COLOSENSES 1:16 - Chatino Zona Alta Occidental

¹⁶ Suꞌwa mdiꞌin Krixtu loꞌo Ndiose Sti Ni bra nu mdyisnan ndyaꞌ chalyuu, ni siya ndyaꞌ tyukwi ñaꞌaan niꞌ kwan, ni siya ndyaꞌ tyukwi ñaꞌaan lo chalyuu. Wa ngwiñan Ni nchga nan nu nchka ñaꞌaan lo chalyuu; loꞌo ngwiñan Ni nchga nan nu ja nchka ñaꞌaan, ñaꞌan tiꞌ nchga kwiꞌin nu nka ndloo nde niꞌ kwan; kwiꞌ ngwañaꞌan, wa ngwiñan Ni nchga xꞌnan nu kulo tñan ꞌin nten, ni siya lo chalyuu, ni siya nde niꞌ kwan. Loꞌo Krixtu kanꞌ ndyaꞌ nchga lo nan sikwa; ti kwiꞌ ti chaꞌ wa ndyaꞌ ran chaꞌ ka kuꞌni tnuun ꞌin Ni.

COLOSENSES 1:16 Referans Kwoze

ROMANOS 11:36

Nchga nan nu nsuꞌwi chalyuu, nan ꞌin Ndiose lka kanꞌ; wa ngwiñan Ni nchga nan, chaꞌ ka ran tñan ꞌin Ni. Loꞌo ja tyii chaꞌ kuꞌni tnuan ꞌin Ndiose ni. Ngwañaꞌan ndiꞌin chaꞌ kuꞌni nten.

SAN JUAN 1:3

Loꞌo yu kanꞌ ngwiñan Ni nchga nan; ja ska nan nu nsuꞌwi chalyuu tyaꞌ, si ja loꞌo yu kanꞌ mñan yu ꞌin ran.

1 CORINTIOS 8:6

Loꞌo taꞌa ndiꞌin chaꞌ ꞌñaan loꞌo Jesús ni, ska ti Ndiose Stian ndyaa ñaꞌan tianꞌ ꞌin Ni siyaꞌ ti; kwiꞌ ngwañaꞌan, ska ti Jesucristo nu nka Xꞌnaan wa msñian chaꞌ ꞌin Ni. Ngwiñan Ni tyukwi ñaꞌaan chalyuu, loꞌo Jesús ndyaꞌ nchga loo nan; chaꞌ ꞌin ti kwiꞌ Jesús lka nchga loo nan nu nsuꞌwi lo chalyuu, kwiꞌ ngwañaꞌan chaꞌ ꞌin Jesús ndiꞌian lo chalyuu.

HEBREOS 2:10

Ti kulo ngwiñan Ndiose nchga nan nu nsuꞌwi lo chalyuu, kwiꞌ ngwañaꞌan nxñi Ni kwenta ꞌin nchga nan; loꞌo ngwañaꞌan, nchka tiꞌ Ni chaꞌ tyaan taꞌaan nu lkaan sñiꞌ Ni nde seꞌen suꞌwe ꞌa ñaꞌan seꞌen ndukwa Ni. Kanꞌ chaꞌ kulo ndukwa ndloo ꞌa chaꞌ ꞌin Ndiose chaꞌ tyii kuꞌni Jesucristo nchga tñan nu ndiꞌin chaꞌ kuꞌni Ni lo chalyuu; loꞌo ni, wa mdoꞌo laan ꞌin chaꞌ kuxi chunꞌ Jesús, ni siya kaꞌan ꞌa nu tiꞌí mdijin yu bra nu yꞌni yu tñan kanꞌ.

HEBREOS 1:2

Bra wa ni, xa nu wa tyii ti chalyuu re, wa ykwiꞌ Ndiose loꞌoan xka tuꞌwa, chaꞌ wa yan Krixtu lo chalyuu re seꞌen ndiꞌian, ti kwiꞌ ska ti kanꞌ nu lka Sñiꞌ Ni. Wa ndiꞌin Krixtu loꞌo Ndiose Sti Ni bra nu ngwiñan Ni chalyuu ti kulo; bra nu ti nñan Ni nchga loo nan nu nsuꞌwi nde niꞌ kwan loꞌo nchga loo nan nu nsuꞌwi lo chalyuu, ndiꞌin Krixtu loꞌo Ndiose Sti Ni bra kanꞌ. Kwiꞌ ngwañaꞌan, wa nda Ndiose chabiyaꞌ ꞌin Krixtu chaꞌ ka Ni ndloo ꞌin nchga chaꞌ kanꞌ bra kanꞌ.

EFESIOS 1:10

ngwa tiꞌ Ni chaꞌ ka suꞌwa nchga loo nan nu nsuꞌwi lo chalyuu, loꞌo ska ti Xꞌnaan Krixtu ka ndloo la bra kanꞌ. Xa nu tiya tsan kanꞌ, bra kanꞌ xoꞌ tiꞌin Ndiose nchga loo nan nu nsuꞌwi lo chalyuu, loꞌo nchga loo nan nu nsuꞌwi niꞌ kwan; bra kanꞌ ska ti Krixtu ka ndloo la ꞌin nchga nan kanꞌ.

COLOSENSES 1:15

Ja nchka ꞌñaan ñaꞌaan ꞌin Ndiose siyaꞌ ti; bra nu yan Krixtu Sñiꞌ Ndiose lo chalyuu, bra kanꞌ mjwi chabiyaꞌ ꞌñaan ñaꞌaan ꞌin Ndiose. Ti kwiꞌ Krixtu kanꞌ lka nu mdiꞌin ti kulo la loꞌo Ndiose, loꞌo kwiꞌ Ni lka Ni ndloo ꞌin nchga lo nan nu ngwiñan Ni lo chalyuu.

COLOSENSES 2:10

Ti kwiꞌ Krixtu nka ndloo la ꞌin nchga nu lka xꞌnaan, loꞌo ꞌin nchga kwiꞌin nu nka ndloo; loꞌo ꞌwan ni, chunꞌ chaꞌ ndiꞌin chaꞌ ꞌwan loꞌo Krixtu, kanꞌ chaꞌ ndiꞌin Ndiose loꞌo wan, chaꞌ ngwa suꞌwa chaꞌ ꞌwan loꞌo Krixtu.

FILIPENSES 2:10

chaꞌ ngwañaꞌan tyuun xtyinꞌ nchga nan luꞌu tloo Jesús, ni siya nten, ni siya kwiꞌin. Ja tyii chaꞌ kuꞌni tnun nten ꞌin Ni, chaꞌ ꞌin chabiyaꞌ nu tnun ꞌa nu wa nda Ni ꞌin yu, ni siya nu ndiꞌin niꞌ kwan, ni siya nu ndiꞌin lo chalyuu, ni siya nten nu wa ngutsiꞌ, loꞌo ayman kanꞌ kuꞌni tnun neꞌ ꞌin yu.

COLOSENSES 1:20

chaꞌ ngwañaꞌan ngwa tiꞌ Ni kuꞌni Ni, chaꞌ xiyaꞌ ka Ni ndloo ꞌin tyukwi ñaꞌaan chalyuu chunꞌ tñan nu yꞌni Krixtu. Suꞌwe ti ndiꞌian loꞌo Ndiose chaꞌ nu wa ngujwi Krixtu lo wsi chaꞌ katin kiꞌya ꞌñaan; ngwañaꞌan yꞌni Krixtu chaꞌ xiyaꞌ tyiꞌin tyukwi ñaꞌaan chalyuu chaꞌ ꞌin Ndiose, ni siya nde lo chalyuu, ni siya nde niꞌ kwan.

1 SAN PEDRO 3:22

Wa ndyaa Jesucristo nde niꞌ kwan, loꞌo ni ndiꞌin yu laꞌa seꞌen kwin nde seꞌen ndukwa Ndiose. Loꞌo Jesucristo, ndloo lka Ni ꞌin nchga angajle ꞌin Ndiose; lka Ni ndloo ꞌin nchga nu nka tñan, lka Ni ndloo ꞌin nchga kwiꞌin suꞌwe nu nchka chinꞌ ꞌin; lka Ni ndloo siyaꞌ ti.

COLOSENSES 2:15

Ti kwiꞌ lo wsi kanꞌ wa mdijin lyo Krixtu ꞌin nchga nu nka ndloo la ꞌin chaꞌ kuxi nu nsuꞌwi lo chalyuu, loꞌo ꞌin nchga kwiꞌin kuxi nu nka ndloo la ꞌñaan nten chalyuu. Xa wa yꞌni tlyu Ndiose ꞌin Krixtu chunꞌ mdijin lyo yu ꞌin nchga xꞌnan chaꞌ kuxi kanꞌ, bra kanꞌ ndyaa loꞌo Krixtu ꞌin xꞌnan chaꞌ kuxi kanꞌ laja nten kaꞌan, nu sa tlyu ti ndoꞌo tuwiin chaꞌ ñaꞌan kwiꞌya nchga nten chaꞌ wa mdijin lyo Krixtu ꞌin nchga xꞌnan chaꞌ kuxi.

EFESIOS 6:12

Ja nxuan loꞌo nten chalyuu ti, nu chinꞌ ti jwersa nsuꞌwi ꞌin neꞌ; nu nxuun loꞌoan lka nchga kwiꞌin kuxi nu nsuꞌwi nde niꞌ kwan. Ngula ꞌa tiꞌ kwiꞌin kanꞌ, kwiꞌ kanꞌ lka nu nchka ꞌa tiꞌ tyijin lyo ꞌin Ndiose; loꞌo ja nchka ꞌin ran. Ti kwiꞌ kwiꞌin kuxi kanꞌ nchka tiꞌ ka xꞌnan chalyuu, loꞌo ngwañaꞌan ndlo ran tñan ꞌin nten chaꞌ kuꞌni neꞌ nchga loo chaꞌ kuxi lo chalyuu bra ni.

ROMANOS 8:38

Kanꞌ chaꞌ jlyo tianꞌ ni, chaꞌ ja ska ꞌa nan ndiya nu ka kuꞌni chaꞌ kulaa yaꞌ Ndiose ꞌñaan, chaꞌ suꞌwe ꞌa nka tiye Ni ñaꞌan Ni ꞌñaan; ni siya wa ngujwian, ni siya ti luꞌuan, ja kulaa yaꞌ Ni ꞌñaan. Loꞌo angajle nu ndiꞌin nde niꞌ kwan, loꞌo kwiꞌin nu nka ndloo la lo yuu, ja siyaꞌ nchka ꞌin nu kwa kuꞌni chaꞌ kulaa yaꞌ Ni ꞌñaan. Ni siya chalyuu seꞌen ndiꞌian ni, ni siya chalyuu nu ka nde loo la, ja kulaa yaꞌ Ni ꞌñaan bra kanꞌ. Ja ndiya ꞌa nu nka ndloo la lo chalyuu re nu nchka ꞌin kulaa ꞌñaan yaꞌ Xꞌnaan.

SAN JUAN 1:10

Ndiꞌin yu kanꞌ lo chalyuu, ti kwiꞌ chaꞌ nu wa ytsaꞌ Ndiose ꞌin nten lka yu kanꞌ. Ngwiñan Ni chalyuu loꞌo yu kanꞌ, loꞌo ja yuꞌwi lyo nten chalyuu ꞌin yu kanꞌ bra kanꞌ.

ROMANOS 9:5

Sñiꞌ ayman kula ꞌñaan lka neꞌ kanꞌ. Bra nu ngula Krixtu lo chalyuu chaꞌ ngwa Ni nten, ti kwiꞌ taꞌa neꞌ Israel ngwa yu bra kanꞌ. Kwiꞌ ngwañaꞌan, lka Krixtu Ndiose nu nka ndloo la ti ꞌin nchga nan siyaꞌ ti, kanꞌ chaꞌ nchga bra ngiꞌni tnun nten ꞌin Ni. Ngwañaꞌan lka chaꞌ kanꞌ.