2 CORINTIOS 12:16 - Chatino Zona Alta Occidental

¹⁶ Ja kaꞌan ꞌa tñi ngwiji wan loǔn bra kanꞌ, loꞌo ti nsuꞌwi chinꞌ neꞌ taꞌa wan nu nchkwiꞌ chaꞌ wa mñi lyoꞌoǔn ꞌwan chaꞌ kuꞌniǐn kanan ꞌwan.

2 CORINTIOS 12:16 Referans Kwoze

1 TESALONICENSES 2:5

Ja yꞌni ba suꞌwe ꞌa loꞌo wan chaꞌ kuꞌni ba kanan ꞌwan; kwiꞌ ngwañaꞌan, ja ykwiꞌ ba chaꞌ suꞌwe loꞌo wan chaꞌ kaja chaꞌ suꞌwe nu nsuꞌwi ꞌwan ꞌwa. Ja ngwa ngwañaꞌan. Jlyo tiꞌ Ndiose chaꞌ xkwiꞌ chaꞌ nu ñi ykwiꞌ ba; kwiꞌ ngwañaꞌan ꞌwan, wa ynan wan chaꞌ kanꞌ.

1 TESALONICENSES 2:3

Siꞌi chaꞌ kwiñi ngwaꞌu ba ꞌwan bra kanꞌ, siꞌi chaꞌ kuxi nka tiye ba ñaꞌan ba ꞌwan, ni siꞌi chaꞌ mñi lyoꞌo ba ꞌwan.

2 CORINTIOS 12:13

Sa kanꞌ ti chaꞌ, ja mjñaǎn ꞌwan chaꞌ tayaꞌ wan ꞌñaǎn, kanꞌ chaꞌ nxkeꞌ tiꞌ wan chaꞌ chen nka tiyeěn ñaꞌaǎn ꞌwan; suꞌwe la ngiꞌniǐn loꞌo neꞌ xka kichen, nxkeꞌ tiꞌ wan. ¡Kuꞌni wan chinꞌ chaꞌ tlyu tiꞌ ꞌñaǎn, chaꞌ ja njñaǎn chaꞌ kanꞌ ꞌwan sikwa!

2 CORINTIOS 7:2

¡Kuꞌni xuꞌwe tiye wan ñaꞌan wan ꞌwa sikwa! Ja ska chaꞌ kuxi yꞌni ba loꞌo wan, ja yꞌni ñuꞌun ba chalyuu ꞌin ska wan siyaꞌ ti; ni ska yu taꞌa wan, ja siyaꞌ mñi lyoꞌo ba ꞌwan.

2 CORINTIOS 4:2

Wa ngulaa yaꞌ ba nchga chaꞌ kuxi nu ngiꞌni nten mnan ti, ya ñaꞌan ti chaꞌ nu njyuꞌu ꞌa tiꞌ nten kuꞌni neꞌ. Ja nñilyoꞌo ba ꞌin nten, kwiꞌ ngwañaꞌan ja nxaꞌan ba chaꞌ ꞌin Ndiose loꞌo xka la chaꞌ, bra nu nchkwiꞌ ba chaꞌ kanꞌ loꞌo nten; suꞌwe ti nduꞌu ba nchga chaꞌ nu ꞌin Jesús ꞌin neꞌ. Loꞌo chañi ꞌa chaꞌ kanꞌ, chaꞌ ngwañaꞌan ka biyaꞌ tiꞌ nchga nten chaꞌ tyukwi ti tiye ba ngiꞌni ba tñan ꞌin Ni, sa ñaꞌan lka si nduun ba tloo ykwiꞌ Ndiose.

2 CORINTIOS 1:12

Suꞌwe ꞌa nka tiye ba chaꞌ tyukwi ti tiye ba ndiꞌin chaꞌ ꞌwa loꞌo wan, nchkwiꞌ ba xkwiꞌ chaꞌ nu ñi loꞌo wan, ti kwiꞌ sa ñaꞌan nu ngiꞌni ba loꞌo xka ta nten; ngwañaꞌan nka tiye ba. Nchka ꞌwa ngiꞌni ba ngwañaꞌan loꞌo wan chunꞌ lye ꞌa nchka tꞌnan tiꞌ Ndiose ꞌñaan xuꞌwe ti; loꞌo ja ngiꞌni ba ngwañaꞌan chunꞌ chaꞌ nu ngwiꞌya ke ti ba ti ykwiꞌ ti ba.

1 SAN PEDRO 2:3

Wa yiꞌo biyaꞌ wan chinꞌ styiꞌ kanꞌ, kanꞌ chaꞌ nchka biyaꞌ tiꞌ wan chaꞌ suꞌwe ꞌa nka tiye Xꞌnaan ñaꞌan Ni ꞌñaan.

2 CORINTIOS 6:8

Ndiya bra nu ngiꞌni tnun nten ꞌwa; xka bra, nchkwiꞌ neꞌ chaꞌ tiꞌí ꞌwa. Nchkwiꞌ neꞌ chaꞌ suꞌwe ꞌwa, kwiꞌ ngwañaꞌan nchkwiꞌ neꞌ chaꞌ kuxi ꞌwa. Ndiya bra nchkwiꞌ neꞌ chaꞌ kwiñi ꞌa ba; xka bra, nchkwiꞌ neꞌ chaꞌ chañi ꞌa chaꞌ nu nchkwiꞌ ba.

2 CORINTIOS 11:20

¡Ndalo ꞌa wan ꞌin nchga yu kanꞌ nu ngiꞌni chaꞌ kuxi, ni siya lye ꞌa ndlo neꞌ tñan ꞌwan, ni siya ngiꞌni neꞌ kanan ꞌwan, ni siya ndatsaa ꞌa neꞌ ꞌwan chaꞌ kuꞌni wan chaꞌ kuxi, ni siya lye ꞌa ngiꞌni siyeꞌ neꞌ loꞌo wan, ni siya taꞌa ti nykwanꞌ neꞌ tloo wan; ndalo ꞌa wan ꞌin neꞌ kanꞌ!