2 TIMOTEO 3:5 - Chatino Zona Alta Occidental

⁵ Kwiñi ꞌa neꞌ kanꞌ bra nu kuꞌni tnun neꞌ ꞌin Ndiose; nxkeꞌ tianꞌ chaꞌ suꞌwe ꞌa ngiꞌni neꞌ, loꞌo ja nda ꞌa neꞌ chabiyaꞌ nu kuꞌni chaꞌ ꞌin Ndiose tñan niꞌ kasiya ꞌin neꞌ. Nuꞌwin Timu, kulaa yaaꞌ ꞌin nchga nten nu kuꞌni ngwañaꞌan.

2 TIMOTEO 3:5 Referans Kwoze

TITO 1:16

Nten ꞌin Ndiose lka neꞌ kanꞌ, ndukwin neꞌ, loꞌo ja siyaꞌ ngiꞌni neꞌ tñan nu nchka tiꞌ Ndiose; kanꞌ chaꞌ ka biyaꞌ tianꞌ chaꞌ kwiñi neꞌ kanꞌ. Kuxi ꞌa ngiꞌni neꞌ, chunꞌ ja xlyaa neꞌ tukwa neꞌ chaꞌ nu ñi; kwiꞌ ngwañaꞌan, ja ska ꞌa chaꞌ suꞌwe ka kuꞌni neꞌ kanꞌ siyaꞌ ti.

1 TIMOTEO 5:8

Ja suꞌwe ngiꞌni nten nu ja nduwe tiꞌ ꞌin taꞌa, ni siya sti, ni siya jyaꞌan, ni siya sñiꞌ; chaꞌ kwiñi nchkwiꞌ neꞌ kanꞌ bra nu nchkwiꞌ neꞌ chaꞌ wa msñi neꞌ chaꞌ ꞌin Jesucristo, loꞌo ja ñaꞌansiin neꞌ ꞌin taꞌa neꞌ; suꞌwe la ngiꞌni xka ta nten nu ja nnan ꞌa chaꞌ ꞌin Jesucristo.

SAN MATEO 7:15

’Xka chaꞌ ni: Chaꞌ tiya ti tiꞌ wan kuꞌni wan loꞌo nten nu kwiñi, nu nchkwiꞌ chaꞌ chabiyaꞌ ꞌin Ndiose nduꞌu neꞌ ꞌwan, nchkwiꞌ neꞌ. Ska ꞌni suꞌwe lka slyaꞌ, ja tlá iꞌ; loꞌo neꞌ kwiñi kanꞌ, nchka tiꞌ neꞌ kwiñi lyoꞌo neꞌ ꞌwan chaꞌ nten suꞌwe lka neꞌ, chaꞌ lka neꞌ ñaꞌan tiꞌ slyaꞌ. Suꞌwe ꞌa ngiꞌni neꞌ loꞌo wan, loꞌo nde niꞌ kasiya ꞌin neꞌ kanꞌ, xaꞌan ꞌa neꞌ. Kwiñi ꞌa neꞌ kanꞌ. Ja lka neꞌ kanꞌ ñaꞌan tiꞌ slyaꞌ; ñaꞌan tiꞌ nguoꞌo nu tlá ꞌa, ngwañaꞌan lka neꞌ kanꞌ.

TITO 3:10

Ska tukwa yaꞌ chkwiiꞌ loꞌo neꞌ taꞌa wan nu nchka tiꞌ xisuun ꞌwan, chaꞌ ja suꞌwe taꞌa wan ꞌwan, nu ndiꞌin chaꞌ ꞌwan loꞌo Jesucristo. Si ja kunan neꞌ kanꞌ, bra kanꞌ kulaa yaꞌ wan ꞌin neꞌ kanꞌ.

2 TIMOTEO 2:16

Ja kunaan ꞌaa chaꞌ kuxi nu nchkwiꞌ neꞌ kwiñi kanꞌ, chaꞌ tijyuꞌ ꞌa nduun neꞌ kanꞌ ꞌin Ndiose; ja ndaꞌan ꞌa neꞌ kanꞌ tuwiin ꞌin Ni.

2 TIMOTEO 2:23

Ja xkween ꞌa chaꞌ ꞌin nten nu ja jlyo tiꞌ siyaꞌ ti sa ñaꞌan lka ska chaꞌ nu ñi; ja ska chaꞌ jlyo tiꞌ neꞌ kanꞌ; nan nchka tiꞌ neꞌ xuun neꞌ loꞌoan chaꞌ ꞌin ska chaꞌ laja ti ꞌin neꞌ.

1 TIMOTEO 6:5

Lye ꞌa nchkwiꞌ neꞌ kanꞌ, chunꞌ ja msñi suꞌwe neꞌ chaꞌ nu ñi ꞌin Ndiose, kwiꞌ ngwañaꞌan ja suꞌwe ndaꞌan chaꞌ tiye neꞌ kanꞌ; chaꞌ kwiñi ti ngiꞌni tnun neꞌ kanꞌ ꞌin Ndiose chaꞌ kaja tñi ꞌin neꞌ, nka tiye neꞌ. Ja tyaꞌaan suꞌwaan loꞌo neꞌ kanꞌ.

EFESIOS 4:14

Bra kanꞌ ja kuꞌnian sa ñaꞌan nu ngiꞌni nu xuwe ti nu taꞌa ti nxaꞌan tñan ꞌin, bra nu ndiꞌin jya neꞌ; ja taan chabiyaꞌ chaꞌ tsaa loꞌo neꞌ ꞌñaan xka tuwiin, bra nu chkwiꞌ neꞌ loꞌoan ska chaꞌ nu ja ya kunaan. Nsuꞌwi ꞌa chaꞌ kwiñi nu nchkwiꞌ nten loꞌoan, kwiꞌ nten nu nchka ꞌa nchkwiꞌ, nten nu nchka ꞌa tiꞌ chaꞌ tsaa loꞌo ꞌñaan tuwiin kuxi.

2 TESALONICENSES 3:6

ꞌWan taꞌa msñian chaꞌ ꞌin Jesús, xiyaꞌ kulo ba tñan ꞌwan chabiyaꞌ ꞌin Jesucristo nu nka Xꞌnaan: Ja tyaꞌan wan suꞌwa ti loꞌo xka ta taꞌa msñian chaꞌ kanꞌ nu ja xlyaa kuꞌni tñan, ti kwiꞌ neꞌ taꞌa wan nu ja xlyaa xñi chaꞌ nu ykwiꞌ ba loꞌo wan.

2 TESALONICENSES 3:14

Nten nu ja xlyaa kunan nchga chaꞌ nu ndaꞌan ba lo kityi re ni, kiꞌya wan kwenta ti ka nu lka neꞌ kanꞌ; bra kanꞌ ja tyaꞌan wan suꞌwa ti loꞌo neꞌ kanꞌ, chaꞌ ngwañaꞌan ka jyuꞌu tiꞌ neꞌ.

1 TIMOTEO 4:7

Ja kunaan kwentu nu ja nchkwiꞌ ñi chaꞌ ꞌin Ndiose, chaꞌ kuxi ꞌa chaꞌ kanꞌ. Suꞌwe la si tyaꞌan tiiꞌ kuꞌnii xkwiꞌ tñan nu ndiya la tiꞌ Ndiose.

1 TIMOTEO 4:8

Suꞌwe ꞌa si tyoꞌo taꞌaan chinꞌ chaꞌ xñaan tyukwin kiyaanꞌ, suꞌwe si kuꞌnian chinꞌ tñan chaꞌ xñaan chinꞌ tyukwin yaanꞌ; loꞌo suꞌwe la si tyaꞌan tiꞌ niꞌ kasiya ꞌñaan chaꞌ kunaan chaꞌ nu nchkwiꞌ Ndiose nchga bra. Suꞌwe ti tyiꞌian lo chalyuu re, si kuꞌnian nchga tñan nu nchka tiꞌ Xꞌnaan chaꞌ kuꞌnian; ti kwiꞌ ti chaꞌ, suꞌwe ti tyiꞌian seꞌen ndiꞌin Ndiose, si kuꞌnian sa ñaꞌan tñan nu nchka tiꞌ Ni chaꞌ kuꞌnian.