FILIPENSES 1:28 - Chatino Zona Alta Occidental

²⁸ Bra nu kuꞌni wan ngwañaꞌan, bra kanꞌ ja ndiꞌin chaꞌ kutsen wan ꞌin nu nxuun loꞌo wan, chunꞌ chaꞌ ka biyaꞌ tiꞌ neꞌ chaꞌ ndiꞌin chaꞌ kuꞌni tyii Ndiose nchga nten kuxi. Loꞌo ꞌwan ni, wa ngulaa wan ꞌin nu kuxi kanꞌ; wa yꞌni Ndiose chaꞌ ka tyijin lyo wan ꞌin nchga chaꞌ kuxi kanꞌ.

FILIPENSES 1:28 Referans Kwoze

SAN MATEO 10:28

Ja kutsen wan ꞌin neꞌ nu kujwi ꞌwan lo chalyuu re, chaꞌ ja nchka ꞌin neꞌ kujwi neꞌ ꞌin kasiya ꞌwan; suꞌwe la kutsen wan ꞌin Ndiose nu kuꞌni biyaꞌ ꞌwan nde loo la. Chañi chaꞌ kutsen wan ꞌin Ndiose, kwiꞌ nu kuꞌni chaꞌ tyii chaꞌ ꞌwan si tsaa wan nde jwlyaa.

ROMANOS 8:17

Chaꞌ nu lkaan sñiꞌ Ndiose ni, ndiꞌin chaꞌ kaja nchga chaꞌ suꞌwe nu ta Ni ꞌñaan bra kanꞌ, nchga chaꞌ nu wa nda Ni ꞌin Krixtu. Loꞌo ni, si nchka tianꞌ chaꞌ suꞌwa tyiꞌian loꞌo Krixtu nde seꞌen tlyu la seꞌen ndiꞌin Ni, bra kanꞌ ndiꞌin chaꞌ taloan xa nu ta neꞌ nu tiꞌí ꞌñaan lo chalyuu re, ti kwiꞌ ngwañaꞌan ndalo ykwiꞌ Krixtu bra nu mda neꞌ nu tiꞌí ꞌin yu.

HEBREOS 13:6

Kanꞌ chaꞌ nde ñaꞌan tyaꞌan chaꞌ tiye wan chaꞌ ka ngula la tiꞌ niꞌ kasiya ꞌwan kwenta skaa wan: Ykwiꞌ Xꞌnaǎn lka nu ndayaꞌ ꞌñaǎn. Ja nꞌni chaꞌ kutseěn sikwa, chaꞌ ja ka ꞌa kuꞌni nten chaꞌ kuxi loꞌoǔn.

EL APOCALIPSIS 2:10

“Ja kutsen wan ꞌin nu tiꞌí nu tyijin wan nde loo la, ni siya kuneꞌ xaꞌan kuꞌni chaꞌ tyun wan tsaa wan niꞌ ñaꞌan chkwan bra kanꞌ. Nchka tiꞌ yu ñaꞌan biyaꞌ yu ꞌwan si ti xñi la wan chaꞌ ꞌñaǎn. Tii tsan ta yu nu tiꞌí ꞌwan bra kanꞌ” ndukwin Ni. “Kanꞌ chaꞌ tyukwi ti tiye wan xñi wan chaꞌ ꞌin Ndiose Stiǐn, ni siya kaja wan, loꞌo ja tyii ꞌa chalyuu nu taǎn ꞌwan nde loo la bra kanꞌ.

1 TESALONICENSES 2:2

Wa yꞌni Ndiose chaꞌ ngwa tnun la tiye ba chaꞌ kwaꞌu ba ꞌwan chaꞌ suꞌwe nu ngiꞌni Ni chaꞌ ndlaa Ni ꞌin nten ꞌin chaꞌ kuxi, bra nu yaa ba seꞌen ndiꞌin wan, ni siya tiꞌí ꞌa tiꞌ neꞌ kichen Filipos ꞌwa bra kanꞌ. Jlyo tiꞌ wan chaꞌ kuxi ꞌa yꞌni neꞌ kanꞌ loꞌo ba bra kanꞌ, kwiꞌ ngwañaꞌan ndiya neꞌ taꞌa kichen tyi wan nu kuxi ꞌa nka tiye neꞌ ñaꞌan neꞌ ꞌwa.

SAN LUCAS 3:6

“Ndla ti ñaꞌan neꞌ tyukwi ñaꞌaan chalyuu, chaꞌ ka kulaa Ndiose ꞌin nten ꞌin nchga chaꞌ kuxi.” Ngwañaꞌan ngwa chaꞌ ngwaꞌan ayman Isaías lo kityi kanꞌ.

LOS HECHOS 28:28

Ka biyaꞌ tiꞌ wan ni, chaꞌ wa mdyisnan Ndiose ngitsaꞌ Ni chaꞌ ꞌin Ni nde seꞌen ndiꞌin neꞌ xka laꞌa tsuꞌ; xlyaa Ndiose kuꞌni tyii Ni kiꞌya nu ndiꞌin ꞌin neꞌ kanꞌ, bra nu xñi neꞌ chaꞌ ꞌin Ni. Loꞌo ni, ja ka tsaa tii chaꞌ kanꞌ, chañi chaꞌ kunan neꞌ kanꞌ chaꞌ ꞌin Ndiose.

SAN JUAN 16:8

Loꞌo bra nu kan Tyiꞌi Ndiose lo chalyuu ―ndukwin Jesús―, kuꞌni Ni chaꞌ kuwe tiꞌ nchga nten ñaꞌaan chalyuu chaꞌ nsuꞌwi kiꞌya nu mstya Ndiose ꞌin neꞌ; kwiꞌ ngwañaꞌan, kuꞌni Ni chaꞌ tyaa yuꞌwi tiꞌ neꞌ ꞌñaǎn, chaꞌ nu ñi ꞌa lka chaꞌ nu ykwiǐnꞌ. Kuꞌni Ni chaꞌ ka biyaꞌ tiꞌ neꞌ chaꞌ ndiꞌin chaꞌ kuꞌni biyaꞌ Ndiose ꞌin nchga nten chalyuu ―ndukwin―.

SAN MARCOS 3:3

Kanꞌ ykwiꞌ Jesús loꞌo yu tiꞌí kanꞌ: ―Kaan, tyuun tukwii tloo bare ―ndukwin Jesús ꞌin yu.