FILIPENSES 4:13 - Chatino Zona Alta Occidental

¹³ Kwiꞌ Krixtu nda jwersa ꞌñaǎn chaꞌ taloǔn ꞌin nchga chaꞌ, nan lka nu kaja ꞌñaǎn.

FILIPENSES 4:13 Referans Kwoze

COLOSENSES 1:11

Tnun ꞌa tñan ngiꞌni Ndiose nde seꞌen tlyu la seꞌen ndiꞌin Ni; kanꞌ chaꞌ njñaǎn ꞌin Ni chaꞌ ta Ni ti kwiꞌ jwersa kanꞌ ꞌwan, chaꞌ ka ngula la tiꞌ wan niꞌ kasiya ꞌwan, chaꞌ talo wan ꞌin nchga chaꞌ kuxi nu tyukwa wan.

EFESIOS 6:10

Loꞌo ni, ndiꞌin chaꞌ chka ngula la tiꞌ wan niꞌ kasiya ꞌwan, chaꞌ suꞌwa ti ngiꞌni wan tñan loꞌo ykwiꞌ Xꞌnaan, loꞌo ngwañaꞌan tnun ꞌa jwersa nsuꞌwi ꞌin Ndiose.

EFESIOS 3:16

Nchkwiǐnꞌ loꞌo Ndiose Stian chaꞌ ꞌwan; kaꞌan ꞌa chaꞌ suꞌwe nsuꞌwi ꞌin Ndiose, kanꞌ chaꞌ ka ꞌin Ni tayaꞌ Ni ꞌwan. Njñaǎn ꞌin Ni chaꞌ ta Ni jwersa nu kanun niꞌ kasiya ꞌwan, chaꞌ ka ngula la tiꞌ niꞌ kasiya ꞌwan chunꞌ nda Ndiose Tyiꞌi ykwiꞌ Ni chaꞌ tyiꞌin loꞌo wan;

SAN JUAN 15:7

’Xa nu suꞌwa ti nka tiye wan loꞌoǔn ―ndukwin Jesús―, xa nu kanun chaꞌ nu nchkwiǐnꞌ niꞌ kasiya ꞌwan, bra kanꞌ ka jñan wan ska chaꞌ ꞌin Stiǐn, loꞌo ta Ni chaꞌ kanꞌ ꞌwan.

1 TIMOTEO 1:12

Ndyaǎn ꞌa xuꞌwe ꞌin Jesucristo nu nka Xꞌnaan chaꞌ nu yꞌni Ni chaꞌ ngwa ꞌñaǎn kuꞌniǐn tñan ꞌin Ni; ndyaǎn xuꞌwe ꞌin Ni chaꞌ ngulo suwi Ni ꞌñaǎn chaꞌ kuꞌniǐn tñan ꞌin Ni, chunꞌ jlyo tiꞌ Ni chaꞌ ndukwaǎn tñan nu ndlo Ni.

SAN MATEO 14:29

―Kaan nde re ―ndukwin Jesús ꞌin Tyu bra kanꞌ. Bra ti mdoꞌo Tyu niꞌ yka naꞌan, mdaꞌan yu lo tyiꞌa chaꞌ kala yu seꞌen ndiꞌin Jesús.