EL APOCALIPSIS 8:12 - Chatino Zona Alta Occidental

¹² Bra nu ngwaꞌa angajle nu nchka jakwa kuwi chkwan, kanꞌ mnuꞌun nchga xaa tnun nu nsuꞌwi niꞌ kwan, sa yuꞌwe ti ran ndyuwiꞌ ran bra kanꞌ; loꞌo xaa kwichaa, loꞌo xaa koꞌ, loꞌo xaa kwii kulasiin, sa yuꞌwe xaa ndyuwiꞌ bra kanꞌ. Sa jluꞌwe tsan, sa jluꞌwe tla, ja yuꞌwi ꞌa xaa bra kanꞌ.

EL APOCALIPSIS 8:12 Referans Kwoze

EL APOCALIPSIS 6:12

Loꞌo ngwañaꞌan, naꞌaǎn nu lka ñaꞌan tiꞌ slyaꞌ kanꞌ, chaꞌ nu mdaꞌa skwa yaꞌ mstun Ni kiñaꞌ nu nchkunꞌ tuꞌwa kityi kanꞌ; lye ꞌa mñan bra kanꞌ. Yku kwichaa bra kanꞌ, ngwiꞌya tla ñaꞌaan chalyuu; ñaꞌan tiꞌ teꞌ ngata nu nchkuꞌ nten seꞌen nskwa ayman, ngwañaꞌan ngwa chalyuu bra kanꞌ. Loꞌo koꞌ ni, ngwa ngaꞌa ran; ñaꞌan tiꞌ tnen, kwiꞌ ngwañaꞌan ngwa ran bra kanꞌ.

EL APOCALIPSIS 9:18

Ja ndiya sa jluꞌwe nten chalyuu nu ngujwi siꞌya taꞌa snan kicha nu ndyoꞌo tu tuꞌwa kwiyu kanꞌ; wa ndiya kicha nu mxnun kiiꞌ kanꞌ, wa ndiya kicha nu mxnun sñii kanꞌ, wa ndiya kicha nu mxnun sñii kutsi nu chen ꞌa ñaꞌan tyiꞌi kanꞌ bra kanꞌ.

EL APOCALIPSIS 9:15

Ngwañaꞌan ngwa bra kanꞌ. Xa wa mdoꞌo laa taꞌa jakwa angajle kanꞌ, bra ti mdoꞌo ndyaa chaꞌ kujwi ꞌin, ni siya ja ndiya sa jluꞌwe nten nu nsuꞌwi ñaꞌaan chalyuu bra kanꞌ. Wa lka nduun angajle kanꞌ chaꞌ kujwi ꞌin nten bra nu tiya bra, bra nu tiya ti kwiꞌ tsan, bra nu tiya ti kwiꞌ koꞌ, bra nu tiya ti kwiꞌ yijan chaꞌ kuꞌni Ni tñan kanꞌ bra kanꞌ.

SAN MARCOS 13:24

Ti ngwaꞌu la Jesús chinꞌ chaꞌ ꞌin neꞌ bra kanꞌ: ―Bra nu mdyii mdijin nten nu tiꞌí kanꞌ ―ndukwin Jesús―, ka tla ñaꞌan xaa kwan bra kanꞌ, kwiꞌ ngwañaꞌan ja chkanꞌ xaa koꞌ bra kanꞌ.

SAN MATEO 24:29

’Xa nu wa mdyii tsan nu ndiꞌin chaꞌ ka nu tiꞌí ꞌin neꞌ, bra ti ka tla lo kwichaa, kwiꞌ ngwañaꞌan ja ka xaa lo koꞌ bra kanꞌ. Kalu kwii kulasiin nu ndukwi niꞌ kwan la lyuu; kwiꞌ ngwañaꞌan, kiñan nchga nan nu nsuꞌwi niꞌ kwan.

EL APOCALIPSIS 12:4

Mjiꞌin jyeꞌen iꞌ ꞌin kwii kulasiin nu ndukwi niꞌ kwan bra kanꞌ; mslu iꞌ ñaꞌaan ska yuꞌwe nchga kwii kulasiin kanꞌ, ngalu ran lo chalyuu bra kanꞌ. Kwiꞌ mdyituun kunan kanꞌ tloo nu kunaꞌan nu wa kala ti sñiꞌ kanꞌ; bra nu wa ngala kuwiꞌ, bra ti ku kunan ꞌin kuwiꞌ kanꞌ, nka tiye iꞌ bra kanꞌ.

2 CORINTIOS 4:4

Ja xlyaa nten nu kuxi kanꞌ xñi chaꞌ kanꞌ siꞌya kuneꞌ xaꞌan nu nñi lyoꞌo ꞌin nten chalyuu. Ndukunꞌ nu kuxi kanꞌ chaꞌ ꞌin neꞌ chaꞌ ja kunan ꞌa neꞌ chaꞌ suꞌwe nu ꞌin Krixtu, kanꞌ chaꞌ ja nchka kanun xaa luwi ꞌin Krixtu niꞌ kasiya ꞌin neꞌ kanꞌ. Tnun ꞌa chaꞌ lka chaꞌ nu ꞌin Krixtu; nchga chaꞌ nu ndiꞌin ꞌin Ni, suꞌwa ndiꞌin chaꞌ ꞌin Ni loꞌo Ndiose Sti Ni nde seꞌen ndiꞌin Ni.

SAN LUCAS 21:25

’Tyoꞌo tukwa chaꞌ tnun nu ñaꞌan neꞌ lo kwichaa, lo koꞌ, kwiꞌ ngwañaꞌan lo kwii kulasiin nu nsuꞌwi nde niꞌ kwan. Bra kanꞌ lye ꞌa sten chaꞌ chen ñaꞌan ke nten chalyuu; kutsen ꞌa neꞌ bra kanꞌ, chunꞌ lye ꞌa kanen ngatsa kulooꞌ lo tyiꞌa tujoꞌo.

SAN MARCOS 15:33

Xa nu ndiꞌya kwan ngwa tla xaa ñaꞌaan chalyuu. Snan bra mdaloo chaꞌ tla xaa.

SAN MATEO 27:45

Chunꞌ ndiꞌin la ngwa tla chalyuu snan bra; ti ndiꞌya kwan mdyisnan chaꞌ kanꞌ, sa bra wa snan siin mdyii chaꞌ kanꞌ.

LOS HECHOS 2:20

Naꞌ lkaǎn nu nka Xꞌnan wan; wa tiya ti tsan chaꞌ kuꞌni biyaǎnꞌ ꞌin nchga nten chalyuu. Kuꞌniǐn chaꞌ ka tla lo kwichaa, ja ñaꞌan ꞌa neꞌ koꞌ; ñaꞌan tiꞌ kolo tnen, ngwañaꞌan ka ran, ndukwin Ni. Ska tsan tnun ꞌa ka kanꞌ, ñi ꞌa ka biyaꞌ tiꞌ nchga nten chalyuu chaꞌ wa ndiya tsan kanꞌ.

EL APOCALIPSIS 16:10

Loꞌo ndyaa angajle nu nchka kiꞌyu, ndyaa mslu nan nu nsuꞌwi niꞌ kaꞌnan lo yka xlya tnun seꞌen ndukwa ꞌni chen ñaꞌan kanꞌ bra kanꞌ; ngwa tla yta ñaꞌaan seꞌen ndloo iꞌ tñan bra kanꞌ. Lye ꞌa mgii tiꞌ nten chalyuu nu tiꞌí kanꞌ sa ñaꞌan yaꞌ nchku liꞌya neꞌ chaꞌ tiꞌí ꞌa ꞌin neꞌ bra kanꞌ.