EL APOCALIPSIS 22:11 - Chatino Zona Alta Occidental

¹¹ Nu ti ji tyii chalyuu re, ti kuꞌni kuxi la nchga nten nu nchka tiꞌ kuꞌni chaꞌ kuxi, chunꞌ ja xlyaa neꞌ kulaa yaꞌ neꞌ chaꞌ kuxi kanꞌ bra kanꞌ. Kwiꞌ ngwañaꞌan, ti ndiꞌin nu ngiꞌni chaꞌ chen ñaꞌan, nu ja xlyaa kulaa yaꞌ chaꞌ kuxi kanꞌ bra kanꞌ. Loꞌo nchga nten nu suꞌwe ngiꞌni lo chalyuu ni, ndiꞌin chaꞌ ti kuꞌni la neꞌ chaꞌ suꞌwe sa yaꞌ nu tsaa tii chalyuu; kwiꞌ ngwañaꞌan, nchga nten nu luwi ndiꞌin lo chalyuu, ti ndiꞌin chaꞌ kanun luwi neꞌ ―ndukwin angajle kanꞌ bra kanꞌ.

EL APOCALIPSIS 22:11 Referans Kwoze

2 TIMOTEO 3:13

Nten nu ngiꞌni chaꞌ kuxi ni, ndiꞌin chaꞌ ti kuꞌni la neꞌ chaꞌ kuxi kanꞌ; loꞌo nu kwiñi ni, ndiꞌin chaꞌ ti chkwiꞌ la neꞌ chaꞌ kwiñi. Ti ykwiꞌ ti neꞌ, ti ndyaa ñaꞌan ꞌa tiꞌ neꞌ chaꞌ nu nchkwiꞌ taꞌa kwiñi neꞌ bra kanꞌ.

SAN MATEO 15:14

Kwiꞌ ngwañaꞌan, ja suꞌwe neꞌ fariseo kanꞌ chaꞌ ꞌin Ndiose, kanꞌ chaꞌ ndiꞌin chaꞌ tyoꞌo tsuꞌ wan ꞌin neꞌ kanꞌ, chaꞌ ñaꞌan tiꞌ nu kwityiinꞌ, ngwañaꞌan lka neꞌ fariseo kanꞌ ―ndukwin Jesús―. Si kwaꞌu ska nu kwityiinꞌ tuwiin ꞌin xka yu taꞌa kwityiinꞌ ti yu, tiyuu taꞌa tyukwaa neꞌ kanꞌ ska tuꞌwa yuu bra kanꞌ, chaꞌ tyukwaa neꞌ kanꞌ ja ngwa ñaꞌan neꞌ tuwiin seꞌen ndijyan neꞌ bra kanꞌ.

SAN MATEO 5:6

’Kwiꞌ ngwañaꞌan, ka suꞌwe nka tiye nten nu xlyaa kuꞌni nchga chaꞌ suꞌwe, nchga chaꞌ nu ñi; tayaꞌ Ndiose ꞌin nten kanꞌ, chaꞌ ka kuꞌni neꞌ nchga tñan nu nchka tiꞌ Ni.

SAN JUDAS 1:24

Ska ti Ndiose nsuꞌwi lo chalyuu. Loꞌo kulaa Ni ꞌñaan chabiyaꞌ ꞌin Jesucristo nu nka Xꞌnaan; ska ti Ndiose nchka ꞌin Ni xñi Ni kwenta ꞌñaan, bra nu ndaꞌaan tuwiin suꞌwe nu ngwaꞌu Ni ꞌñaan. Tayaꞌ Ni ꞌñaan chaꞌ ja tyijin snan kiyaanꞌ, chaꞌ ja tyoꞌo tsuanꞌ tuꞌwa tuwiin kanꞌ, sa ñaꞌan bra nu kalaan suꞌwe ti seꞌen luwi ꞌa xaa, seꞌen ndiꞌin Ndiose. Luwi siyaꞌ ti ka kasiya ꞌñaan bra nu wa ngalaan seꞌen ndiꞌin Ni; kwiꞌ ngwañaꞌan, suꞌwe ꞌa ka tiyean bra kanꞌ. Kanꞌ chaꞌ ni, kuꞌniin tnuan ꞌin Ndiose nu ndukwa seꞌen tlyu la nde niꞌ kwan, chaꞌ ska ti Ndiose nsuꞌwi nu tlyu ꞌa lka; ska ti Ndiose lka ndloo la ꞌin nchga loo nan nu nsuꞌwi lo chalyuu, kwiꞌ ngwañaꞌan ska ti Ndiose nchka ꞌin Ni kuꞌni Ni nchga loo chaꞌ tnun siyaꞌ ti. Luꞌu Ndiose ti bra nu ja ya tyaꞌ chalyuu, kwiꞌ ngwañaꞌan ti luꞌu Ni sa bra ni; loꞌo ja tsaa tii ꞌa chaꞌ luꞌu Ni nde loo la. Ngwañaꞌan ka sikwa.

SAN MATEO 25:10

Bra nu ndyaa nu kunaꞌan nu ja nduwe tiꞌ kanꞌ xiꞌi la neꞌ ti chinꞌ sete, bra kanꞌ mdiyan yu nu kaja kwilyoꞌo kanꞌ. Nu kunaꞌan nu wa lka yꞌni xuꞌwe candil ꞌin neꞌ, ndyaa neꞌ niꞌ ñaꞌan tyi kuxiin loꞌo yu nu ka kwilyoꞌo kanꞌ, chaꞌ ku neꞌ seꞌen ndiꞌin; bra ti nchkunꞌ tunaꞌan kanꞌ.

EFESIOS 5:27

Ngwa tiꞌ Krixtu chaꞌ tyiꞌin nten ꞌin Ni seꞌen ndiꞌin Ndiose bra nu tyii chalyuu; tlyu ꞌa chaꞌ suꞌwe ka xa nu tyiꞌian sa tlyu ti seꞌen ndiꞌin ykwiꞌ Ndiose, xa nu luwi tiyean, xa nu ja ndukwian kiꞌya, xa nu ja ndiꞌin ꞌa yuweꞌ ꞌñaan, chaꞌ nu ja loꞌo xka la chaꞌ kuxi ꞌñaan, chaꞌ ja nchka tiꞌ Ndiose ñaꞌan Ni ska chaꞌ nu kuxi.

SAN MATEO 21:19

Kanꞌ naꞌan yu ska yka kwiñii nu nduun tuꞌwa tuwiin. Ndyaa naꞌan yu ꞌin yka kanꞌ si kaja nan ku yu lo ran, loꞌo ja nsuꞌwi nan lo ran, xkwiꞌ lkaꞌ ti nsuꞌwi lo ran. Ykwiꞌ Jesús chaꞌ ꞌin yka bra kanꞌ: ―Ja tyoꞌo ꞌa nan lo yka kwa xka yijan ―ndukwin yu. Bra ti mtyi yka kanꞌ.

SAN JUAN 8:21

Xiyaꞌ ykwiꞌ Jesús loꞌo neꞌ bra kanꞌ: ―Tsaꞌaǎn ni ―ndukwin yu―. Chunꞌ ndiꞌin la tsaa naan wan ꞌñaǎn nde seꞌen mdaꞌaǎn, loꞌo ja tyija lyoǔn ꞌaǎn ꞌwan bra kanꞌ ―ndukwin―. Kaja wan loꞌo kiꞌya nu ndiꞌin ꞌwan, ni siya ti ji tyija lyoǔn ꞌwan, loꞌo ja ka ꞌa ꞌwan tsaa wan seꞌen tyiꞌiǐn bra kanꞌ.

EL APOCALIPSIS 16:21

Kwiꞌ ngalu tyoo kee tnun lyuu bra kanꞌ. Tiꞌin ꞌa ran, biyaꞌ tuꞌwa kilo, sa kwa biyaꞌ tiꞌin ska yuꞌwe tyoo kee nu ngalu ke nten chalyuu bra kanꞌ. Loꞌo ngwañaꞌan, tnun ꞌa chaꞌ kuxi nchkwiꞌ nten chaꞌ ꞌin Ndiose bra kanꞌ; lye ꞌa mda neꞌ kiꞌya ꞌin Ni chaꞌ ꞌin tyoo kee kanꞌ, chaꞌ tnun ꞌa chaꞌ ngiꞌni Ni lo chalyuu bra kanꞌ.

EL APOCALIPSIS 22:3

Lo kichen kanꞌ, ja ndiꞌin ꞌa nan nu ndiꞌin yuweꞌ ꞌin siyaꞌ ti. Nde kichen kanꞌ suꞌwa ti ka Ndiose ndloo loꞌo nu lka ñaꞌan tiꞌ slyaꞌ kanꞌ bra kanꞌ; nde kwa ndukwa Ni lo yka xlya tnun ꞌin Ni, loꞌo nchga nten nu ngiꞌni tñan ꞌin Ni, kuꞌni tnun neꞌ ꞌin Ni bra kanꞌ.

COLOSENSES 1:22

chunꞌ chaꞌ nu mdijin tyukwi ñaꞌaan Krixtu Sñiꞌ Ni nu tiꞌí bra nu yjwi neꞌ ꞌin yu lo wsi. Ngwañaꞌan yꞌni Ni ti bra kanꞌ chaꞌ ka wan nten ꞌin Ndiose, chaꞌ nu ja tyiꞌin ꞌa yuweꞌ ꞌwan siyaꞌ ti. Kanꞌ chaꞌ ja tyiꞌin ꞌa kiꞌya ꞌwan tloo Ni, bra nu tyaan Ni tyaan yꞌya Ni ꞌñaan chaꞌ tsaa loꞌo Ni ꞌñaan nde seꞌen ndiꞌin Ni.

SAN MATEO 5:45

Ka xuꞌwi lyo nten ꞌwan chaꞌ lka wan sñiꞌ Ndiose nu ndiꞌin niꞌ kwan bra kanꞌ. Suꞌwa nda Ndiose xaa kwan loꞌo seꞌen ndiꞌin nten kuxi, loꞌo seꞌen ndiꞌin nten suꞌwe; suꞌwa nda Ndiose tyoo kiꞌya seꞌen ndiꞌin nten suꞌwe loꞌo seꞌen ndiꞌin nten xaꞌan. Kanꞌ chaꞌ suꞌwe la bra nu suꞌwa kuꞌni wan chaꞌ suꞌwe loꞌo nchga nten.