1 TIMOTEO 6:17 - Chatino Zona Alta Occidental

¹⁷ Ndiꞌin chaꞌ kuloo tñan ꞌin nu kuliyaꞌ taꞌa msñi wan chaꞌ ꞌin Jesús, chaꞌ ja kuꞌni siyeꞌ neꞌ loꞌo taꞌa nten neꞌ. Ja suꞌwe si xkwiꞌ chaꞌ ꞌin tñi tyaꞌan ꞌa chaꞌ tiye neꞌ; ti kwiꞌ ti chaꞌ ja nꞌni chaꞌ tyaꞌan ꞌa chaꞌ tiye neꞌ chaꞌ ꞌin nchga chaꞌ suꞌwe nu nsuꞌwi ꞌin neꞌ, chaꞌ bra ti tyii tñi ꞌñaan. Suꞌwe la si ska ti ꞌin Ndiose nu luꞌu kuwe tiꞌ neꞌ; kanꞌ lka nu wa nda nchga loo nan nu nsuꞌwi ꞌñaan chaꞌ kunanjoꞌo ꞌñaan lo chalyuu.

1 TIMOTEO 6:17 Referans Kwoze

LOS HECHOS 14:17

Kwiꞌ ngwañaꞌan, nda Ndiose nchga chaꞌ suꞌwe nu ndyiji ꞌñaan; nda Ni tyoo kiꞌya chaꞌ kulu suꞌwe nchga nan nu ytaan, chaꞌ ndyiji nan suꞌwe kuan, chaꞌ suꞌwe ꞌa ka tiyean bra kanꞌ. Ngwañaꞌan lka nchga chaꞌ nu nduꞌu Ndiose ꞌñaan chaꞌ ka biyaꞌ tianꞌ ti ka nu lka ykwiꞌ Ni.

1 TIMOTEO 4:10

Ndyaa ñaꞌan tianꞌ ꞌin Ndiose nu luꞌu; kanꞌ chaꞌ lye ꞌa kuꞌnian tñan ꞌin Ni, ni siya tiꞌí ꞌa tiꞌ nten ꞌñaan. Loꞌo Ndiose ni, kulaa Ni ꞌin nchga nten nu kunan chaꞌ ꞌin Ni. Bra nu xñian chaꞌ ꞌin Ni, bra kanꞌ ka biyaꞌ suꞌwe la tianꞌ chaꞌ kanꞌ.

SAN MATEO 19:23

Loꞌo ykwiꞌ Jesús chaꞌ re loꞌo neꞌ nu ngiꞌni xaꞌan chaꞌ ꞌin yu bra kanꞌ: ―Chañi chaꞌ nu nchkwiǐnꞌ loꞌo wan ni ―ndukwin―, tukwi ꞌa lka chaꞌ, chaꞌ sten ska neꞌ kuliyaꞌ chaꞌ ꞌin Ndiose, chaꞌ ka Ni ndloo la niꞌ kasiya ꞌin yu.

TITO 2:12

kwiꞌ ngwañaꞌan, wa ngwaꞌu Ni ꞌñaan sa ñaꞌan ka tyiꞌiin suꞌwean lo chalyuu. Nchka tiꞌ Ni chaꞌ kulaa yaanꞌ nchga chaꞌ nu ja suꞌwe, nchga chaꞌ kuxi nu ndiya tianꞌ kuꞌnian, chaꞌ lkaan nten chalyuu, chaꞌ suꞌwe ti kuꞌnian loꞌo taꞌa ntean. Bra kanꞌ ka kuꞌniin tnuan ꞌin Ndiose suꞌwe ti.

COLOSENSES 3:16

Ndiꞌin chaꞌ kanun tyukwi chaꞌ ꞌin Krixtu niꞌ kasiya ꞌwan. Suꞌwe ꞌa ndyoꞌo chaꞌ kanꞌ, kanꞌ chaꞌ suꞌwe ti kwaꞌu wan chaꞌ kanꞌ ꞌin taꞌa wan sa ñaꞌan yaꞌ nu kunan suꞌwe nchga nten. Kwiꞌ ngwañaꞌan, kula tuꞌwa wan nchga lo kantu nu nsuꞌwi ꞌin Ndiose, ni siya salmos nu ndukwa lo kityi ti sꞌni, ni siya ya ñaꞌan ti kantu nu kiꞌya ke wan nu chkwiꞌ chaꞌ ꞌin Ndiose; kula tuꞌwa wan kantu chaꞌ kunan Ndiose, chunꞌ suꞌwe ꞌa nka tiye wan ñaꞌan wan ꞌin Ni.

SAN LUCAS 19:2

La kanꞌ ndiꞌin ska yu kuliyaꞌ nu naan Zaqueo, xꞌnan neꞌ nu mjñan kaꞌan tñi ꞌin nten chaꞌ ꞌin neꞌ xka laꞌa tsuꞌ lka yu.

ROMANOS 11:20

Chañi chaꞌ ꞌwan. Loꞌo ni, nde lka chaꞌ. Wa mxkwan Ndiose ꞌin neꞌ judío, chunꞌ nu ja mslyaa neꞌ xñi neꞌ chaꞌ ꞌin Ni; loꞌo ꞌwan, wa mjwi chabiyaꞌ ꞌwan chaꞌ sten wan chaꞌ ꞌin Ndiose, ti kwiꞌ chaꞌ nu yten wan ni, xa wa msñi wan chaꞌ ꞌin Ndiose. Kanꞌ chaꞌ ja ndiꞌin chaꞌ kuꞌni siyeꞌ wan loꞌo neꞌ judío kanꞌ. Kuwe chinꞌ tiꞌ wan sikwa.

2 TIMOTEO 4:10

Wa ngulaa yaꞌ Dema ꞌñaǎn chunꞌ ndiya la tiꞌ yu chaꞌ kuxi nu nsuꞌwi chalyuu, ndyaa yu kichen Tesalónica. Wa msuꞌwaǎn ꞌin Crescente ndyaa yu nde Galacia, kwiꞌ ngwañaꞌan wa msuꞌwaǎn ꞌin Tito ndyaa yu nde Dalmacia;

1 TIMOTEO 6:13

Kuloǔn tñan ꞌiin ni chabiyaꞌ ꞌin Ndiose nu ngiꞌni kuꞌu nchga nan luꞌu nu nsuꞌwi lo chalyuu; kwiꞌ ngwañaꞌan, kuloǔn tñan ꞌiin chabiyaꞌ ꞌin Jesucristo nu suꞌwe ꞌa mxkwen ꞌin Poncio Pilato bra nu ngwa biyaꞌ ꞌin yu tloo nu nka ndloo kanꞌ. Ja ytsen yu mxkwen yu tñan nu ngiꞌni yu chaꞌ lka yu ska ti nu lka ykwiꞌ Sñiꞌ Ndiose.

1 TIMOTEO 1:3

Xa wa yiꞌaǎn nde Macedonia, bra kanꞌ ykwiǐnꞌ loꞌoo chaꞌ kanuun kichen Efeso; loꞌo xiyaꞌ chkwiǐnꞌ loꞌoo ni, chaꞌ kanuun kichen kwa. Ndiya chinꞌ neꞌ kichen Efeso kwa nu nduꞌu xka loo chaꞌ ꞌin neꞌ taꞌaan; nuꞌwin, ndiꞌin chaꞌ kuloo tñan ꞌin neꞌ kanꞌ, chaꞌ ja kwaꞌu ꞌa neꞌ chaꞌ kanꞌ nu ja suꞌwe nganen.

1 TESALONICENSES 1:9

Ti kwiꞌ neꞌ kanꞌ ytsaꞌ neꞌ ꞌwa sa ñaꞌan ngwa bra nu mdiyan ba seꞌen ndiꞌin wan ti kulo, chaꞌ bra kanꞌ ngulaa yaꞌ wan ꞌin nchga joꞌo nu nsuꞌwi ꞌwan nu ngwa xkanꞌ, chaꞌ kuꞌni wan tñan ꞌin Ndiose nu luꞌu, nu ska ti Ndiose nu chañi nka.

EFESIOS 5:5

Ska chaꞌ nu ñi ꞌa lka re: Nten nu ngwañaꞌan xkwiꞌ chaꞌ kuxi ngiꞌni, ja kaja chabiyaꞌ tyaa neꞌ kanꞌ nde seꞌen ndiꞌin Ndiose loꞌo Krixtu chunꞌ ndiꞌin la, bra nu ka Ni ndloo la; nten nu xkwiꞌ chaꞌ ꞌin nu kunaꞌan ndaꞌan chaꞌ tiye neꞌ, nten nu ngiꞌni chaꞌ chen ñaꞌan, nten nu nxitukwi tiꞌ ska nan, ja kaja chabiyaꞌ tyaa neꞌ kanꞌ nde seꞌen ndiꞌin Ndiose. (Bra nu nxitukwi tianꞌ ska nan ni, sa ñaꞌan si nu ngiꞌni tnuan ꞌin ska joꞌo, ngwañaꞌan nchka tiꞌ chaꞌ kanꞌ.)

LOS HECHOS 17:25

Ja ska chaꞌ lyiji ꞌin Ndiose ykwiꞌ, ja ndiꞌin chaꞌ xñi Ni ska nan nu nda nten chalyuu ꞌin Ni. Nan ngiꞌni kuꞌu Ni ꞌin nchga nten, nda Ni tyiꞌi nu ndyuꞌwi niꞌ kasiya ꞌin skaa nten, nda Ni nchga chaꞌ nu ndiꞌin ꞌin nten chalyuu.

LOS HECHOS 14:27

kanꞌ chaꞌ ngala neꞌ kichen Antioquía xiyaꞌ. Bra kanꞌ ndyoꞌ tiꞌin nchga nten ꞌin Jesucristo seꞌen ndiꞌin neꞌ; ytsaꞌ Palyu loꞌo Bernabé ꞌin taꞌa neꞌ, nchga chaꞌ nu wa yꞌni Ndiose loꞌo neꞌ laja nu yaa neꞌ tijyuꞌ, chaꞌ mda Ndiose chabiyaꞌ sten neꞌ xka laꞌa tsuꞌ chaꞌ ꞌin Jesucristo.

SAN MARCOS 10:24

Nduwe ꞌa tiꞌ neꞌ nu ngiꞌni xaꞌan chaꞌ ꞌin yu bra kanꞌ, chaꞌ ngwañaꞌan ykwiꞌ yu chaꞌ ꞌin neꞌ kuliyaꞌ. Kanꞌ chaꞌ xiyaꞌ ykwiꞌ Jesús loꞌo neꞌ: ―ꞌWan, yu kuneꞌ ―ndukwin Jesús―, tukwi ꞌa ka chaꞌ ka Ndiose ndloo niꞌ kasiya ꞌin nten, xa nu lye ꞌa ndiya tiꞌ neꞌ nchga chaꞌ suꞌwe nu nsuꞌwi ꞌin neꞌ.

SAN MATEO 27:57

Bra wa msiin la mdiyan ska yu kuliyaꞌ nu naan Se, ska neꞌ kichen Arimatea lka yu. Loꞌo Se kanꞌ yꞌni xaꞌan yu chaꞌ ꞌin Jesús.

SAN MATEO 6:32

Kwiꞌ ngwañaꞌan ndaꞌan ꞌa chaꞌ tiye nten nu ja ndyaa ñaꞌan tiꞌ ꞌin Ndiose. Jlyo tiꞌ Stian Ndiose nu ndiꞌin nde niꞌ kwan chaꞌ lyiji chaꞌ kanꞌ ꞌwan,

TITO 3:6

Suꞌwe ꞌa nda Ndiose Tyiꞌi ykwiꞌ Ni nu kanun niꞌ kasiya ꞌñaan chabiyaꞌ ꞌin Jesucristo nu ndlaa ꞌñaan;

1 TIMOTEO 5:21

Ndloǔn tñan re ꞌiin, Timu, chaꞌ kuꞌnii nchga tñan nu ngwaꞌaǎn lo kityi re; chunꞌ jlyo tiꞌ Ndiose chaꞌ nu ngwaꞌaǎn re, jlyo tiꞌ Jesucristo, jlyo tiꞌ angajle nu ngulo suwi Ni chaꞌ ka tñan ꞌin Ni. Bra nu ndiꞌin chaꞌ kuꞌnii biyaaꞌ ꞌin ska yu taꞌaan ni, kataa chinꞌ chaꞌ ka biyaꞌ suꞌwe tiiꞌ nchga loo chaꞌ ꞌin yu kanꞌ, chaꞌ ska ti biyaꞌ nu ñi tyoꞌo chaꞌ ꞌin yu, ni siya taꞌa suꞌwe ndiꞌian, ni siya xka nten.

SAN MATEO 12:32

Kuꞌni Ndiose chaꞌ tlyu tiꞌ ꞌin nten nu nchkwiꞌ chaꞌ kuxi ꞌñaǎn nu wa msuꞌwa Ndiose ꞌñaǎn ndijyaǎn chaꞌ kaǎn nten; siyaꞌ ti bra nu chkwiꞌ neꞌ chaꞌ kuxi ꞌin tñan nu ngiꞌni Tyiꞌi Ndiose, kanꞌ ja kuꞌni Ndiose chaꞌ tlyu tiꞌ ꞌin neꞌ kanꞌ nchga tsan nu tyiꞌin neꞌ lo chalyuu, nchga bra nde loo la bra kanꞌ.

SAN LUCAS 3:11

Bra kanꞌ ngwaꞌu Xuwa ꞌin neꞌ: ―Nde lka tñan nu kuꞌni wan ―ndukwin Xuwa―. Si nsuꞌwi tukwa ykanꞌ ꞌin ska wan, ta wan ska ꞌin ska nten tiꞌi nu ja nsuꞌwi ꞌin siyaꞌ ti; si nsuꞌwi nan nchku wan, bra kanꞌ suꞌwe wan chinꞌ chaꞌ ta wan ku nten nu ja nsuꞌwi ꞌa nan ku ―ndukwin Xuwa ꞌin neꞌ.

1 TIMOTEO 6:9

Ndiya nten nu nchka ꞌa tiꞌ chaꞌ ka kuliyaꞌ la neꞌ. Ja suꞌwe chaꞌ kanꞌ, chaꞌ bra kanꞌ tatsaa ꞌa kuneꞌ xaꞌan ꞌin neꞌ chaꞌ sten la neꞌ chaꞌ kuxi; chunꞌ ndiꞌin la tyii chalyuu ꞌin neꞌ bra kanꞌ, kanaꞌ kasiya ꞌin neꞌ.

2 SAN PEDRO 1:11

Kanꞌ ka tyaꞌan suꞌwe la wan tuwiin ꞌin Ndiose bra kanꞌ. Jesucristo, Xꞌnaan nu nka ndloo la ꞌwan, ti kwiꞌ lka nu ngulaa ꞌñaan ꞌin nchga chaꞌ kuxi. Loꞌo ja tsaa tii ꞌa tsan chaꞌ ka Ni ndloo la. Bra kanꞌ suꞌwe ti stean seꞌen ndiꞌin Ndiose nde niꞌ kwan.

SAN MATEO 25:16

Bra ti ndyaa msu nu nsuꞌwi kiꞌyu mi tñi plata ꞌin, ngwiꞌya yu yuꞌwa loꞌo tñi kanꞌ. Bra wa yjwiꞌ yu yuꞌwa kanꞌ, yꞌni yu kanan xa tiꞌyu mi tñi plata ꞌin yu.