GÁLATAS 5:9 - Chatino Zona Alta Occidental

⁹ Tyaꞌan chaꞌ tiye wan chinꞌ, ni tñan kuꞌni ni siya chinꞌ ti skwan tiyeꞌ, nu suꞌwa neꞌ lo kaꞌan kata jaxlya; kwiꞌ ngwañaꞌan nchka tiꞌ chaꞌ kuxi nu nchkwiꞌ neꞌ kanꞌ loꞌo wan, kuꞌni ñuꞌun ran kasiya ꞌwan.

GÁLATAS 5:9 Referans Kwoze

1 CORINTIOS 15:33

Chañi ꞌa lka chaꞌ re nu nchkwiꞌ nten: “Si xkwiꞌ loꞌo nten kuxi taꞌa ndaꞌaan, kulaa tiꞌian chaꞌ suꞌwe nu ngiꞌnian bra kanꞌ.” Kanꞌ chaꞌ ja tukwa ꞌa wan chaꞌ nu nchkwiꞌ nten nu ndukwin chaꞌ ja ka kuxi tiyean siꞌya ska chaꞌ kuxi nu ngiꞌniin tian.

SAN MARCOS 8:15

Bra kanꞌ ngwaꞌu Jesús ska chaꞌ ꞌin neꞌ: ―Ndii ti tiꞌ wan tyiꞌin wan ―ndukwin yu―, kiꞌya wan kwenta sa ñaꞌan ngiꞌni chaꞌ nu nchkwiꞌ neꞌ fariseo loꞌo neꞌ nu ndaꞌan chabiyaꞌ ꞌin ree Herodes. Ñaꞌan tiꞌ skwan tiyeꞌ, ngwañaꞌan ngiꞌni chaꞌ nu nchkwiꞌ neꞌ kanꞌ.

SAN LUCAS 13:21

Ngwañaꞌan lka chaꞌ, sa ñaꞌan lka chinꞌ ti skwan tiyeꞌ nu msuꞌwa ska nu kunaꞌan loꞌo kata jaxlya chaꞌ ka jyaꞌan skwan jaxlya. Suꞌwe ꞌa mxtiyaꞌ ran, chaꞌ sa tlyu ti skwen skwan kanꞌ.

SAN LUCAS 12:1

Wa mdyoꞌ tiꞌin tyun ꞌa mi nten seꞌen ndiꞌin Jesús bra kanꞌ. Tkanꞌ ꞌa ndiꞌin neꞌ kanꞌ, sa ñaꞌan yaꞌ nu ndyoꞌo sta neꞌ kiyaꞌ taꞌa neꞌ. Bra kanꞌ ykwiꞌ Jesús loꞌo neꞌ nu ngiꞌni xaꞌan chaꞌ ꞌin yu: ―Chaꞌ tiya ti tiꞌ wan sa ñaꞌan tñan nu ngiꞌni neꞌ fariseo, neꞌ nu kti ꞌa ngiꞌni, nxkeꞌ tiꞌ neꞌ.

2 TIMOTEO 2:17

Chaꞌ kuxi nduꞌu neꞌ kanꞌ, kwiꞌ ngwañaꞌan tlyu la ka chaꞌ kuxi kanꞌ nde loo la. Sa ñaꞌan nu ndyaa nxeen ska kitsuꞌ tlá nu ndiya lo kunaanꞌ, sa la nu kuꞌni ñuꞌun ñaꞌaan kunaanꞌ, kwiꞌ ngwañaꞌan lka chaꞌ kwiñi nu nduꞌu Himeneo loꞌo Fileto kanꞌ.

SAN MATEO 23:33

’¡Ñaꞌan tiꞌ kunan, ngwañaꞌan nchka tiꞌ wan! Sa ꞌa ngiꞌni wan chaꞌ kuxi. ¿Ta nxkeꞌ tiꞌ wan chaꞌ kulaa Ndiose ꞌwan, chaꞌ ja kaja nu tiꞌí ꞌwan lo jwlyaa a? Ja ka ꞌwan ngwañaꞌan.

SAN MATEO 13:33

Kwiꞌ ngwañaꞌan ngwaꞌu Jesús xka chaꞌ tiya ꞌin neꞌ: ―Xka chaꞌ chkwiǐnꞌ loꞌo wan, sa ñaꞌan ka bra nu lka Ndiose ndloo la niꞌ kasiya ꞌin nten ―ndukwin Jesús ꞌin neꞌ―. Ñaꞌan tiꞌ ska nguluꞌ jyaꞌan skwan, nu xñi ska nu kunaꞌan chaꞌ suꞌwa ꞌin ran lo snan skaꞌ kata jaxlya; xtiyaaꞌ ꞌin ran bra kanꞌ, chaꞌ sa tlyu ti skwen nchga skwan kanꞌ, ngwañaꞌan ka tñan ꞌin Ndiose bra kanꞌ.