2 CORINTIOS 8:11 - Chatino Zona Alta Occidental

¹¹ Kanꞌ chaꞌ ni, kuꞌni ji wan tñan kanꞌ, sa yaꞌ nu tyii ran siyaꞌ ti. Suꞌwe ꞌa ngwa tiye wan bra nu mdyisnan wan tñan kanꞌ, kwiꞌ ngwañaꞌan suꞌwe ꞌa si tyukwi ti tiye wan kuꞌni ji wan ꞌin ran, sa ñaꞌan chaꞌ suꞌwe nu nsuꞌwi ꞌin skaa wan ta wan lomstan kanꞌ.

2 CORINTIOS 8:11 Referans Kwoze

2 CORINTIOS 9:2

chaꞌ wa jlyo tiǎnꞌ chaꞌ suꞌwe ti nka tiye wan ñaꞌan wan ꞌin neꞌ. Taꞌa ti nchkwiǐnꞌ loꞌo neꞌ Macedonia re, chaꞌ suꞌwe ꞌa ngiꞌni wan, ꞌwan neꞌ Acaya; nchkwiǐnꞌ loꞌo neꞌ re chaꞌ ndla ꞌa tiꞌ wan, chaꞌ ti yijan nan lye ꞌa yꞌni wan tñan chaꞌ xoꞌ tiꞌin wan lomstan kanꞌ. Loꞌo neꞌ Macedonia re, wa ngwa suꞌwe la tiye neꞌ xa wa naꞌan neꞌ chaꞌ ndla ꞌa ngiꞌni wan tñan kanꞌ.

2 CORINTIOS 8:3

Chañi ꞌa chaꞌ nu chkwiǐnꞌ loꞌo wan chaꞌ ꞌin neꞌ kanꞌ: Chunꞌ chaꞌ suꞌwe ti tiye neꞌ kanꞌ, wa mda neꞌ nchga chaꞌ suꞌwe nu wa mjwi ꞌin neꞌ; kwiꞌ loꞌo mdaa neꞌ ti kaꞌan la chaꞌ suꞌwe, ni siya ja tyoꞌo skwa ꞌa nan nu nganun ꞌin neꞌ, mskeꞌ tiꞌ ba.

2 CORINTIOS 8:12

Si chañi chaꞌ suꞌwe nka tiye ska nten ta yu ni siya chinꞌ ti nan nu nsuꞌwi ꞌin yu, suꞌwe ti xñi Ndiose lomstan kanꞌ ꞌin yu, sa kwa ti nu nchka ꞌin yu bra kanꞌ; ja nchka tiꞌ Ni chaꞌ ta yu ska lomstan si ja ska nan nsuꞌwi ꞌin yu.

2 CORINTIOS 8:19

Kwiꞌ ngwañaꞌan, nten ꞌin Krixtu nu ndyoꞌ tiꞌin nchga kichen wa ngulo suwi neꞌ ꞌin yu taꞌaan kanꞌ, chaꞌ tyaꞌan yu loꞌo ba, chaꞌ tayaꞌ yu ꞌwa bra nu ngiꞌni ba tñan chaꞌ xoꞌ tiꞌin ba lomstan nu nda neꞌ. Ngiꞌni ba tñan kanꞌ chaꞌ ꞌin Xꞌnaan, chaꞌ ngwañaꞌan ka kuꞌni tnun ba ꞌin Ni; kwiꞌ ngwañaꞌan, nxkeꞌ tiꞌ ba chaꞌ bra ti kuꞌni wan tñan kanꞌ, chunꞌ ndiya tiꞌ wan ngiꞌni wan ngwañaꞌan.