Loꞌo kanꞌ mdiyan ska angajle seꞌen ndiꞌiǐn bra kanꞌ; ti kwiꞌ taꞌa ndaꞌan loꞌo taꞌa kati angajle nu ndiꞌya kaꞌnan oro seꞌen nsuꞌwi kati kicha kanꞌ, kicha nu kan xa wa tyii ti chalyuu. Ykwiꞌ angajle kanꞌ loꞌoǔn bra kanꞌ: ―Kaan lyaa nde re chaꞌ kwaꞌuǔn ꞌiin sa ñaꞌan ka kichen tnun kanꞌ, ti kwiꞌ nu suꞌwe ꞌa ngwa tkanꞌ ñaꞌan tiꞌ ska kuxiin. Kanꞌ lka seꞌen tyaa wan tyiꞌin wan loꞌo nu lka ñaꞌan tiꞌ slyaꞌ kanꞌ, ñaꞌan tiꞌ si lka wan kwilyoꞌo Ni, taꞌa wan nu ndiꞌin chaꞌ ꞌwan loꞌo Ni bra kanꞌ.
EL APOCALIPSIS 19:7 - Chatino Zona Alta Occidental7 kanꞌ chaꞌ suꞌwe ꞌa ka tiyean, xiꞌyaan chaꞌ nu ndiya ꞌa tianꞌ ni, suꞌwe ꞌa chkwianꞌ chaꞌ ꞌin Ndiose. Wa mdiya tsan chaꞌ kaja kwilyoꞌo nu nka ñaꞌan tiꞌ slyaꞌ kanꞌ, ti kwiꞌ Ni nu ngujwi lo wsi siꞌyaan. Loꞌo nan ni, taꞌaan msñian chaꞌ ꞌin Ni lo chalyuu, wa lkaan ñaꞌan tiꞌ si lkaan kwilyoꞌo Ni, ni siya sa tlyu ti tyiꞌian loꞌo Ni bra kanꞌ. Wa lkaan ngwa tkaanꞌ ñaꞌan tiꞌ si kaja kwilyoꞌoan loꞌo Ni ni, ndukwin neꞌ bra kanꞌ. Gade chapit la |
EL APOCALIPSIS 19:7
29 Referans Kwoze
Ti kwiꞌ Xuwa lkaǎn, naꞌ lkaǎn nu naꞌaǎn xka kichen Jerusalén nu kwi. Luwi ꞌa ñaꞌan kichen kwi kanꞌ ni; nde seꞌen ndiꞌin Ndiose mdoꞌo kichen kanꞌ, mbiꞌya lo chalyuu kwi. Ñaꞌaan kichen wa suꞌwe ꞌa ngwa tkanꞌ; suꞌwe ꞌa ñaꞌan ran, xaa ꞌa ran bra kanꞌ. Ñaꞌan tiꞌ ska kuxiin ꞌin nten, nu suꞌwe ꞌa ñaꞌan steꞌ, suꞌwe ꞌa nchka tkanꞌ, ngwañaꞌan suꞌwe ꞌa ñaꞌan kichen kwi kanꞌ bra kanꞌ.
Ykwiꞌ angajle kanꞌ loꞌoǔn xiyaꞌ bra kanꞌ: ―Kwaꞌaan lyaa chaꞌ re lo kityi ―ndukwin―: “Ka suꞌwe ꞌa ka tiye nten nu wa mniǐn chaꞌ tsaa seꞌen kaja kwilyoꞌo loꞌo Ni nu ngujwi lo wsi chaꞌ ꞌin neꞌ, ti kwiꞌ nu lka ñaꞌan tiꞌ slyaꞌ kanꞌ” ndukwin Ndiose. Ti kwiꞌ chaꞌ nu ñi nu nchkwiꞌ Ndiose loꞌo nten lka chaꞌ kanꞌ ―ndukwin angajle kanꞌ ꞌñaǎn bra kanꞌ.
Ñaꞌan tiꞌ xa wa mjwi kwilyoꞌo neꞌ, ska ti yu kiꞌyu kanꞌ, kanꞌ nu lka kwilyoꞌo kuxiin; loꞌo taꞌa suꞌwe nsuꞌwi nu kiꞌyu kanꞌ, suꞌwe ꞌa nka tiye yu kunan yu chaꞌ nu nchkwiꞌ yu kanꞌ. Sa ñaꞌan suꞌwe nka tiye taꞌa suꞌwe nsuꞌwi yu ndiꞌin yu xa wa mjwi kwilyoꞌo neꞌ, ngwañaꞌan naꞌ suꞌwe ꞌa nka tiyeěn chaꞌ ñaꞌaǎn ꞌin neꞌ nu nnan chaꞌ nu nduꞌu Jesús ―ndukwin Xuwa―.
Bra nu mdaꞌan chaꞌ tiye yu, ni chaꞌ ngwa ngwañaꞌan, bra kanꞌ mdoꞌo tukwa ska angajle seꞌen ndiꞌin yu, ykwiꞌ sla yu bra kanꞌ. Ykwiꞌ angajle kanꞌ loꞌo yu: ―Se ―ndukwin angajle kanꞌ ꞌin yu―, neꞌ taꞌa ayman David lka nuꞌwin ―ndukwin―. Ja kutseen kaja kwilyoꞌoo loꞌo Liya, chaꞌ kan Liya tyiꞌin naꞌan tyii. Siꞌi tñan kuxi yꞌni Liya siyaꞌ ti, tñan nu yꞌni Tyiꞌi Ndiose lka chaꞌ tyiꞌin sñiꞌ Liya ni.
Ti kwiꞌ bra kanꞌ lye ꞌa mñan; seꞌen ngwa tii bariyu kichen nu ngwa xkanꞌ, ñaꞌaan ska bariyu mdyii ngutin bra kanꞌ. Kati mi nten ngujwi chaꞌ nu mñan bra kanꞌ. Lye ꞌa ytsen xka ta nten nu nganun bra kanꞌ, ytsen ꞌa neꞌ ꞌin Ndiose nu ndiꞌin niꞌ kwan, chaꞌ nchka ꞌin Ni kuꞌni Ni chaꞌ tnun ꞌa nu ngwañaꞌan; loꞌo nduwe ꞌa tiꞌ neꞌ chaꞌ yꞌni Ni ngwañaꞌan bra kanꞌ.
Piblisite