FILIPENSES 1:14 - Chatino Zona Alta Occidental

¹⁴ Loꞌo ngwañaꞌan nchga taꞌa msñian chaꞌ ꞌin Jesús, suꞌwe la ndyaa ñaꞌan tiꞌ neꞌ chaꞌ ꞌin Xꞌnaan ni, ngwa ngula la chinꞌ tiye neꞌ ni; ja ntsen neꞌ chkwiꞌ neꞌ chaꞌ ꞌin Ndiose loꞌo xka la nten, chaꞌ loꞌo naꞌ ja ntseěn laja nu nsuꞌwiǐn niꞌ ñaꞌan chkwan re.

FILIPENSES 1:14 Referans Kwoze

1 TESALONICENSES 2:2

Wa yꞌni Ndiose chaꞌ ngwa tnun la tiye ba chaꞌ kwaꞌu ba ꞌwan chaꞌ suꞌwe nu ngiꞌni Ni chaꞌ ndlaa Ni ꞌin nten ꞌin chaꞌ kuxi, bra nu yaa ba seꞌen ndiꞌin wan, ni siya tiꞌí ꞌa tiꞌ neꞌ kichen Filipos ꞌwa bra kanꞌ. Jlyo tiꞌ wan chaꞌ kuxi ꞌa yꞌni neꞌ kanꞌ loꞌo ba bra kanꞌ, kwiꞌ ngwañaꞌan ndiya neꞌ taꞌa kichen tyi wan nu kuxi ꞌa nka tiye neꞌ ñaꞌan neꞌ ꞌwa.

SAN LUCAS 1:74

Ndukwin Ni chaꞌ kulo Ni ꞌñaan laja nten kuxi nu nxuun loꞌoan; ngwañaꞌan kuꞌni Ni chaꞌ ja kutsean tyukwi tyempu nu ndiꞌian ngiꞌnian tñan ꞌin Ndiose lo chalyuu re.

COLOSENSES 4:4

Chkwiꞌ wan loꞌo Ndiose sikwa, chaꞌ tayaꞌ Ni ꞌñaǎn chaꞌ ti chkwiǐnꞌ ñi laǎn nchga chaꞌ kanꞌ, sa ñaꞌan nu ndiꞌin chaꞌ chkwiǐnꞌ.

FILIPENSES 1:7

Suꞌwe chaꞌ ngwañaꞌan ndaꞌan chaꞌ tiyeěn chaꞌ ꞌwan, chaꞌ nchga tsan suꞌwe ꞌa nka tiyeěn naꞌaǎn ꞌwan; suꞌwa ti nka tiye wan loꞌoǔn, suꞌwe ꞌa ngiꞌni wan loꞌoǔn chaꞌ ngiꞌnian tñan ꞌin Jesucristo. Lye ꞌa ndayaꞌ wan ꞌñaǎn nu ngwa xkanꞌ bra nu mdiꞌiǐn tloo neꞌ nu nka ndloo, chaꞌ mdoꞌoǔn luwiǐn tloo neꞌ kanꞌ. Bra kanꞌ ykwiǐnꞌ loꞌo neꞌ chaꞌ suꞌwe ꞌa lka chaꞌ nu wa ytsaꞌ Ndiose ꞌñaǎn, loꞌo ngwañaꞌan ytsaǎnꞌ ñi ꞌin neꞌ sa ñaꞌan lka chaꞌ nu ñi kanꞌ. Loꞌo ni, ti ndayaꞌ ꞌa wan ꞌñaǎn, ni siya nsuꞌwiǐn niꞌ ñaꞌan chkwan chunꞌ chaꞌ nchkwiǐnꞌ chaꞌ ꞌin Jesús loꞌo nten.

COLOSENSES 4:7

Yu Tíquico taꞌaan ni, katsaꞌ yu ꞌwan nchga chaꞌ nu nchka ꞌñaǎn nde re. Suꞌwe ꞌa nka tiyeěn ñaꞌaǎn ꞌin yu kanꞌ, ti kwiꞌ taꞌa ngiꞌni ba tñan ꞌin Xꞌnaan lka yu; nchga tsan ngiꞌni yu tñan kanꞌ, loꞌo ja nchka ndaja tiꞌ yu.

FILIPENSES 4:1

ꞌWan taꞌa msñian chaꞌ ꞌin Jesús, ndiya ꞌa tiǎnꞌ ꞌwan; nten nu wa nda Ndiose ꞌñaǎn lka wan, chaꞌ suꞌwa ngiꞌnian tñan ꞌin Ni. Suꞌwe ꞌa nka tiyeěn chaꞌ ꞌwan, loꞌo ngwañaꞌan, xiꞌin chinꞌ tiǎnꞌ xa nu ja ndiꞌiǐn seꞌen ndiꞌin wan. Kuꞌni wan tñan chaꞌ kanun suꞌwe chaꞌ ꞌin nu nka Xꞌnaan niꞌ kasiya ꞌwan.

EFESIOS 3:13

Kanꞌ chaꞌ ni, chkwiǐnꞌ loꞌo wan chaꞌ ja ka ndaja tiꞌ wan, chaꞌ ja kulaa yaꞌ wan ꞌin Ndiose. Ni siya tyijiǐn chinꞌ nu tiꞌí seꞌen ndiꞌiǐn re chaꞌ ꞌwan, ska chaꞌ suꞌwe ꞌwan lka chaꞌ kanꞌ.

2 CORINTIOS 3:12

Kanꞌ chaꞌ ni, ja ntsean chkwianꞌ loꞌo nten, chunꞌ jlyo tianꞌ chaꞌ suꞌwe ꞌa lka chaꞌ ꞌin Jesús nu nchkwianꞌ re.

2 CORINTIOS 7:4

Suꞌwe ꞌa nka tiyeěn xa nu ndyuꞌwi tiǎnꞌ ꞌwan, kwiꞌ ngwañaꞌan nka tiyeěn bra nu nchkwiǐnꞌ chaꞌ ꞌwan loꞌo xka ta nten. Ñaꞌan ti ngula tiꞌ kasiya ꞌñaǎn, ñaꞌan ti suꞌwe nka tiyeěn seꞌen ndiꞌiǐn, ni siya ndijin ba nchga nu tiꞌí kanꞌ.

FILIPENSES 1:20

Nde lka tñan nu nchka tiǎnꞌ kuꞌniǐn: Nchka ꞌa tiǎnꞌ chaꞌ ja ka jyuꞌu tiǎnꞌ chkwiǐnꞌ chaꞌ ꞌin Jesús loꞌo nten; ni siya tyempu nu ndijyan nde loo la, ni siya bra ni, ja ka jyuꞌu tiǎnꞌ bra kanꞌ, nka tiyeěn. Nchka tiǎnꞌ chaꞌ ka ngula la tiyeěn chaꞌ chkwiǐnꞌ chaꞌ ꞌin Jesús loꞌo nten. Ngwañaꞌan nchka tiǎnꞌ kuꞌniǐn, chaꞌ ñaꞌan ti kuꞌniǐn tnuǔn ꞌin Krixtu, ni siya ti luꞌuǔn, ni siya wa ngujwiǐn.

2 TIMOTEO 2:9

kanꞌ chaꞌ tiꞌí tiꞌ nten ꞌñaǎn ni. Sa ñaꞌan nu nda neꞌ nu tiꞌí ꞌin ska nten nu ndiꞌin kiꞌya ꞌin, ngwañaꞌan mskanꞌ neꞌ ꞌñaǎn niꞌ ñaꞌan chkwan ni. Chañi chaꞌ msuꞌwa neꞌ ꞌñaǎn niꞌ ñaꞌan chkwan, ni siya ja nchka ꞌin neꞌ suꞌwa nchkunꞌ neꞌ chaꞌ suꞌwe ꞌin Ndiose ngwañaꞌan;

SAN MARCOS 3:3

Kanꞌ ykwiꞌ Jesús loꞌo yu tiꞌí kanꞌ: ―Kaan, tyuun tukwii tloo bare ―ndukwin Jesús ꞌin yu.