꞌ neꞌ chaꞌ ka ꞌin Ndiose kulaa ꞌin yu ni siya wa ngujwi yu ska yaꞌ. Tiꞌí ꞌa mjiꞌin neꞌ kuxi kanꞌ ꞌin xka ta taꞌa yu bra kanꞌ, chunꞌ ja mslyaa yu kanꞌ kulaa yaꞌ yu ꞌin Ndiose. Si nu kulaa yaꞌ yu kanꞌ ꞌin Ni, ja jwiꞌin neꞌ kuxi ꞌin yu bra kanꞌ; kulaa neꞌ kuxi ꞌin yu kanꞌ bra kanꞌ. Mdiꞌin ta ꞌa yu kanꞌ ñaꞌaan bra kan yꞌya Ni ꞌin yu, chaꞌ ta Ni xka chalyuu nu suꞌwe la ꞌin yu.

HEBREOS 11:35 Referans Kwoze

FILIPENSES 3:11

Loꞌo ni, ndiꞌin taǎn chaꞌ kaja xka chalyuu ꞌñaǎn chunꞌ ndiꞌin la, ska chalyuu nu ja tsaa tii ꞌa ꞌñaǎn ni siya wa ngujwiǐn.

LOS HECHOS 9:41

Msñi Tyu yaꞌ, mxituun yu ꞌin, kanꞌ msiꞌya yu ꞌin neꞌ nu ndiꞌin chunꞌ naꞌan. Bra ti ndyaan nten ꞌin Jesucristo kanꞌ niꞌ ñaꞌan, loꞌo nchga nu kunaꞌan tiꞌi kanꞌ, naꞌan neꞌ ꞌin Tabita chaꞌ wa ndyuꞌu xiyaꞌ.

LOS HECHOS 24:15

Sa ñaꞌan nu ndyaa ñaꞌan tiꞌ neꞌ judío re ꞌin Ndiose, kwiꞌ ngwañaꞌan ndyaa ñaꞌan tiǎnꞌ ꞌin Ni. Chañi kuꞌni Ndiose chaꞌ tyuꞌu nchga ayman xiyaꞌ, ni siya nten suꞌwe ngwa ayman kanꞌ, ni siya nten xaꞌan ngwa neꞌ.

1 CORINTIOS 15:54

Bra kanꞌ xa wa mxaꞌaan tyukwi ñaꞌaan, chaꞌ ja ka ñuꞌun tianꞌ siyaꞌ ti, bra kanꞌ ja kaan sa ñaꞌan nu nchkaan ni; xaꞌan Ni nchga chaꞌ ꞌñaan. Bra kanꞌ tsaa toꞌo ska chaꞌ nu ndukwa lo kityi kula nu nchkwiꞌ: “Wa yꞌni tyii Ndiose chaꞌ ndyiji nten chalyuu, wa mdijin lyo Ndiose ꞌin nchga nu tiꞌí tiꞌ ꞌin Ni;

LOS HECHOS 23:6

Ngwa biyaꞌ tiꞌ Palyu bra kanꞌ chaꞌ ndiꞌin neꞌ fariseo, loꞌo ndiꞌin chinꞌ neꞌ saduceo laja yu kula kanꞌ. Kanꞌ chaꞌ kwen ykwiꞌ Palyu xiyaꞌ bra kanꞌ: ―ꞌWan, yu kula taꞌaan ―ndukwin yu ꞌin neꞌ―, neꞌ fariseo lkaǎn ―ndukwin Palyu―, loꞌo ngwañaꞌan neꞌ fariseo ngwa stiǐn. Ngiꞌni biyaꞌ wan ꞌñaǎn chunꞌ nu ndyaa ñaꞌan tiǎnꞌ chaꞌ ndiꞌin chaꞌ tyuꞌu nchga ayman xiyaꞌ nde loo la.

LOS HECHOS 22:29

Nchga sndaru nu mdiya seꞌen ndiꞌin Palyu chaꞌ jwiꞌin neꞌ ꞌin yu, bra ti mdoꞌo tsuꞌ neꞌ bra wa ynan neꞌ chaꞌ nu ykwiꞌ yu. Ytsen ꞌa xꞌnan sndaru bra kanꞌ, chaꞌ ti kwiꞌ yu wa ngulo tñan ꞌin neꞌ, chaꞌ mskanꞌ neꞌ ꞌin ska neꞌ romano, ni siya ja loꞌo chabiyaꞌ ꞌin wse.

LOS HECHOS 4:19

Mxkwen Tyu loꞌo Xuwa ꞌin yu kula bra kanꞌ: ―Ja kuwe ꞌa tiꞌ wan, yu kula ―ndukwin yu ꞌin neꞌ kanꞌ―. ¿Ta ndloo la ꞌwa chaꞌ kuꞌni ba tñan nu kulo wan ꞌwa a? ¿O ta suꞌwe la kuꞌni ba tñan nu ngulo Ndiose ꞌwa, xkeꞌ tiꞌ wan a?

SAN JUAN 5:29

Nten nu ngwa suꞌwe kasiya ꞌin ni, tyuꞌu neꞌ xiyaꞌ, tyaa neꞌ tyiꞌin neꞌ loꞌo Ndiose; nten nu ndiya chaꞌ xaꞌan ꞌin, tyuꞌu neꞌ kanꞌ xiyaꞌ, tsaa neꞌ kanꞌ seꞌen ta Ndiose nu tiꞌí ꞌin neꞌ, seꞌen nu tsaa tii chaꞌ ꞌin neꞌ siyaꞌ ti ―ndukwin Jesús―.

SAN LUCAS 14:14

Bra kanꞌ suꞌwe ꞌa tyiꞌin wan lo chalyuu si ngwañaꞌan kuꞌni wan, chaꞌ nu kicha kanꞌ ni, ja kaja ñaꞌan tya neꞌ chaꞌ suꞌwe kanꞌ ꞌwan. Chunꞌ ndiꞌin la kaja chaꞌ suꞌwe ꞌwan, bra nu tyuꞌu wan xiyaꞌ loꞌo nchga ayman nu ngwa suꞌwe kasiya ꞌin neꞌ loꞌo Ndiose bra nu mdiꞌin neꞌ lo chalyuu nu ngwa sꞌni.

SAN MARCOS 12:25

Xa nu tyuꞌu nchga ayman xiyaꞌ, ja ndiꞌin chaꞌ kaja kwilyoꞌo nten bra kanꞌ, ja ta ꞌa neꞌ sñiꞌ neꞌ chaꞌ ka kuxiin nten. Sa ñaꞌan ndiꞌin angajle nde seꞌen ndiꞌin Ndiose, ngwañaꞌan tyiꞌin nten bra kanꞌ.

SAN MATEO 22:30

Bra nu tyuꞌu nchga ayman xiyaꞌ, ja ndiꞌin chaꞌ kaja kwilyoꞌo neꞌ bra kanꞌ; tyiꞌin neꞌ sa ñaꞌan ndiꞌin angajle seꞌen ndiꞌin Ndiose.

SAN LUCAS 20:36

chaꞌ la kanꞌ ja ndiꞌin ꞌa chaꞌ kaja neꞌ siyaꞌ ti. Ka neꞌ kanꞌ sa ñaꞌan lka angajle, skan ꞌin Ndiose nu ndiꞌin seꞌen ndiꞌin Ni; ka neꞌ sñiꞌ Ndiose siyaꞌ ti, chaꞌ wa ndyuꞌu neꞌ xiyaꞌ.