COLOSENSES 3:23 - Chatino Zona Alta Occidental

²³ Nchga tñan nu kuꞌni wan, luwi ꞌa tñan kuꞌni wan bra kanꞌ. Nde ñaꞌan tyaꞌan chaꞌ tiye wan, sa ñaꞌan lka si ngiꞌni wan tñan ꞌin Ndiose nu nka Xꞌnaan, siꞌi tñan ꞌin nten chalyuu ti.

COLOSENSES 3:23 Referans Kwoze

COLOSENSES 3:17

Nchga tñan nu nchka tiꞌ wan kuꞌni wan, nchga chaꞌ nu nchka tiꞌ wan chkwiꞌ wan loꞌo nten, chabiyaꞌ ꞌin Jesús nu nka Xꞌnaan kuꞌni wan ꞌin ran sikwa. Loꞌo ngwañaꞌan, ti kwiꞌ bra kanꞌ tya wan xuꞌwe ꞌin Ndiose Stian chaꞌ ꞌin Jesús.

ROMANOS 14:8

chaꞌ kaan tñan ꞌin Ndiose, kanꞌ chaꞌ ndiꞌian lo chalyuu. Loꞌo bra nu ndiꞌin chaꞌ kajaan, chaꞌ ꞌin Ndiose lka bra kanꞌ, chaꞌ chabiyaꞌ ꞌin Ndiose lkaan, ni siya ti luꞌuan, ni siya wa ngujwian.

1 SAN PEDRO 2:15

Nchka tiꞌ Ndiose chaꞌ kuꞌni wan xkwiꞌ chaꞌ suꞌwe, chaꞌ ja ka chkwiꞌ nten chaꞌ kuxi ꞌwan bra kanꞌ; ni siya nten nu ja nchka tiꞌ ka biyaꞌ tiꞌ, ni siya nten nu ja jlyo tiꞌ siyaꞌ ti; ja ska yaꞌ kaja ñaꞌan xtya neꞌ kanꞌ kiꞌya ꞌwan bra kanꞌ.

1 SAN PEDRO 2:13

Chabiyaꞌ ꞌin Jesucristo nu nka Xꞌnaan tukwa wan chaꞌ nu nchkwiꞌ nchga nu nka ndloo, ni siya ree nu nka ndloo la tyukwi ñaꞌaan nasiyun re,

1 SAN PEDRO 1:22

Loꞌo ni, chaꞌ wa ndayaꞌ Tyiꞌi Ndiose ꞌwan, wa ndukwa wan chaꞌ nu ñi nu wa ykwiꞌ Ni loꞌoan, kanꞌ chaꞌ nchka luwi kasiya ꞌwan; loꞌo ni, ka suꞌwe tiye wan ñaꞌan wan ꞌin taꞌa nten wan. Tyukwi ti tiye wan ka suꞌwe tiye wan ñaꞌan wan ꞌin taꞌa wan sikwa.

ROMANOS 14:6

Bra nu ndiꞌin kti neꞌ ska tsan chaꞌ ꞌin ska ta nten, kanꞌ lka tsan nu ndiꞌin chaꞌ kuꞌni tnun neꞌ kanꞌ ꞌin Ndiose sikwa; loꞌo xka ta nten ka kuꞌni tnun ꞌin Ndiose, ni siya ja ngiꞌni kti neꞌ tsan kanꞌ. Kwiꞌ ngwañaꞌan ndyoꞌo chaꞌ ꞌin nten nu ja ntsen ku kunaꞌ. Wa yten neꞌ kanꞌ chaꞌ ꞌin Ndiose, kanꞌ chaꞌ ja ntsen neꞌ, chaꞌ ndya neꞌ xuꞌwe ꞌin Ndiose bra nu nchku neꞌ ꞌin ran. Loꞌo nten nu ntsen ku kunaꞌ kanꞌ, ti kwiꞌ chabiyaꞌ ꞌin Ndiose ntsen neꞌ ku neꞌ ꞌin ran; loꞌo neꞌ kanꞌ ndya neꞌ xuꞌwe ꞌin Xꞌnaan chaꞌ nda Ni nan ku neꞌ.

SAN MATEO 6:16

’Xka chaꞌ ni: Bra nu tiya tsan ꞌwan chaꞌ ja ku wan chunꞌ ngiꞌni tnun wan ꞌin Ndiose, ja suꞌwe si xkwiꞌ chaꞌ xiꞌin tiye wan, sa ñaꞌan ngiꞌni nten nu tukwa chaꞌ nsuꞌwi tiye. Nchka tiꞌ neꞌ kanꞌ, chaꞌ ñaꞌan nten ꞌin neꞌ chaꞌ xkwiꞌ ngiꞌni kti neꞌ, chunꞌ ja nchku neꞌ tsan kanꞌ. Chañi chaꞌ nchkwiǐnꞌ loꞌo wan: Wa lka mjwi chaꞌ ꞌin neꞌ, sa kwa ti chaꞌ suꞌwe nu ta Ndiose ꞌin neꞌ nde loo la.

EFESIOS 5:22

ꞌWan neꞌ kunaꞌan ni, sa ñaꞌan nu ndukwaan chaꞌ nu nchkwiꞌ Ndiose Xꞌnaan, ngwañaꞌan tukwa wan chaꞌ nu nchkwiꞌ kwilyoꞌo wan loꞌo wan.