1 SAN JUAN 3:21 - Chatino Zona Alta Occidental

²¹ ꞌWan neꞌ taꞌaan nu ndiya ꞌa tiǎnꞌ ꞌwan, bra nu jlyo tianꞌ chaꞌ ja ndiꞌin ꞌa kiꞌya ꞌñaan, tyukwi ti tiyean ka chkwianꞌ loꞌo Ndiose bra kanꞌ.

1 SAN JUAN 3:21 Referans Kwoze

1 SAN JUAN 2:28

ꞌWan sñiěnꞌ, xñi suꞌwe wan chaꞌ ꞌin Jesucristo ni. Loꞌo bra kanꞌ, xa nu kan Jesucristo lo chalyuu xiyaꞌ, ja ndiꞌin chaꞌ ka jyuꞌu tianꞌ bra nu ñaꞌaan ꞌin Ni chaꞌ ndijyan Ni; tyukwi ti tiyean tyukwa taꞌaan loꞌo Ni bra kanꞌ.

HEBREOS 4:16

Ja ndiꞌin chaꞌ kutsean siyaꞌ ti sikwa, tyukwi ti tiyean ka jñaan chaꞌ ꞌin Ndiose, chunꞌ kwiꞌ Ni nka Ni ndloo. Chkwianꞌ loꞌo Ndiose nu xkwiꞌ chaꞌ suꞌwe ngiꞌni Ni loꞌo nten chalyuu; jñaan chaꞌ ꞌin Ni chaꞌ chka tꞌnan tiꞌ Ni ꞌñaan, chaꞌ suꞌwa yaꞌ Ni ꞌñaan, bra nu ndiꞌin la chaꞌ nu lyiji ꞌñaan.

2 CORINTIOS 1:12

Suꞌwe ꞌa nka tiye ba chaꞌ tyukwi ti tiye ba ndiꞌin chaꞌ ꞌwa loꞌo wan, nchkwiꞌ ba xkwiꞌ chaꞌ nu ñi loꞌo wan, ti kwiꞌ sa ñaꞌan nu ngiꞌni ba loꞌo xka ta nten; ngwañaꞌan nka tiye ba. Nchka ꞌwa ngiꞌni ba ngwañaꞌan loꞌo wan chunꞌ lye ꞌa nchka tꞌnan tiꞌ Ndiose ꞌñaan xuꞌwe ti; loꞌo ja ngiꞌni ba ngwañaꞌan chunꞌ chaꞌ nu ngwiꞌya ke ti ba ti ykwiꞌ ti ba.

1 SAN JUAN 5:14

Tyukwi ti tiyean ka chkwianꞌ loꞌo Ndiose sikwa. Bra nu jñaan ska chaꞌ ꞌin Ndiose nu suꞌwa ti loꞌo ska chaꞌ nu nchka tiꞌ Ni, bra kanꞌ ka jlyo tianꞌ chaꞌ kunan Ni chaꞌ nu chkwianꞌ loꞌo Ni.

1 SAN JUAN 4:17

Suꞌwe ti nka tiyean ñaꞌaan ꞌin Ndiose sikwa, chaꞌ bra nu tiya tsan nu tyaan Jesucristo xiyaꞌ chaꞌ kuꞌni biyaꞌ Ni ꞌin nchga nten, bra kanꞌ tyukwi ti tiyean ka tyukwa taꞌaan loꞌo Ni. Ndiꞌin Ni loꞌoan bra nu ndiꞌian lo chalyuu, sa ñaꞌan nu mdiꞌin Ni loꞌo Jesucristo bra nu mdiꞌin yu lo chalyuu, kanꞌ chaꞌ ja ndiꞌin chaꞌ kutsean.

HEBREOS 10:22

Tsaan seꞌen ndiꞌin Ndiose sikwa; tyukwi ti tiyean kuꞌnian chaꞌ ka ska ti chaꞌ ꞌñaan loꞌo Ndiose Stian, chaꞌ xñiin suꞌwean chaꞌ ꞌin Ni bra kanꞌ. Wa yꞌni tyii Ni nchga chaꞌ kuxi nu yꞌnian, kwiꞌ nu lye ꞌa mda chaꞌ jyuꞌu ꞌñaan; loꞌo luwi kasiya ꞌñaan ni, ñaꞌan tiꞌ si wa ytaan chku loꞌo tyiꞌa nu luwi ꞌa.

1 CORINTIOS 4:4

kwiꞌ ngwañaꞌan chaꞌ ꞌin Ndiose, ja la yꞌniǐn chaꞌ kuxi, nxkeꞌ tiǎnꞌ. Ja nchkwiǐnꞌ chaꞌ ja tukwin ka ꞌin xtya kiꞌya ꞌñaǎn siyaꞌ ti, ska ti Ndiose nu nka Xꞌnaan ka ꞌin Ni kuꞌni biyaꞌ Ni ꞌñaǎn xa wa mdyii chalyuu.

1 TIMOTEO 2:8

Kanꞌ chaꞌ sikwa, nchka tiǎnꞌ chaꞌ chkwiꞌ nten loꞌo Ndiose nde nchga kichen seꞌen ndyoꞌ tiꞌin neꞌ sa tlyu ti, neꞌ nu ndiꞌin chaꞌ ꞌin loꞌo Jesucristo. Ndiꞌin chaꞌ chkwiꞌ neꞌ loꞌo Ndiose bra nu suꞌwe nka tiye neꞌ, chaꞌ ja suꞌwe chkwiꞌ neꞌ loꞌo Ni si msinꞌ tiꞌ neꞌ, loꞌo ja suꞌwe chkwiꞌ neꞌ loꞌo Ni bra nu ndiꞌin wsuun neꞌ.

ROMANOS 14:22

Bra nu nxkeꞌ tiꞌ wan chaꞌ suꞌwe ꞌa chaꞌ ꞌin Ndiose ska tñan nu ngiꞌni wan, ni siya ndiya nten nu ja ndiya tiꞌ chaꞌ ngiꞌni wan ngwañaꞌan, siyaꞌ ti kuꞌni wan tñan kanꞌ seꞌen ndiꞌin wan ti ykwiꞌ ti wan, seꞌen ñaꞌan ska ti Ndiose ꞌwan. ¡Suꞌwe ꞌa nka tiye nten nu ndyaꞌan tiꞌ chaꞌ ngiꞌni neꞌ ngwañaꞌan! Ja ndiꞌin chaꞌ lye ꞌa tyaꞌan chaꞌ tiye neꞌ kanꞌ bra kanꞌ; wa jlyo tiꞌ neꞌ kanꞌ chaꞌ siꞌi chaꞌ kuxi nu ngiꞌni neꞌ.

EFESIOS 3:12

Loꞌo ni, wa nsuꞌwi chabiyaꞌ ꞌñaan chaꞌ xuꞌwi chaꞌ ꞌñaan loꞌo Ndiose chabiyaꞌ ꞌin Jesucristo; tyukwi ti kasiya ꞌñaan ka chkwianꞌ loꞌo Ndiose chaꞌ wa msñian chaꞌ ꞌin Jesucristo nu lka Sñiꞌ Ni. Loꞌo ngwañaꞌan, ja ndiꞌin chaꞌ kutsean bra nu chkwianꞌ loꞌo Ndiose.

1 SAN JUAN 2:7

ꞌWan taꞌa msñian chaꞌ ꞌin Jesús, wa ngwaꞌaǎn chaꞌ lo kityi re chaꞌ xlyaa wan ka suꞌwe tiye wan ñaꞌan wan ꞌin taꞌa nten wan. Siꞌi ska chaꞌ nu ja ya kunan wan lka chaꞌ kanꞌ; wa ynan wan chaꞌ kanꞌ ti bra nu msñi wan chaꞌ ꞌin Jesucristo ti kulo.

1 SAN JUAN 3:2

ꞌWan neꞌ taꞌaan nu ndiya ꞌa tiǎnꞌ ꞌwan, wa lkaan sñiꞌ Ndiose ni, ni siya ja ya ka biyaꞌ tianꞌ sa ñaꞌan ka suꞌwe la chaꞌ ꞌñaan, bra nu tyiꞌian loꞌo Ndiose nde loo la. Sa ñaꞌan lka ykwiꞌ Jesucristo, kwiꞌ ngwañaꞌan kaan bra nu kwaꞌu tloo Jesucristo ꞌñaan xa wa mdyii chalyuu re; bra kanꞌ ka ñaꞌaan ꞌin Jesucristo sa ñaꞌan nu lka ykwiꞌ Ni. Sa kanꞌ ti chaꞌ nchka biyaꞌ tianꞌ ni.

1 SAN JUAN 3:20

Bra nu ndii tiꞌ niꞌ kasiya ꞌñaan chaꞌ ndiꞌin kiꞌya ꞌñaan, bra kanꞌ ka biyaꞌ tianꞌ chaꞌ wa jlyo tiꞌ Ndiose chaꞌ kanꞌ. Loꞌo ngwañaꞌan, tlyu la lka Ndiose, ka ꞌin Ni kulaa ji Ni ꞌñaan ꞌin chaꞌ kuxi kanꞌ.