COLOSENSES 3:15 - Chatino Zona Alta Occidental

¹⁵ Tiin ti tyiꞌin kasiya ꞌwan sikwa, chaꞌ Ndiose nka ndloo ꞌwan; wa ngulo suwi Ni ꞌwan, loꞌo ꞌin xka la nten taꞌa wan, chaꞌ ka wan ska ta ti nten chaꞌ ꞌin Ndiose. Loꞌo ngwañaꞌan, suꞌwe si nchga bra tya wan xuꞌwe ꞌin Ndiose chaꞌ ꞌin nchga lo nan.

COLOSENSES 3:15 Referans Kwoze

SAN JUAN 14:27

’Nde lka tñan nu kuꞌniǐn loꞌo wan chaꞌ nu wa tyaꞌaǎn tiǎn. Kuꞌniǐn chaꞌ tiin ti tyiꞌin wan. Ja nchka ꞌin nten chalyuu tyiꞌin tiin ti; ykwiǐnꞌ kuꞌniǐn chaꞌ tiin ti tyiꞌin wan ―ndukwin Jesús―. Ja tyaꞌan ꞌa chaꞌ tiye wan, ja ka kutsen wan bra kanꞌ ―ndukwin―.

ROMANOS 15:13

Kanꞌ chaꞌ ni, nchka tiǎnꞌ chaꞌ kuꞌni Ndiose chaꞌ sten suꞌwe la wan chaꞌ ꞌin Ni, chaꞌ ka suꞌwe ꞌa ka tiye wan, chaꞌ ka tyiꞌin tiin wan bra kanꞌ. Bra nu kanun Tyiꞌi Ndiose niꞌ kasiya ꞌñaan, bra kanꞌ ja ka ndaja ꞌa tianꞌ chaꞌ tyiꞌin taan sa ñaꞌan bra nu tiyan Ndiose.

1 TESALONICENSES 5:18

Kwiꞌ ngwañaꞌan, tya wan xuꞌwe ꞌin Ndiose chaꞌ ꞌin nchga chaꞌ nu nchka ꞌwan. Nchka tiꞌ Ni chaꞌ kuꞌni wan ngwañaꞌan si chañi chaꞌ msñi wan chaꞌ ꞌin Jesucristo.

ROMANOS 5:1

Ngwañaꞌan lka chaꞌ sikwa; chunꞌ nu wa ytean chaꞌ ꞌin Jesús, kanꞌ chaꞌ wa ngwa suꞌwe kasiya ꞌñaan loꞌo Ndiose. Loꞌo kanꞌ tiin ndiꞌian, suꞌwa ndiꞌin chaꞌ ꞌñaan loꞌo Ndiose chabiyaꞌ ꞌin Jesucristo nu nka Xꞌnaan.

COLOSENSES 3:17

Nchga tñan nu nchka tiꞌ wan kuꞌni wan, nchga chaꞌ nu nchka tiꞌ wan chkwiꞌ wan loꞌo nten, chabiyaꞌ ꞌin Jesús nu nka Xꞌnaan kuꞌni wan ꞌin ran sikwa. Loꞌo ngwañaꞌan, ti kwiꞌ bra kanꞌ tya wan xuꞌwe ꞌin Ndiose Stian chaꞌ ꞌin Jesús.

SAN JUAN 16:33

Nchkwiǐnꞌ nchga chaꞌ re loꞌo wan chaꞌ tiin ti tyiꞌin wan xa wa yten wan chaꞌ ꞌñaǎn ―ndukwin―. Lo chalyuu re ka tiꞌí tiꞌ nten ꞌwan. Loꞌo ja kuwe tiꞌ wan, kuꞌni tnun tiye wan; naꞌ lkaǎn ndloo la lo chalyuu, chaꞌ ska yaꞌ ti mdijiǐn lyoǔn ꞌin kuneꞌ xaꞌan.

EFESIOS 5:20

Nchga bra suꞌwe chaꞌ tya wan xuꞌwe ꞌin Ndiose Stian chabiyaꞌ ꞌin Xꞌnaan Jesucristo; tya wan xuꞌwe ꞌin Ni chaꞌ ꞌin nchga chaꞌ nu nchka ꞌwan, ni siya chaꞌ suꞌwe, ni siya chaꞌ nu ja suꞌwe.

2 CORINTIOS 9:11

Ngwañaꞌan kaja nchga nan ꞌwan, loꞌo ti kaja chinꞌ chaꞌ suꞌwe ꞌwan nu ta wan ꞌin xka ta nten. Xa wa mdyii chaꞌ, bra kanꞌ suꞌwe ꞌa tya neꞌ xuꞌwe ꞌin Ndiose chunꞌ lomstan nu wa nda wan, kwiꞌ nu tsaa loꞌo ba nde seꞌen ndiꞌin neꞌ tiꞌi taꞌaan kanꞌ.

EFESIOS 4:4

Taꞌaan nu msñian chaꞌ ꞌin Krixtu, ska ti nten lkaan, ska ti Tyiꞌi Ndiose ndiꞌin loꞌoan; ti kwiꞌ ti chaꞌ, suꞌwa ti ngataan ꞌin chaꞌ suꞌwe nu ta Ndiose ꞌñaan chalyuu nde loo la, kanꞌ chaꞌ wa ngulo suwi Ni ꞌñaan.

ROMANOS 14:17

Bra nu Ndiose lka ndloo la ꞌñaan, siꞌi ska nan nu nchkuan, ska nan nu koꞌoan nu ndloo la ꞌñaan; nu ndloo la ꞌñaan lka chaꞌ kanun Tyiꞌi Ndiose niꞌ kasiya ꞌñaan, chaꞌ ka suꞌwe kasiya ꞌñaan chabiyaꞌ ꞌin Jesús. Kanꞌ chaꞌ ka tyiꞌin tiin tian lo chalyuu, ka suꞌwe ka tiyean loꞌo Ndiose; nchga chaꞌ kanꞌ ka bra nu Ndiose ka ndloo la ꞌñaan.

1 TIMOTEO 2:1

Ndiꞌin chaꞌ chkwianꞌ loꞌo Ndiose chaꞌ ꞌin nchga nten chalyuu, bra nu jñaan chaꞌ ꞌin Ni, ya ñaꞌan ti chaꞌ nu lyiji ꞌin nten; chkwianꞌ chaꞌ ꞌin xka ta nten bra nu chkwianꞌ loꞌo nu nka Xꞌnaan, ngwañaꞌan bra nu tyaan xuꞌwe ꞌin Ndiose chaꞌ ꞌin nchga nten.

COLOSENSES 2:7

Ngwañaꞌan xñi suꞌwe wan chaꞌ ꞌin Jesús, chaꞌ ka biyaꞌ tiꞌ wan nchga seꞌen ndukwa kiyaꞌ chaꞌ kanꞌ; chaꞌ Jesús ni, kanꞌ lka kiyaꞌ nchga chaꞌ nu wa msñian, ti kwiꞌ chaꞌ nu ngwaꞌu neꞌ ꞌwan nu ngwa bra kanꞌ. Loꞌo ngwañaꞌan, nchga tsan tya wan xuꞌwe ꞌin Krixtu bra kanꞌ.

EFESIOS 5:1

Suꞌwe ꞌa nka tiye Ndiose ñaꞌan Ni ꞌwan, chaꞌ lka wan sñiꞌ Ni; kanꞌ chaꞌ ndiꞌin chaꞌ kuꞌni wan sa ñaꞌan nu ngiꞌni Ndiose.

2 CORINTIOS 4:15

Ndalo ba nchga nu tiꞌí nu ndyukwa ba chaꞌ ꞌwan; loꞌo ni, wa ndiya kaꞌan ꞌa taꞌa nten wan nu wa mjwi xuꞌwe nu nda Ndiose ꞌwan, kanꞌ chaꞌ chunꞌ ndiꞌin la ka tyituun kaꞌan la taꞌa nten wan nu tya xuꞌwe ꞌin Ndiose chaꞌ ꞌwa. Loꞌo suꞌwa ꞌa ka kuꞌni tnuan ꞌin ykwiꞌ Ni bra kanꞌ.

EL APOCALIPSIS 7:12

Ykwiꞌ angajle kanꞌ bra kanꞌ: ¡Ngwañaꞌan ka sikwa! Kuꞌniin tnuan ꞌin Ndiose, suꞌwe ꞌa chkwianꞌ chaꞌ ꞌin Ni, tyaan xuꞌwe ꞌin Ni. Chkwianꞌ chaꞌ nchga chaꞌ jlyo tiꞌ Ni, nan ꞌin Ni lka nchga lo nan nu nsuꞌwi lo chalyuu; nchga lo tñan nchka ꞌin Ni kuꞌni Ni siyaꞌ ti, ska ti Ndiose nsuꞌwi chabiyaꞌ kuꞌni nchga tñan. Nchga bra ja tsaa tii ꞌa chaꞌ ngwañaꞌan ka ꞌin Ndiose Stian. Loꞌo chañi chaꞌ ngwañaꞌan ka. Ngwañaꞌan ykwiꞌ angajle loꞌo taꞌa bra kanꞌ.

EFESIOS 4:16

chabiyaꞌ ꞌin Krixtu, kanꞌ chaꞌ lkaan ska ti nten tloo Ndiose. Nsuꞌwi tñan chaꞌ kuꞌnian kwenta skaan; ndiꞌin chaꞌ tayaanꞌ ꞌin taꞌaan chaꞌ ja xñi neꞌ xka tuwiin kuxi, chaꞌ ngwañaꞌan suꞌwa ti ka tiyean loꞌo taꞌaan. Si suꞌwe ti ndiꞌian loꞌo taꞌaan, bra kanꞌ sa tlyu ti tayaanꞌ ꞌin taꞌaan, chaꞌ kanun tsaa la chaꞌ ꞌin Jesús niꞌ kasiya ꞌñaan skaan, chunꞌ suꞌwe ꞌa nka tiyean ñaꞌaan ꞌin taꞌaan.

COLOSENSES 1:12

Loꞌo tya wan xuꞌwe ꞌin Ndiose Sti wan nu nda chabiyaꞌ chaꞌ kaja chaꞌ suꞌwe ꞌwan, ti kwiꞌ chaꞌ suꞌwe nu ndiꞌin seꞌen ndiꞌin Ndiose chaꞌ kaja ꞌin nten, bra nu kala neꞌ seꞌen ndukwa Ndiose nu xaa ꞌa.

HEBREOS 13:15

Kanꞌ chaꞌ nchga tsan kuꞌniin tnuan ꞌin Ndiose chaꞌ ꞌin Jesús; ñaꞌan tiꞌ si taan lomstan ꞌin Ni, kwiꞌ ngwañaꞌan lka xa nu tyukwi ti tiyean kuꞌniin tnuan ꞌin Ni. Loꞌo ngwañaꞌan, ¡suꞌwe ꞌa si nchga tsan chkwianꞌ chaꞌ tnun ꞌa chaꞌ nu ndiꞌin ꞌin Ndiose Stian!

1 CORINTIOS 7:15

Ska ti chaꞌ ꞌin nten nu ja xlyaa xñi chaꞌ ꞌin Jesús, si nchka tiꞌ neꞌ kulaa tiꞌin neꞌ ꞌin kwilyoꞌo neꞌ, si liyeꞌ ꞌa tiꞌ neꞌ ꞌin kwilyoꞌo neꞌ chaꞌ msñi kwilyoꞌo neꞌ chaꞌ ꞌin Jesús, bra kanꞌ ta wan chabiyaꞌ chaꞌ tyaa neꞌ nu ja msñi chaꞌ ꞌin Jesús. ꞌWan taꞌa msñian chaꞌ ꞌin Jesús ni, ni siya yu kiꞌyu, ni siya neꞌ kunaꞌan, ndiꞌin chabiyaꞌ ꞌwan chaꞌ kulaa tiꞌin wan ꞌin kwilyoꞌo ska ti si ja ka tyiꞌin tiin ti wan lo chalyuu. Wa nchka tiꞌ Ndiose chaꞌ tyiꞌiin suꞌwean lo chalyuu.

ROMANOS 1:21

Ni siya nsuꞌwi lyo neꞌ xaꞌan kanꞌ sa ñaꞌan nu lka Ndiose, ja xlyaa neꞌ kanꞌ kuꞌni tnun neꞌ ꞌin Ni; ni siya Ndiose ykwiꞌ lka Ni, ja ndya neꞌ kanꞌ xuꞌwe ꞌin Ni. Xkwiꞌ chaꞌ xaꞌan ndaꞌan chaꞌ tiye neꞌ. Lye ꞌa mxiyaꞌ neꞌ chaꞌ ke neꞌ chaꞌ ja xlyaa neꞌ xñi neꞌ chaꞌ nu ñi kanꞌ.

1 CORINTIOS 10:17

Ska ti jaxlya ndukwa lo msaa seꞌen nchkuan suꞌwa ti; bra nu ndyuꞌwe jaxlya kanꞌ, bra kanꞌ taꞌaan ndyiji nan kuan, ni siya tyuan lkaan. Sa tlyu ti ndiꞌian chaꞌ lkaan nten ꞌin Jesús bra kanꞌ.

1 TIMOTEO 6:12

Tyukwi ti tiyee kuꞌnii tñan ꞌin nu nka Xꞌnaan, chunꞌ nu wa msñii suꞌwe chaꞌ ꞌin Ni. Wa jlyo tiiꞌ chaꞌ ja tsaa tii ꞌa chalyuu ꞌiin ni, chaꞌ wa ngulo suwi Ndiose ꞌiin, loꞌo kanꞌ tyun yaꞌ wa ykwiiꞌ loꞌo nten chaꞌ wa msñii chaꞌ ꞌin Jesucristo; loꞌo siꞌi ska chaꞌ mnan ti ngwa kanꞌ.