2 CORINTIOS 11:6 - Chatino Zona Alta Occidental

⁶ Ni siya ja nchka ꞌñaǎn chkwiǐnꞌ ñi loꞌo nten, nxkeꞌ tiꞌ wan, wa mdyii yꞌniin xaꞌaǎn suꞌwe chaꞌ ꞌin Jesús kanꞌ; kwiꞌ ngwañaꞌan, wa jlyo tiꞌ wan chaꞌ chañi ꞌa chaꞌ nu nchkwiǐnꞌ re, chaꞌ tyun yaꞌ wa naꞌan wan ꞌñaǎn, nchga tñan nu wa yꞌniǐn.

2 CORINTIOS 11:6 Referans Kwoze

EFESIOS 3:4

Bra nu chkwiꞌ wan lo kityi re, bra kanꞌ ka biyaꞌ tiꞌ wan chaꞌ nu nchkwiǐnꞌ loꞌo wan chaꞌ ꞌin tñan nu nchka tiꞌ Krixtu kuꞌni lo chalyuu.

2 CORINTIOS 4:2

Wa ngulaa yaꞌ ba nchga chaꞌ kuxi nu ngiꞌni nten mnan ti, ya ñaꞌan ti chaꞌ nu njyuꞌu ꞌa tiꞌ nten kuꞌni neꞌ. Ja nñilyoꞌo ba ꞌin nten, kwiꞌ ngwañaꞌan ja nxaꞌan ba chaꞌ ꞌin Ndiose loꞌo xka la chaꞌ, bra nu nchkwiꞌ ba chaꞌ kanꞌ loꞌo nten; suꞌwe ti nduꞌu ba nchga chaꞌ nu ꞌin Jesús ꞌin neꞌ. Loꞌo chañi ꞌa chaꞌ kanꞌ, chaꞌ ngwañaꞌan ka biyaꞌ tiꞌ nchga nten chaꞌ tyukwi ti tiye ba ngiꞌni ba tñan ꞌin Ni, sa ñaꞌan lka si nduun ba tloo ykwiꞌ Ndiose.

1 CORINTIOS 1:17

Siꞌi chaꞌ tukwatyaǎn ꞌin nten ngulo Krixtu tñan ꞌñaǎn ndijyaǎn lo chalyuu, wa ngulo Ni tñan ꞌñaǎn chaꞌ tsaꞌaǎn chkwiǐnꞌ chaꞌ suꞌwe nu ykwiꞌ Jesús loꞌo nten. Ja ndijyaǎn loꞌo kaꞌan ꞌa chaꞌ nu ngulo keěn tiǎn, sa ñaꞌan nu nchkwiꞌ nten chalyuu nu nchka ꞌa nchkwiꞌ; si ngwañaꞌan, ja ka biyaꞌ tiꞌ nten nchga chaꞌ tnun nu yꞌni Krixtu chaꞌ ngujwi Ni lo wsi.

1 CORINTIOS 1:21

Yꞌni Ndiose chaꞌ ja ka xuꞌwi lyo nten chalyuu ꞌin Ni chaꞌ ke ti neꞌ, loꞌo jlyo ꞌa tiꞌ Ndiose. Loꞌo ni, ndlaa Ni ꞌin nten nu sten chaꞌ ꞌin Ni, ti kwiꞌ chaꞌ nu ngitsaꞌ ba ꞌin neꞌ, ni siya chaꞌ tintu nchkwiꞌ ba, ndukwin nten bra kanꞌ.

2 CORINTIOS 12:12

Wa mdaloǔn nchga chaꞌ kuxi nu ngwa ꞌñaǎn, chunꞌ ngiꞌniǐn tñan nu wa mda Xꞌnaan ꞌñaǎn, chaꞌ nduǔn nchkwiǐnꞌ chaꞌ ꞌin Ni loꞌo wan. Wa jlyo tiꞌ wan chaꞌ Ndiose lka nu mda tñan re ꞌñaǎn, xa wa naꞌan wan chaꞌ tnun nu wa yꞌni Ni nde seꞌen ndiꞌin wan laja nu mdiꞌiǐn loꞌo wan, chaꞌ ngwañaꞌan kuwe la tiꞌ wan ꞌin Ni. Ja nchka kuꞌni nten chalyuu tñan kanꞌ ngwañaꞌan ti.

2 CORINTIOS 10:10

Ndiya nu nchkwiꞌ loꞌo wan: Tnun ꞌa chaꞌ nchkwiꞌ Palyu kwa, tlá ꞌa yu ꞌñaan, xa nu ndiꞌin yu tijyuꞌ. Nchkwiꞌ yu chaꞌ ti ndijyan yu nde seꞌen ndiꞌian, ndukwin neꞌ ꞌwan, loꞌo ja nchka ꞌin yu kulo suꞌwe yu tñan ꞌñaan xa nu ndiꞌin yu loꞌoan; ja nnaan siyaꞌ ti chaꞌ nu nchkwiꞌ yu, ndukwin neꞌ kanꞌ bra kanꞌ.

2 CORINTIOS 5:11

Chunꞌ nduwe ꞌa tiꞌ ba chaꞌ ñaꞌan Ndiose ꞌwa, kanꞌ chaꞌ nchkwiꞌ ꞌa ba chaꞌ ꞌin Jesús loꞌo xka ta nten. Suꞌwe ꞌa nsuꞌwi lyo Ndiose ꞌwa, sa ñaꞌan ngiꞌni skaa ba. Kwiꞌ ngwañaꞌan ꞌwan, nchka tiꞌ ba chaꞌ suꞌwe ꞌa xuꞌwi lyo wan ꞌwa;

1 CORINTIOS 2:13

Bra nu kwaꞌuan chaꞌ suꞌwe ꞌin Ndiose kanꞌ ꞌin nchga nten ꞌin Ndiose, nten nu nsuꞌwi Tyiꞌi Ndiose niꞌ kasiya ꞌin, bra kanꞌ jñaan ska chaꞌ nu chkwianꞌ nu katsaꞌ Tyiꞌi Ndiose ꞌñaan; ja ndiꞌin chaꞌ tsaa naan kaꞌan ꞌa chaꞌ nu chkwianꞌ, sa ñaꞌan nu ngiꞌni nten nu nchka ꞌa nchkwiꞌ, ti ykwiꞌ ti.

2 CORINTIOS 7:2

¡Kuꞌni xuꞌwe tiye wan ñaꞌan wan ꞌwa sikwa! Ja ska chaꞌ kuxi yꞌni ba loꞌo wan, ja yꞌni ñuꞌun ba chalyuu ꞌin ska wan siyaꞌ ti; ni ska yu taꞌa wan, ja siyaꞌ mñi lyoꞌo ba ꞌwan.

1 CORINTIOS 12:8

Nde lka tñan nu ka kuꞌnian chabiyaꞌ ꞌin Tyiꞌi Ndiose: ndiya neꞌ taꞌaan nu ntsaꞌ ñi sa ñaꞌan nu ngwa ꞌin Jesús; loꞌo ndiya neꞌ taꞌaan nu suꞌwe ꞌa nduꞌu tuwiin chaꞌ xñian chaꞌ ꞌin Ndiose;

2 CORINTIOS 6:6

Loꞌo ka biyaꞌ tiꞌ nten chaꞌ tñan ꞌin Ndiose lka nu ndaꞌan ba xa nu ñaꞌan neꞌ: chaꞌ wa ngwa luwi kasiya ꞌwa chunꞌ tñan nu yꞌni Jesús, chaꞌ nu chañi ꞌa nchka biyaꞌ tiꞌ ba chaꞌ ꞌin Ndiose, chaꞌ ndalo ꞌa ba ꞌin nten, chaꞌ nganun Tyiꞌi Ndiose niꞌ kasiya ꞌwa, chaꞌ chañi chaꞌ suꞌwe ꞌa nka tiye ba ñaꞌan ba ꞌin taꞌa nten ba,