2 CORINTIOS 5:8 - Chatino Zona Alta Occidental

⁸ Chaꞌ nu ngula tiꞌ niꞌ kasiya ꞌñaan, kanꞌ chaꞌ nchka ꞌa tianꞌ kulaa tiꞌian chalyuu re seꞌen ndijian nu tiꞌí, chaꞌ tsaan tyiꞌian nde seꞌen ndiꞌin ykwiꞌ Xꞌnaan;

2 CORINTIOS 5:8 Referans Kwoze

2 CORINTIOS 5:6

Kanꞌ chaꞌ nchka ngula la tiꞌ niꞌ kasiya ꞌñaan, chaꞌ xꞌni tyiꞌin taan chaꞌ kuꞌni Ni ngwañaꞌan. Xa nu ti luꞌuan lo chalyuu re, jlyo tianꞌ chaꞌ tijyuꞌ ꞌa naꞌan tyian nde seꞌen ndiꞌin ykwiꞌ Xꞌnaan, chaꞌ ti ji kalaan nde kwa.

1 SAN JUAN 3:2

ꞌWan neꞌ taꞌaan nu ndiya ꞌa tiǎnꞌ ꞌwan, wa lkaan sñiꞌ Ndiose ni, ni siya ja ya ka biyaꞌ tianꞌ sa ñaꞌan ka suꞌwe la chaꞌ ꞌñaan, bra nu tyiꞌian loꞌo Ndiose nde loo la. Sa ñaꞌan lka ykwiꞌ Jesucristo, kwiꞌ ngwañaꞌan kaan bra nu kwaꞌu tloo Jesucristo ꞌñaan xa wa mdyii chalyuu re; bra kanꞌ ka ñaꞌaan ꞌin Jesucristo sa ñaꞌan nu lka ykwiꞌ Ni. Sa kanꞌ ti chaꞌ nchka biyaꞌ tianꞌ ni.

SAN JUAN 14:3

Tsaꞌaǎn chaꞌ kuꞌniǐn xuꞌweěn seꞌen tyiꞌin wan, kanꞌ kaǎn lo chalyuu xiyaꞌ, tyaǎn tiꞌiǐn ꞌwan chaꞌ tyiꞌin wan loꞌoǔn.

2 CORINTIOS 5:9

loꞌo lye ꞌa ngiꞌnian nchga tñan nu nchka tiꞌ Xꞌnaan chaꞌ ka lo chalyuu, ni siya ti luꞌuan, ni siya wa ngujwian.

EL APOCALIPSIS 22:3

Lo kichen kanꞌ, ja ndiꞌin ꞌa nan nu ndiꞌin yuweꞌ ꞌin siyaꞌ ti. Nde kichen kanꞌ suꞌwa ti ka Ndiose ndloo loꞌo nu lka ñaꞌan tiꞌ slyaꞌ kanꞌ bra kanꞌ; nde kwa ndukwa Ni lo yka xlya tnun ꞌin Ni, loꞌo nchga nten nu ngiꞌni tñan ꞌin Ni, kuꞌni tnun neꞌ ꞌin Ni bra kanꞌ.

LOS HECHOS 21:13

―¿Ni chaꞌ lye ꞌa nganan wan a? ―ndukwin Palyu ꞌwa bra kanꞌ―. ¿Ni chaꞌ ngiꞌni wan chaꞌ ka xiꞌin tiǎnꞌ a? ―ndukwin―. Wa nka chaꞌ tsaꞌaǎn Jerusalén; nka tiyeěn tsaꞌaǎn, ni siya skanꞌ neꞌ ꞌñaǎn, ni siya kujwi neꞌ ꞌñaǎn nde kwa chunꞌ nchkwiǐnꞌ chaꞌ ꞌin Jesucristo nu nka Xꞌnaan.

SAN JUAN 17:24

’Stiǐn ―ndukwin Jesús ꞌin Ndiose Sti yu―, nchka tiǎnꞌ chaꞌ tyiꞌin nten nu mdaa ꞌñaǎn nde seꞌen tyiꞌiǐn loꞌoo. Bra kanꞌ ñaꞌan neꞌ kanꞌ ꞌñaǎn chaꞌ ndukwaǎn seꞌen tlyu la ti, seꞌen nu mdaa ꞌñaǎn chaꞌ tyukwaǎn, chaꞌ ndiya ꞌa tiiꞌ ꞌñaǎn ti bra nu ti ji tyisnan chalyuu.

SAN LUCAS 2:29

Ndiose Xꞌnan ba, wa ndaa chabiyaꞌ chaꞌ kajaǎn suꞌwe ti, ndukwin yu ꞌin Ndiose. Wa mdyii yꞌniǐn tñan nu ndukwiin chaꞌ ka ꞌñaǎn, chaꞌ ngiꞌniǐn tñan ꞌiin, ndukwin yu kula kanꞌ.

SAN MATEO 25:23

“Suꞌwe ꞌa tñan nu yꞌnii” ndukwin xꞌnan msu kanꞌ ꞌin. “Ska tñan xuwe ti mdaǎn ꞌiin nu ngwa xkanꞌ; nu ka nde loo la taǎn xka tñan nu tlyu la chaꞌ kuꞌnii. Suꞌwa ti tyiꞌiin seꞌen ndiꞌiǐn, chaꞌ suꞌwa ti ka suꞌwe tiyee loꞌoǔn” ndukwin xꞌnan yu ꞌin yu bra kanꞌ.

SAN MATEO 25:21

“Suꞌwe ꞌa tñan nu yꞌnii” ndukwin xꞌnan msu kanꞌ ꞌin yu. “Ska msu suꞌwe lkaa, chaꞌ suꞌwe ꞌa ndukwaa chaꞌ ꞌñaǎn. Ska tñan xuwe ti mdaǎn ꞌiin nu ngwa xkanꞌ; nu ka nde loo la taǎn xka tñan nu tlyu la chaꞌ kuꞌnii. Suꞌwa ti tyiꞌiin seꞌen ndiꞌiǐn, chaꞌ suꞌwa ti ka suꞌwe tiyee loꞌoǔn” ndukwin xꞌnan msu kanꞌ ꞌin bra kanꞌ.

SAN JUAN 12:26

Bra nu nchka tiꞌ ska nten kuꞌni tñan ꞌñaǎn ―ndukwin Jesús bra kanꞌ―, ndiꞌin chaꞌ tsaa yu la nde yaꞌ nu nchka tiǎnꞌ chaꞌ tsaa yu. Chunꞌ ndiꞌin la ka tyiꞌin yu kanꞌ la seꞌen ndiꞌiǐn bra kanꞌ, chaꞌ lka yu ñaꞌan tiꞌ msu ꞌñaǎn. Loꞌo Stiǐn kuꞌni tnun Ni ꞌin yu kanꞌ, chunꞌ nxlyaa yu kuꞌni yu tñan ꞌñaǎn bra kanꞌ.