HEBREOS 10:28 - Chatino Zona Alta Occidental

²⁸ Nu ngwa sꞌni, xa wa mdiya neꞌ judío nu ja ynan siyaꞌ ti tñan nu ngulo Ndiose ꞌin, yjwi neꞌ ꞌin nten kanꞌ bra kanꞌ. Yꞌni biyaꞌ neꞌ ꞌin nten kanꞌ ti kulo chaꞌ ꞌin ayman Moisés loꞌo tukwa snan nten nu katsaꞌ ñi sa ñaꞌan ngwa chaꞌ kanꞌ; bra wa mstya neꞌ kiꞌya ꞌin nten kanꞌ, yjwi neꞌ ꞌin neꞌ bra kanꞌ, chaꞌ ja mjwi ñaꞌan jñan neꞌ chaꞌ tlyu tiꞌ ꞌin Ndiose ꞌin chaꞌ kuxi nu wa yꞌni neꞌ bra kanꞌ. Ngwañaꞌan ngwa ti sꞌni.

HEBREOS 10:28 Referans Kwoze

HEBREOS 2:2

Nu ngwa sꞌni ni, ykwiꞌ angajle kanꞌ loꞌo nten chaꞌ ꞌin Ndiose. Ñi ꞌa ykwiꞌ angajle kanꞌ loꞌo neꞌ bra kanꞌ, chaꞌ lye ꞌa ta Ndiose nu tiꞌí ꞌin nchga nten nu kuꞌni chaꞌ kuxi, kwiꞌ nu ja xlyaa kunan chaꞌ nu wa ykwiꞌ Ni.

2 CORINTIOS 13:1

Wa mdaꞌa snan yaꞌ ni, chaꞌ ndijyaǎn naꞌaǎn ꞌwan. Nde ñaꞌan kuꞌniǐn ni: ndiꞌin chaꞌ kuꞌniǐn biyaǎnꞌ ꞌin nchga nten nu ngiꞌni chaꞌ kuxi; ni siya xkwiꞌ loꞌo tukwa snan nten nu wa naꞌan chaꞌ kuxi kanꞌ, ngwañaꞌan kuꞌni biyaǎnꞌ ꞌin neꞌ.

SAN JUAN 8:17

Ndukwaan ꞌaan chaꞌ kula nu ndukwa lo kityi ti sꞌni; nde kwa ndiya ska chaꞌ nu nchkwiꞌ chaꞌ tyoꞌo luwi nten ꞌin sa ñaꞌan chaꞌ nu ndiꞌin ꞌin neꞌ, bra nu suꞌwa chkwiꞌ tukwa nten ꞌin chaꞌ kanꞌ.

SAN MATEO 18:16

Ni siya ja xlyaa yu taꞌa wan kanꞌ kunan yu chaꞌ nu nchkwiꞌ wan loꞌo yu, suꞌwe la si tsaa wan seꞌen ndiꞌin yu kanꞌ xiyaꞌ; loꞌo xka la neꞌ taꞌa wan tsaa wan bra kanꞌ, chaꞌ loꞌo neꞌ kanꞌ kunan neꞌ chaꞌ nu chkwiꞌ taꞌa tyukwaa wan, chaꞌ ka neꞌ kanꞌ testigo bra kanꞌ.

SANTIAGO 2:13

Loꞌo kanꞌ si ja ngwa tꞌnan tianꞌ ꞌin taꞌa ntean, ja ka chka tꞌnan tiꞌ Ni ꞌñaan bra nu kuꞌni biyaꞌ Ni ꞌñaan; nten nu chka tꞌnan tiꞌ ꞌin taꞌa nten, kanꞌ lka nu suꞌwe la ka chaꞌ ꞌin bra nu kuꞌni biyaꞌ Ni ꞌin nten chalyuu.

ROMANOS 9:15

Nde lka chaꞌ nu ykwiꞌ Ni loꞌo Moisés nu ngwa sꞌni: “Nchga nten nu nchka tiǎnꞌ chka tꞌnan tiǎnꞌ ꞌin, chka tꞌnan tiǎnꞌ ꞌin neꞌ kanꞌ sikwa” ndukwin Ni. “Ndiya tiǎnꞌ ya ñaꞌan ti nten nu suꞌwe nka tiyeěn naꞌaǎn ꞌin.”

HEBREOS 12:25

Kiꞌya wan kwenta sikwa, chaꞌ kunan suꞌwe wan nchga chaꞌ nu wa ykwiꞌ Krixtu loꞌo wan. Lye ꞌa mda Ndiose nu tiꞌí ꞌin ayman kula ꞌñaan, chunꞌ ja mslyaa neꞌ kunan neꞌ chaꞌ nu ykwiꞌ ayman Moisés loꞌo neꞌ lo chalyuu re chabiyaꞌ ꞌin Ndiose; ja ngwa xnan neꞌ kanꞌ ꞌin Ndiose. Loꞌo tnun la chaꞌ ka ꞌñaan ni, si ja kunaan chaꞌ nchkwiꞌ Krixtu nu mdoꞌo seꞌen ndiꞌin Ndiose nde niꞌ kwan mdiyan lo chalyuu re; loꞌo ni, wa ndyaa tukwa Ni xiyaꞌ nde seꞌen ndiꞌin Ndiose.