1 TIMOTEO 2:15 - Chatino Zona Alta Occidental

¹⁵ Kanꞌ chaꞌ tnun ꞌa tñan ndiya ꞌin neꞌ kunaꞌan bra nu kala sñiꞌ neꞌ ni, loꞌo kulaa Ndiose ꞌin neꞌ kunaꞌan si xñi suꞌwe neꞌ chaꞌ ꞌin Ni, si suꞌwe ka tiye neꞌ ñaꞌan neꞌ ꞌin taꞌa nten neꞌ. Kuꞌni Ni chaꞌ ka luwi kasiya ꞌin nu kunaꞌan nu ngwañaꞌan ngiꞌni; si talo neꞌ kuꞌni neꞌ chaꞌ suꞌwe kanꞌ, si nchka ꞌin nu kunaꞌan kanꞌ kuꞌni kwenta ꞌin ti ykwiꞌ ti, chaꞌ ja ka siyeꞌ neꞌ loꞌo taꞌa nten neꞌ.

1 TIMOTEO 2:15 Referans Kwoze

TITO 2:12

kwiꞌ ngwañaꞌan, wa ngwaꞌu Ni ꞌñaan sa ñaꞌan ka tyiꞌiin suꞌwean lo chalyuu. Nchka tiꞌ Ni chaꞌ kulaa yaanꞌ nchga chaꞌ nu ja suꞌwe, nchga chaꞌ kuxi nu ndiya tianꞌ kuꞌnian, chaꞌ lkaan nten chalyuu, chaꞌ suꞌwe ti kuꞌnian loꞌo taꞌa ntean. Bra kanꞌ ka kuꞌniin tnuan ꞌin Ndiose suꞌwe ti.

1 SAN PEDRO 4:7

Wa tyii ti chaꞌ ꞌin nchga nan nu nsuꞌwi lo chalyuu; kanꞌ chaꞌ suꞌwe la si kuꞌni wan kwenta ꞌwan, ti ykwiꞌ ti wan, chaꞌ tiya ti tiꞌ tyiꞌin wan lo chalyuu chaꞌ ka kuꞌni wan chaꞌ suꞌwe, chaꞌ taꞌa ti ka chkwiꞌ wan loꞌo Ndiose.

1 TIMOTEO 1:5

Kuloo tñan ꞌin neꞌ chaꞌ suꞌwe ꞌa xuꞌwi tiye neꞌ ñaꞌan neꞌ ꞌin taꞌa nten neꞌ, chaꞌ kanꞌ lka tñan nu ngiꞌni nten nu ngwa luwi kasiya ꞌin loꞌo Ndiose; jlyo tiꞌ neꞌ kanꞌ sa ñaꞌan lka ska chaꞌ suꞌwe, loꞌo ngiꞌni neꞌ chaꞌ suꞌwe kanꞌ bra kanꞌ. Chañi chaꞌ wa msñi nten chaꞌ ꞌin Ndiose si suꞌwe nka tiye neꞌ ñaꞌan neꞌ ꞌin taꞌa nten neꞌ.

1 TIMOTEO 2:9

Loꞌo nu kunaꞌan ni, ndiꞌin chaꞌ kuꞌ neꞌ teꞌ sa biyaꞌ nu suꞌwe ti ngaꞌan, siꞌi teꞌ nu kaꞌan ꞌa ngaꞌan; kwiꞌ ngwañaꞌan, ja kuꞌni siyeꞌ lye neꞌ loꞌo kichanꞌ ke neꞌ, ja ndiꞌin chaꞌ kuꞌ lye neꞌ oro, ja kuꞌ neꞌ kee xaa nu kaꞌan ꞌa ngaꞌan, chaꞌ ja suꞌwe nu kuꞌni siyeꞌ neꞌ ꞌin ti ykwiꞌ ti neꞌ chaꞌ lye ꞌa ñaꞌan kwiꞌya yu kiꞌyu ꞌin neꞌ bra kanꞌ.

SAN LUCAS 2:7

Kiꞌyu kuwiꞌ nu ngula ꞌin Liya kanꞌ, sñiꞌ kulo nu kunaꞌan kanꞌ lka kuwiꞌ kanꞌ. Suꞌwe mxiin jyaꞌan teꞌ chunꞌ kuwiꞌ kanꞌ, loꞌo kanꞌ mstya ꞌin kuwiꞌ niꞌ kanduwa seꞌen nchku ꞌni, chaꞌ ja mjwi naꞌan tyiꞌin neꞌ siyaꞌ ti.

1 TIMOTEO 1:14

Loꞌo suꞌwe ꞌa ngwa tiye Xꞌnaan naꞌan Ni ꞌñaǎn, kanꞌ chaꞌ loꞌoǔn, msñiǐn chaꞌ ꞌin Jesucristo bra kanꞌ; loꞌo ni, suꞌwe ꞌa nka tiyeěn naꞌaǎn ꞌin Jesús, kwiꞌ ngwañaꞌan suꞌwe nka tiyeěn naꞌaǎn ꞌin nchga nten.

1 CORINTIOS 12:23

loꞌo ska seꞌen laja kunaanꞌ seꞌen nu nxkeꞌ tianꞌ chaꞌ ja suꞌwe ñaꞌan, nde kwa ndukuanꞌ ska teꞌ lo ran. Ska seꞌen nu kti ꞌñaan, nu jyuꞌu ꞌa tianꞌ si ñaꞌan nten, nchga bra ndukuanꞌ teꞌ lo seꞌen kti kanꞌ;