1 TIMOTEO 1:13 - Chatino Zona Alta Occidental

¹³ Wa ngulo suwi Ni ꞌñaǎn, ni siya kuxi ꞌa ykwiǐnꞌ chaꞌ ꞌin Ni nu ngwa sꞌni, bra nu lye ꞌa ndaǎn nu tiꞌí ꞌin nten ꞌin Jesucristo; tláǎn ꞌaǎn nu ngwa bra kanꞌ. Sa kanꞌ ti chaꞌ, ja ska chaꞌ jlyo tiǎnꞌ bra kanꞌ, chaꞌ ja ya sñiǐn chaꞌ suꞌwe ꞌin Ndiose, kanꞌ chaꞌ ngwa tꞌnan ꞌa tiꞌ Ni ꞌñaǎn.

1 TIMOTEO 1:13 Referans Kwoze

LOS HECHOS 8:3

Loꞌo Saulo kanꞌ, ngwa tiꞌ yu chaꞌ lye la ta yu nu tiꞌí ꞌin nchga nten ꞌin Jesucristo bra kanꞌ. Yten yu niꞌ ñaꞌan ꞌin neꞌ, msñi yu ꞌin neꞌ kanꞌ, loꞌo nu kiꞌyu loꞌo nu kunaꞌan, chaꞌ suꞌwa yu ꞌin neꞌ niꞌ ñaꞌan chkwan.

1 SAN PEDRO 2:10

Wa lka wan nten ꞌin Ndiose ni, ni siya ja mdiꞌin chaꞌ ꞌwan loꞌo Ni siyaꞌ ti nu ngwa sꞌni la. Kwiꞌ ngwañaꞌan, wa nchka biyaꞌ tiꞌ wan ni, chaꞌ nchka tꞌnan ꞌa tiꞌ Ni ꞌwan, ni siya ti ngwa sꞌni la ja ngwa biyaꞌ tiꞌ wan chaꞌ ꞌin Ndiose siyaꞌ ti.

LOS HECHOS 9:13

―Xꞌnaǎn ―ndukwin Ananías ꞌin Ni―, tyun yaꞌ wa ynen chaꞌ ꞌin Saulo kanꞌ, chaꞌ tlá ꞌa ngiꞌni yu ꞌin nten nu wa yten chaꞌ ꞌiin nde kichen Jerusalén.

HEBREOS 4:16

Ja ndiꞌin chaꞌ kutsean siyaꞌ ti sikwa, tyukwi ti tiyean ka jñaan chaꞌ ꞌin Ndiose, chunꞌ kwiꞌ Ni nka Ni ndloo. Chkwianꞌ loꞌo Ndiose nu xkwiꞌ chaꞌ suꞌwe ngiꞌni Ni loꞌo nten chalyuu; jñaan chaꞌ ꞌin Ni chaꞌ chka tꞌnan tiꞌ Ni ꞌñaan, chaꞌ suꞌwa yaꞌ Ni ꞌñaan, bra nu ndiꞌin la chaꞌ nu lyiji ꞌñaan.

LOS HECHOS 3:17

’ꞌWan, neꞌ taꞌa kichen tyian, jlyo tiǎnꞌ chaꞌ ja ngwa biyaꞌ tiꞌ wan ti lka nu ngwa Jesús bra nu mjñan wan chabiyaꞌ chaꞌ kujwi sndaru ꞌin yu. Loꞌo neꞌ nu nka ndloo ꞌwan, ja ngwa biyaꞌ tiꞌ neꞌ ni sa ñaꞌan tñan nu yꞌni neꞌ, ta chaꞌ suꞌwe, o ta chaꞌ kuxi yꞌni neꞌ bra kanꞌ.

SAN LUCAS 23:34

Xa nu ti ndiꞌin sndaru nu mjiꞌin kaꞌan ꞌin neꞌ lo wsi, bra kanꞌ ykwiꞌ Jesús loꞌo Ndiose Sti yu: ―Stiǐn ―ndukwin yu―, kuꞌnii chaꞌ tlyu tiꞌ ꞌin neꞌ re, ja jlyo ꞌa tiꞌ neꞌ ni chaꞌ lka ngiꞌni neꞌ ngwañaꞌan. Bra kanꞌ ngutsaa sndaru kanꞌ steꞌ Jesús xa nu ndiꞌin jya ti neꞌ loꞌo taꞌa neꞌ.

1 TIMOTEO 1:16

Loꞌo yꞌni ꞌa Jesucristo chaꞌ tlyu tiꞌ ꞌñaǎn bra nu yꞌni tyii Ni kiꞌya nu ndiꞌin ꞌñaǎn; ngwañaꞌan ngwaꞌu Ndiose ꞌin xka ta nten sa ñaꞌan ka xñi neꞌ chaꞌ ꞌin Ni. Sa ñaꞌan nu ngwa tꞌnan tiꞌ Jesús ꞌñaǎn ti kulo, kwiꞌ ngwañaꞌan chka tꞌnan tiꞌ Ni ꞌin nchga nten nu xñi chaꞌ ꞌin Jesús nde loo la, chaꞌ nu ja tsaa tii ꞌa chalyuu ꞌin neꞌ bra kanꞌ, si tsaa ñaꞌan tiꞌ neꞌ ꞌin Ni.

FILIPENSES 3:6

chunꞌ chaꞌ nu yaa ñaꞌan ꞌa tiǎnꞌ ꞌin chaꞌ kula kanꞌ, kanꞌ chaꞌ lye ꞌa mdaǎn nu tiꞌí ꞌin ya ñaꞌan ti nten nu msñi chaꞌ ꞌin Jesucristo, yꞌniǐn liyeꞌ ꞌa tiǎnꞌ ꞌin neꞌ kanꞌ. Loꞌo ngwañaꞌan, ja ndiꞌin ꞌa kiꞌya ꞌñaǎn loꞌo neꞌ judío chaꞌ ꞌin chaꞌ kula kanꞌ, chaꞌ mdukwaǎn ꞌaǎn nchga chaꞌ kula kanꞌ; ti sꞌni wa ngwa luwi kasiya ꞌñaǎn, si chañi chaꞌ ka suꞌwe kasiya ꞌñaan chaꞌ ꞌin Ndiose ngwañaꞌan ti.

GÁLATAS 1:13

Wa jlyo tiꞌ wan sa ñaꞌan tñan nu yꞌniǐn lo chalyuu re nu ngwa sꞌni, sa ñaꞌan nu ndukwaǎn ꞌaǎn nchga chaꞌ nu kti ꞌa nu ngiꞌni neꞌ judío taꞌa ba. Wa jlyo tiꞌ wan chaꞌ kaꞌan ꞌa nu tiꞌí mdaǎn ꞌin nchga nten nu ndiꞌin chaꞌ ꞌin loꞌo Jesucristo nu ngwa ti sꞌni; mdaꞌan chaꞌ tiyeěn chaꞌ kuꞌni tyiǐn ꞌin neꞌ kanꞌ siyaꞌ ti bra kanꞌ.

1 CORINTIOS 15:9

Ja suꞌweěn siyaꞌ ti, nxkeꞌ tiǎnꞌ, chaꞌ ti ngwa sꞌni la lye ꞌa mdaǎn nu tiꞌí ꞌin nchga nten ꞌin Jesucristo. Ndiya xka la neꞌ taꞌa ba nu suꞌwe la ngiꞌni neꞌ tñan kanꞌ. Ja suꞌwaǎn loꞌo neꞌ kanꞌ, ni siya loꞌoǔn ngulo suwi Ni ꞌñaǎn chaꞌ chkwiǐnꞌ chaꞌ ꞌin Jesús nde xka la kichen tijyuꞌ la.

1 CORINTIOS 7:25

Ja ya chkwiꞌ Ndiose nu nka Xꞌnaan loꞌoǔn sa ñaꞌan ndiꞌin chaꞌ kuꞌni nten nu ndukwa ska ti, si kaja kwilyoꞌo neꞌ, si ja kaja kwilyoꞌo neꞌ; kanꞌ chaꞌ chkwiǐnꞌ chinꞌ loꞌo wan kwenta ꞌñaǎn tiǎn. Ka xñi wan chaꞌ ꞌñaǎn, chunꞌ chaꞌ loꞌoǔn nchka tꞌnan ꞌa tiꞌ Ni ꞌñaǎn; kanꞌ chaꞌ ngiꞌniǐn tñan ꞌin Ni.

LOS HECHOS 22:4

Nu ngwa sꞌni, loꞌoǔn lye ꞌa msuǔn loꞌo neꞌ nu ndiꞌin chaꞌ ꞌin loꞌo Jesucristo, chaꞌ kujwiǐn ꞌin neꞌ, ngwa tiǎnꞌ. Msñiǐn ꞌin neꞌ kanꞌ, ni siya yu kiꞌyu, ni siya nu kunaꞌan, msuꞌwaǎn ꞌin neꞌ niꞌ ñaꞌan chkwan.

LOS HECHOS 9:5

―¿Ti ka lka nuꞌwin a?, yu kula ―ndukwin Saulo. ―Jesús lkaǎn ―ndukwin Ni―. Nan nxuun loꞌoǔn lka chaꞌ―ndukwin Ni―. Ti ykwiiꞌ ti ngiꞌnii tiꞌí loꞌoo. Ñaꞌan tiꞌ ska toro, kwiꞌ ngwañaꞌan lka nuꞌwin; njyiꞌin kiyaꞌ toro ti kwiꞌ seꞌen nu ndyojoꞌ neꞌ yka cha ꞌin iꞌ, kanꞌ chaꞌ loꞌo kiyaꞌ iꞌ ngiꞌni ñuꞌun iꞌ ꞌin iꞌ, ti ykwiꞌ ti iꞌ.

LOS HECHOS 9:1

Ñaꞌan ti msinꞌ ꞌa tiꞌ Saulo ꞌin nchga nten nu msñi chaꞌ ꞌin Xꞌnaan. Ngwa ꞌa tiꞌ Saulo ta yu nu tiꞌí ꞌin neꞌ kanꞌ, sa ñaꞌan yaꞌ nu kujwi yu ꞌin neꞌ, ngwa tiꞌ yu; kanꞌ chaꞌ ndyaa yu seꞌen ndiꞌin xꞌnan sti joꞌo ꞌin neꞌ judío,

SAN LUCAS 12:47

’Chaꞌ nu jlyo tiꞌ msu kanꞌ sa ñaꞌan tñan ngulo xꞌnan yu ꞌin yu, loꞌo kanꞌ ja yꞌni ndla yu tñan kanꞌ, ta xꞌnan yu nu tiꞌí ꞌin yu bra kanꞌ; tiꞌí ꞌa jwiꞌin xꞌnan yu ꞌin yu.