2 CORINTIOS 4:11 - Chatino Zona Alta Occidental

¹¹ Nchga bra nu ndiꞌin ba lo chalyuu ndiꞌin ꞌa chaꞌ kuxi nu ka kujwi ꞌwa, chaꞌ kaꞌan ꞌa chaꞌ tukwi ndyukwa ba nchga seꞌen ndaꞌan ba lo tñan ꞌin Jesús. Ngwañaꞌan ka ñaꞌan nten chaꞌ ti ndiꞌin Jesús loꞌo ba; kanꞌ chaꞌ ti nsuꞌwi ba chalyuu, ni siya tiꞌí ti ñaꞌan ndaꞌan ba.

2 CORINTIOS 4:11 Referans Kwoze

1 CORINTIOS 15:49

Bra nu ndiꞌian lo chalyuu, chinꞌ ti bra taloan tyukwi ñaꞌaan; chunꞌ ndiꞌin la bra nu tsaan tyiꞌian seꞌen ndiꞌin Ndiose, xka ñaꞌan kaan bra kanꞌ. Sa ñaꞌan nu lka ykwiꞌ Krixtu, ngwañaꞌan kaan bra kanꞌ.

ROMANOS 8:36

Nde ndiya ska chaꞌ nu ndukwa lo kityi ꞌin Ndiose: Chunꞌ nu ytean chaꞌ ꞌin Ndiose, nchga bra ndujwi neꞌ ꞌñaan. Ngiꞌni neꞌ loꞌoan sa ñaꞌan si lkaan slyaꞌ, ti kwiꞌ slyaꞌ nu ndaꞌan loꞌo nten ꞌin iꞌ seꞌen ndiꞌin nu ndujwi ꞌin iꞌ.

2 CORINTIOS 5:4

Nchka ndaja ꞌa tianꞌ seꞌen ndiꞌian lo chalyuu, chaꞌ ndijiin ꞌaan nu tiꞌí. Siꞌi chaꞌ nchka tianꞌ kajaan bra ti, ni siya nchka la tianꞌ chaꞌ ka tiji tyukwi ñaꞌaan; kanꞌ lka tñan nu kuꞌni Ndiose bra nu kalaan nde seꞌen ndiꞌin ykwiꞌ Ni. Tyii chaꞌ kuxi ꞌñaan bra kanꞌ, tsaa tii ñaꞌaan kunaanꞌ nu ndiꞌin chaꞌ kaja, chaꞌ bra kanꞌ ka tyija lyo xka chalyuu nu suꞌwe la ꞌñaan, nu ja tsaa tii ꞌa siyaꞌ ti.

1 CORINTIOS 15:31

Loꞌoǔn, nchga tsan wa kajaǎn tiǎn lo tñan ꞌin Krixtu; ja taloǔn ꞌaǎn kuꞌniǐn tñan kanꞌ si ja ndyuꞌu Jesús xiyaꞌ. Loꞌo ni, suꞌwe ꞌa nka tiyeěn chaꞌ msñi wan chaꞌ ꞌin Xꞌnaan Jesucristo, tyun ꞌa ꞌwan neꞌ Corinto.

ROMANOS 8:11

Ti kwiꞌ Tyiꞌi Ndiose lka nu ngulo ꞌin ayman Jesús nde seꞌen ysu yu mtsiꞌ yu, loꞌo yꞌni Ni chaꞌ ndyuꞌu yu xiyaꞌ bra kanꞌ. Kwiꞌ ngwañaꞌan, wa mda Ndiose Tyiꞌi ykwiꞌ Ni chaꞌ kanun niꞌ kasiya ꞌwan, chaꞌ bra nu kaja wan, kanꞌ kuꞌni Ni chaꞌ tyuꞌu wan xiyaꞌ chabiyaꞌ ꞌin Tyiꞌi Ndiose.

2 CORINTIOS 4:10

Nchga seꞌen ndaꞌan ba lo chalyuu, taꞌa ti ndijin ba nu tiꞌí; nsuꞌwi ꞌa nu tiꞌí nu ngiꞌni nten loꞌo ba, sa ñaꞌan nu tiꞌí nu mdijin Krixtu xa nu yan yu lo chalyuu, bra nu yjwi nten ꞌin yu. Kanꞌ chaꞌ ni, ka jlyo tiꞌ xka la nten chaꞌ ti luꞌu ykwiꞌ Krixtu, xa nu ñaꞌan neꞌ ꞌwa chaꞌ ti luꞌu ba.

2 CORINTIOS 4:12

Nde ñaꞌan ndiꞌin ba lo chalyuu, ñaꞌan tiꞌ si wa tyii ti chaꞌ ꞌwa tyukwi ñaꞌaan ba siꞌya nu tiꞌí nu ndyukwa ba; loꞌo ꞌwan ni, wa mjwi chalyuu nu ja tsaa tii ꞌa siyaꞌ ti ꞌwan chunꞌ tñan nu ngiꞌni bare.

2 CORINTIOS 6:9

Ndiya bra ngiꞌni neꞌ chaꞌ nsuꞌwi lyo neꞌ ꞌwa; xka bra ngiꞌni neꞌ chaꞌ ja siyaꞌ nsuꞌwi lyo neꞌ ꞌwa. Ndiya bra ndaꞌan ba seꞌen kuxi, seꞌen nu wa kaja ti ba, loꞌo ti luꞌu ba; lye ꞌa nda neꞌ nu tiꞌí ꞌwa, loꞌo ja nchka kujwi neꞌ ꞌwa.