Nchga ayman kanꞌ, ti ndyaa ñaꞌan tiꞌ neꞌ ꞌin Ndiose bra nu ngujwi neꞌ, ni siya ja naꞌan neꞌ chaꞌ ngwa nchga chaꞌ nu wa ykwiꞌ Ni chaꞌ ka. Suꞌwe ꞌa nka tiye neꞌ kanꞌ, chaꞌ nu jlyo tiꞌ neꞌ chaꞌ wa laa ndijyan chaꞌ kanꞌ, sa ñaꞌan si sa kunun ti naꞌan neꞌ ꞌin ran. Jlyo tiꞌ neꞌ chaꞌ tijyuꞌ mdoꞌo ykwiꞌ neꞌ ndijyan neꞌ, loꞌo ja nsuꞌwi naꞌan tyi neꞌ lo chalyuu re.
HEBREOS 11:27 - Chatino Zona Alta Occidental27 Yaa ñaꞌan tiꞌ ayman Moisés ꞌin Ndiose, kanꞌ chaꞌ mdoꞌo yu lo yuu Egipto kanꞌ; ja ytsen yu ni siya msinꞌ ꞌa tiꞌ ree xaꞌan kanꞌ bra kanꞌ, kwiꞌ ja mxiꞌin chunꞌ yu siyaꞌ ti. Ndyaa loꞌo yu ꞌin neꞌ Israel tuwiin tijyuꞌ, ñaꞌan tiꞌ si ndyaa ñaꞌan yu ꞌin Ndiose; ni siya Ndiose ni, ja nchka ñaꞌaan ꞌin Ni. Gade chapit la |
HEBREOS 11:27
27 Referans Kwoze
Ndukwian chaꞌ suꞌwe ꞌa ngwa tiye ayman kanꞌ, chaꞌ wa mdalo ꞌa neꞌ bra nu mda nten nu tiꞌí ꞌin neꞌ bra kanꞌ. Wa ynan wan sa ñaꞌan ngwa chaꞌ chan ꞌa mdalo ayman Job, xa nu kaꞌan ꞌa chaꞌ kuxi ndyukwa yu. Loꞌo xa wa mdyii chaꞌ kanꞌ, ndya Ni nchga chaꞌ suꞌwe ꞌin yu kula kanꞌ xiyaꞌ. Kwiꞌ ngwañaꞌan, xkwiꞌ nchka tꞌnan ꞌa tiꞌ Ni ꞌñaan, xkwiꞌ suꞌwe ꞌa nka tiye Ni ñaꞌan Ni ꞌñaan.
Lye ꞌa nsuꞌwi tiye wan ꞌin Jesús, ni siya ja ya ñaꞌan wan ꞌin Ni; ni siya ni, ti ji ñaꞌan wan ꞌin Ni, wa ndyaa ñaꞌan tiꞌ wan ꞌin Ni chaꞌ luꞌu Ni. Chañi chaꞌ suꞌwe ꞌa nka tiye wan ni chunꞌ Jesús; kwiꞌ ngwañaꞌan, ja ka tyii chkwiꞌ wan nchga chaꞌ suꞌwe nu nsuꞌwi tiye wan chaꞌ ꞌin Jesús loꞌo xka ta nten.
Kanꞌ chaꞌ kuꞌniǐn tnuǔn ꞌin Ndiose ni, suꞌwe ꞌa chkwiǐnꞌ chaꞌ ꞌin Ni, chunꞌ ja tsaa tii ꞌa tsan nu nka Ni ndloo tyukwi ñaꞌan chalyuu; ja tyii chaꞌ ꞌin Ndiose, chunꞌ ja kaja ꞌa Ni. Ja nchka ꞌñaan ñaꞌaan ꞌin Ni chunꞌ lkaan nten chalyuu; ska ti Ni lka Ni ykwiꞌ Ndiose, ska ti Ni jlyo tiꞌ Ni nchga chaꞌ. Ngwañaꞌan ka chaꞌ ꞌin Ni sikwa.
Bra nu chañi chaꞌ suꞌwe nka tiyean ñaꞌaan ꞌin nten, lye la taloan ꞌin neꞌ bra kanꞌ, ni siya kuꞌni neꞌ nchga chaꞌ kuxi; tsaa ñaꞌan tianꞌ nchga chaꞌ suꞌwe, tyiꞌin taan chaꞌ suꞌwe la ka chaꞌ nde loo la, ni siya ja jlyo tianꞌ; kwiꞌ ngwañaꞌan, ndiꞌin chaꞌ taloan loꞌo nchga chaꞌ nu nchka ꞌñaan lo chalyuu re ni.
Ja ndiꞌin ꞌa chaꞌ kaja Ni, ja tsaa tii ꞌa chaꞌ ꞌin Ni. Ndyuwi ꞌa xaa seꞌen ndukwa Ni, loꞌo ja ka ꞌa ꞌin nten tsaa nde seꞌen ndiꞌin Ni ngwañaꞌan ti siꞌya xaa tnun kanꞌ. Kwiꞌ ngwañaꞌan, ja tukwin wa naꞌan ꞌin Ni, chaꞌ ja ka ꞌin nten chalyuu ñaꞌan ꞌin Ni. Kanꞌ chaꞌ kuꞌniin tnuan ꞌin Ni sikwa, chaꞌ lka Ni Ndiose nu tlyu la ti. Kwiꞌ ngwañaꞌan ka chaꞌ.
Chunꞌ ndiꞌin la, bra nu kuꞌni tiꞌí tiꞌ xka ta nten ꞌin neꞌ kanꞌ chunꞌ nu wa ynan neꞌ chaꞌ suꞌwe nu nchkwiǐnꞌ, bra nu xtyi lyoꞌo nten ꞌin neꞌ kanꞌ, ja talo ꞌa neꞌ kanꞌ bra kanꞌ. Lka neꞌ kanꞌ ñaꞌan tiꞌ mta nu ja msñi suꞌwe suun ran chunꞌ kee, chaꞌ lti ti tuꞌwa yuu nu ndukwa chunꞌ kee kanꞌ, loꞌo ja mdalo kala kanꞌ, nganaan ran bra kanꞌ.
Piblisite