HEBREOS 11:31 - Chatino Zona Alta Occidental

³¹ Ayman Rahab, ska nu kunaꞌan tsaa tiꞌ nu mdiꞌin kichen kanꞌ, yaa ñaꞌan tiꞌ ꞌin Ndiose; kanꞌ chaꞌ ykwiꞌ suꞌwe loꞌo tyukwaa neꞌ Israel nu yaa mnan ti, yaa naꞌan neꞌ lo kichen kanꞌ ti kulo. Mda Rahab kanꞌ seꞌen tyiꞌin neꞌ, kanꞌ chaꞌ ja ngujwi nu kunaꞌan kanꞌ bra nu ngujwi xka la taꞌa kichen tyi nu ja mdukwa chaꞌ nu nchkwiꞌ Ndiose siyaꞌ ti.

HEBREOS 11:31 Referans Kwoze

SANTIAGO 2:25

Kwiꞌ ngwañaꞌan msñi Ni chaꞌ nu ykwiꞌ nu kunaꞌan tsaa tiꞌ nu ngwa naan Rahab; mdukwa Ni chaꞌ nu ykwiꞌ nu kunaꞌan kanꞌ, sa ñaꞌan si ngwa nu kunaꞌan kanꞌ ska nten nu suꞌwe, chaꞌ suꞌwe ꞌa tñan yꞌni neꞌ tloo Ndiose. Wa mda Rahab seꞌen mdiꞌin tukwa nu kiꞌyu neꞌ Israel nu mnan ti yaa naꞌan kichen tyi nu kunaꞌan; bra kanꞌ ngwaꞌu nu kunaꞌan xka tuwiin ꞌin yu seꞌen tyaa suꞌwe ti yu kanꞌ, chaꞌ xnan yu ꞌin yu xaꞌan bra kanꞌ.

SAN MATEO 1:5

loꞌo ayman Salmón kanꞌ ngwa sti Booz, loꞌo Rahab ngwa naan jyaꞌan Booz kanꞌ bra kanꞌ. Loꞌo ayman Booz kanꞌ ngwa sti Obed, loꞌo Rut ngwa naan jyaꞌan Obed kanꞌ bra kanꞌ. Loꞌo ayman Obed kanꞌ ngwa sti Isaí;

SAN MATEO 1:1

Nde ndaꞌaǎn sa ñaꞌan nin nchga nten nu ngwa ayman ꞌin Jesucristo, chaꞌ nten taꞌa ayman David lka yu. Kwiꞌ ngwañaꞌan lka yu nten taꞌa ayman Abraham, ni siya sꞌni ꞌa mdiꞌin yu kula kanꞌ.

1 SAN PEDRO 3:20

Ja mdukwa ꞌa ayman kanꞌ chaꞌ nu ykwiꞌ Ndiose nu ngwa sꞌni bra nu mdiꞌin neꞌ lo chalyuu. Wa yuꞌwi chinꞌ ayman kanꞌ nu mdiꞌin lo chalyuu tyempu nu ngwiñan ayman Noé yka naꞌan kanꞌ. Wa mdiꞌin ta ꞌa Ndiose ꞌin neꞌ kanꞌ nu ngwa bra kanꞌ, ngwa tiꞌ Ni chaꞌ tukwa neꞌ kanꞌ chaꞌ ꞌin Ni, loꞌo ja mslyaa ꞌa neꞌ kanꞌ; kanꞌ chaꞌ snuꞌ ti nten yten niꞌ yka naꞌan kanꞌ bra nu ngwiꞌya tyoo tlyaa kanꞌ.

1 SAN PEDRO 2:8

Nde ñaꞌan ndukwa xka chaꞌ nu nchkwiꞌ ꞌin kee kanꞌ xka seꞌen lo kityi: Tyukwa kee kanꞌ kiyaꞌ nten, tlyuu neꞌ tuwiin seꞌen ndijyan neꞌ bra nu tyukwa kee kiyaꞌ neꞌ. Ngwañaꞌan ndukwa chaꞌ lo kityi kanꞌ. Wa mlyuu neꞌ tuwiin chaꞌ ja mdukwa ꞌa neꞌ chaꞌ nu nchkwiꞌ Ndiose. Yꞌni Ndiose ngwañaꞌan chaꞌ ja ka tyaꞌan neꞌ tuwiin nu ñi ꞌin Ni si ja xñi neꞌ chaꞌ ꞌin Ndiose.

HEBREOS 3:18

Wa lye ꞌa ykwiꞌ Ni loꞌo nten nu msuun loꞌo Ni: “Ja kan ꞌa wan seꞌen ndiꞌiǐn, chaꞌ tyiꞌin suꞌwe wan loꞌoǔn nde re” ndukwin Ni bra kanꞌ.

LOS HECHOS 15:33

Tyun tsan mdiꞌin yu kanꞌ kichen Antioquía, bra kanꞌ mslaaꞌ nten ꞌin Jesucristo ꞌin yu kanꞌ. Taꞌa neꞌ mjñan neꞌ ꞌin Ndiose chaꞌ tayaꞌ Ni ꞌin neꞌ tuwiin ndyaan neꞌ seꞌen ndiꞌin taꞌa neꞌ.