1 SAN JUAN 2:1 - Chatino Zona Alta Occidental

¹ Ñaꞌan tiꞌ si lka wan sñiěnꞌ, ngwañaꞌan lka wan, nxkeꞌ tiǎnꞌ, chaꞌ ndiya ꞌa tiǎnꞌ ꞌwan; kanꞌ chaꞌ ndaꞌaǎn kityi re chaꞌ tsaa seꞌen ndiꞌin wan, chaꞌ ja nchka tiǎnꞌ chaꞌ xtya Ndiose kiꞌya ꞌwan. Ni siya ndiꞌin chaꞌ xtya Ni kiꞌya ꞌñaan xa wa msñian chaꞌ ꞌin Jesucristo, ti kwiꞌ Jesucristo lka nu wa mdijin nu tiꞌí chaꞌ ꞌñaan, loꞌo ska nten nu luwi ꞌa lka Jesucristo.

1 SAN JUAN 2:1 Referans Kwoze

1 TIMOTEO 2:5

Ska ti Ndiose nsuꞌwi, kwiꞌ ngwañaꞌan ndiya ska ti nten nu ndiꞌin seꞌen ndiꞌin Ndiose nu nchkwiꞌ loꞌo Ni chaꞌ ꞌin nten chalyuu; ti kwiꞌ Jesucristo lka yu kanꞌ.

ROMANOS 8:34

Ja ndiya nu ka ta nu tiꞌí ꞌñaan bra kanꞌ, chaꞌ wa ngujwi Jesús chaꞌ ꞌñaan, wa ndyuꞌu Ni xiyaꞌ chaꞌ ꞌñaan. Loꞌo ni, ndukwa Krixtu laꞌa seꞌen kwin la seꞌen ndukwa Ndiose, njñan Ni chaꞌ tlyu tiꞌ ꞌin Ndiose Sti Ni chaꞌ ꞌñaan.

SAN JUAN 14:6

―Naꞌ lkaǎn nu nduꞌuǔn tuwiin kanꞌ ―ndukwin Jesús bra kanꞌ―, naꞌ nduꞌuǔn nchga chaꞌ nu ñi lka; naꞌ ndaǎn chalyuu suꞌwe ꞌin nten, chalyuu nu ja tsaa tii ꞌa ꞌin neꞌ. Ja ka ꞌin nten chalyuu kala neꞌ nde seꞌen ndiꞌin Ndiose si ja loꞌoǔn ―ndukwin Jesús―.

2 CORINTIOS 5:21

Ni siya ja ndukwi Krixtu kiꞌya siyaꞌ ti, yꞌni Ndiose chaꞌ nganun kiꞌya nu ndukwian chunꞌ Krixtu. Xa wa nchka suꞌwe chaꞌ ꞌñaan loꞌo Krixtu, bra kanꞌ ka luwi kasiya ꞌñaan sa ñaꞌan nu nchka tiꞌ Ndiose chaꞌ kaan.

1 SAN JUAN 4:4

ꞌWan sñiěnꞌ, wa ndiꞌin chaꞌ ꞌwan loꞌo Ndiose, loꞌo ngwañaꞌan, wa ngula la tiꞌ niꞌ kasiya ꞌwan chunꞌ nu nganun Tyiꞌi Ni niꞌ kasiya ꞌwan ni; kanꞌ chaꞌ nchka ꞌwan tyijin lyo wan ꞌin neꞌ kwiñi nu ndiꞌin chaꞌ ꞌin loꞌo kuneꞌ xaꞌan. Ti kwiꞌ kuneꞌ xaꞌan lka nu ndlo tñan ꞌin nten kuxi lo chalyuu.

1 SAN JUAN 3:18

ꞌWan sñiěnꞌ, bra nu suꞌwe ꞌa nka tiyean ni siya ñaꞌaan ꞌin Ndiose, ni siya ñaꞌaan ꞌin taꞌa ntean, siꞌi ska chaꞌ nu chkwianꞌ tian loꞌo neꞌ kanꞌ; tyukwi ti tiyean ndiꞌin chaꞌ tayaanꞌ ꞌin taꞌa ntean bra kanꞌ.

1 SAN JUAN 3:7

ꞌWan sñiěnꞌ, ja nchka tiǎnꞌ chaꞌ kwiñi lyoꞌo xka ta nten ꞌwan. Xkwiꞌ suꞌwe ti yꞌni Jesucristo lo chalyuu; kanꞌ chaꞌ sikwa, nchga nten nu ndiꞌin chaꞌ ꞌin loꞌo Jesucristo, ndiꞌin chaꞌ xkwiꞌ chaꞌ suꞌwe ti kuꞌni neꞌ bra nu tyiꞌin neꞌ lo chalyuu.

SAN JUAN 8:11

―Ja tukwin nduun nu mstya kiꞌya ꞌñaǎn, neꞌ kula ―ndukwin nu kunaꞌan kanꞌ. ―Suꞌwe sikwa ―ndukwin Jesús ꞌin nu kunaꞌan kanꞌ―. Ngwañaꞌan naꞌ, ja ndiꞌin kiꞌya nu xtyaǎn ꞌiin. Tyaa lyaa ni ―ndukwin―, ja kuꞌnii ꞌaa ngwañaꞌan xiyaꞌ.]

HEBREOS 9:24

Kanꞌ chaꞌ ja yaa Krixtu ska niꞌ lyaa nu ngwiñan nten chalyuu ti chaꞌ kuꞌni Ni tñan kanꞌ, ni siya mdukwa ran chabiyaꞌ ꞌin Ndiose; nan wa ndyaa ñi Ni seꞌen ndiꞌin Ndiose nde niꞌ kwan. La kanꞌ nduun Ni ni, chaꞌ chkwiꞌ Ni loꞌo Ndiose chaꞌ ꞌñaan.

1 SAN JUAN 3:5

Wa jlyo tiꞌ wan chaꞌ wa yan Jesucristo lo chalyuu chaꞌ kuꞌni tyii Ni kiꞌya nu ndukwi nten; loꞌo Krixtu ni, ja mdiꞌin kiꞌya ꞌin yu siyaꞌ ti.

EFESIOS 2:18

Loꞌo ni, ja nꞌni chaꞌ ni siya neꞌ judío lka ba, ni siya xka ta nten lka wan, ska ti nten lkaan loꞌo nchga taꞌaan chabiyaꞌ ꞌin Krixtu, ska ti Tyiꞌi Ndiose ngiꞌni chaꞌ xuꞌwi lyoan ꞌin Ni;

SAN JUAN 6:27

Suꞌwe la kuꞌni wan tñan chaꞌ kaja ska chaꞌ nu talo la ꞌwan ―ndukwin Jesús bra kanꞌ―. Chañi chaꞌ kalaꞌ tiꞌ wan, bra nu kaja chalyuu nu ja tsaa tii ꞌa ꞌwan. Ska nan nu nchkuan ni, chinꞌ ti bra ngalaꞌ tianꞌ loꞌo ran, bra ti ngiteꞌ tianꞌ xiyaꞌ. Loꞌo ni, naꞌ nu ndijyaǎn chaꞌ kaǎn nten, taǎn ska chaꞌ suꞌwe ꞌwan nu kuꞌni chaꞌ kalaꞌ tiꞌ wan, loꞌo ja tsaa tii ꞌa chaꞌ kanꞌ ꞌwan ―ndukwin yu―. Nan wa nda Stiǐn Ndiose chabiyaꞌ ꞌñaǎn chaꞌ taǎn chaꞌ suꞌwe kanꞌ ꞌwan.

1 SAN PEDRO 3:18

Ngujwi Krixtu siꞌya kiꞌya nu ndiꞌin ꞌñaan, ni siya luwi siyaꞌ ti kasiya ꞌin yu; mdijin yu nu tiꞌí siꞌyaan, chaꞌ kuxi ꞌa tiyean. Loꞌo ni, ka kalaan seꞌen ndiꞌin Ndiose chabiyaꞌ ꞌin Krixtu. Ska yaꞌ ti mda neꞌ nu tiꞌí ꞌin Krixtu, mdyii tñan ꞌin yu lo chalyuu bra kanꞌ. Yjwi nten ꞌin ñaꞌaan tijyan kunaꞌ Jesucristo, loꞌo Tyiꞌi Ndiose yꞌni chaꞌ ndyuꞌu yu xiyaꞌ.

EFESIOS 4:26

Ndiya bra msinꞌ tiꞌ wan, kanꞌ chaꞌ kiꞌya wan kwenta chaꞌ ja kanun kiꞌya ꞌwan chunꞌ ndiꞌin la; ja suꞌwe si kasinꞌ tiꞌ wan tyukwi tsan, sa tyijin ti kasinꞌ tiꞌ wan.

GÁLATAS 4:19

Xiyaꞌ tiꞌí ꞌa nka tiyeěn chaꞌ ꞌwan, chaꞌ sa ñaꞌan nchka tiǎnꞌ loꞌo sñiěnꞌ, ngwañaꞌan ndaꞌan chaꞌ tiyeěn chaꞌ ꞌwan; ñaꞌan tiꞌ ska nu kunaꞌan nu tiꞌí ꞌa chaꞌ kala sñiꞌ, ngwañaꞌan ndaꞌan chaꞌ tiyeěn. Taloǔn nchga nu tiꞌí kanꞌ sa ñaꞌan yaꞌ nu kanun tyukwi chaꞌ ꞌin Krixtu niꞌ kasiya wan.

SAN JUAN 10:15

Sa ñaꞌan nu nsuꞌwi lyo Stiǐn ꞌñaǎn, kwiꞌ ngwañaꞌan nsuꞌwi lyoǔn ꞌin Stiǐn; sa ñaꞌan nu ndiꞌin chaꞌ ꞌñaǎn loꞌo Stiǐn, ngwañaꞌan ndiꞌin chaꞌ ꞌñaǎn loꞌo nten ꞌñaǎn. Loꞌo naꞌ, xlyaǎn kajaǎn chaꞌ ja kanaꞌ kasiya ꞌin nten ꞌñaǎn ―ndukwin Jesús ꞌin neꞌ―.

SAN JUAN 5:36

Loꞌo chinꞌ ꞌa chaꞌ ꞌñaǎn ykwiꞌ Xuwa loꞌo wan; wa kaꞌan la chaꞌ ñaꞌan wan ni, chunꞌ chaꞌ mdiyaǎn lo chalyuu, xa nu ñaꞌan wan tñan tnun nu ngulo Stiǐn ꞌñaǎn chaꞌ kuꞌniǐn. Ti kuꞌniǐn tñan kanꞌ sa ñaꞌan yaꞌ tyii ran. Loꞌo tñan kanꞌ ka jlyo tiꞌ wan chaꞌ Stiǐn lka nu ngulo tñan ꞌñaǎn chaꞌ mdiyaǎn lo chalyuu re ―ndukwin Jesús―.

SAN LUCAS 10:22

Bra kanꞌ ykwiꞌ yu loꞌo neꞌ nu mdiyan seꞌen ndiꞌin yu: ―Wa mda Stiǐn nchga nan ꞌñaǎn. Loꞌo ja tukwin jlyo tiꞌ chaꞌ lkaǎn Sñiꞌ Ndiose; ska ti ykwiꞌ Stiǐn, kanꞌ nu jlyo tiꞌ. Ja tukwin la jlyo tiꞌ ti ka nu lka Stiǐn; skaǎn tiǎnꞌ, jlyo tiǎnꞌ ti ka nu lka Stiǐn. Loꞌo ka jlyo tiꞌ xka ta nten, ñaꞌan nten nu xlyaǎn chaꞌ kwaꞌuǔn ꞌin neꞌ ti ka nu lka Stiǐn, loꞌo neꞌ kanꞌ ka biyaꞌ tiꞌ neꞌ bra kanꞌ.

1 SAN PEDRO 2:22

Ja ska kiꞌya mdiꞌin ꞌin Krixtu, ja ska chaꞌ kwiñi ykwiꞌ yu;

1 CORINTIOS 15:34

Ndiꞌin chaꞌ kulaa yaꞌ wan chaꞌ kuxi nu ngiꞌni wan, chaꞌ tyisnan wan tyaꞌan chaꞌ suꞌwe tiye wan bra kanꞌ, chaꞌ suꞌwe ti kuꞌni wan loꞌo taꞌa nten wan. Wa jlyo tiǎnꞌ chaꞌ ndiya chinꞌ taꞌa wan nu ja ya ka biyaꞌ suꞌwe tiꞌ chaꞌ ꞌin Ndiose, kanꞌ chaꞌ nchkwiǐnꞌ loꞌo wan ngwañaꞌan chaꞌ ka jyuꞌu tiꞌ wan.

SAN JUAN 5:14

Xa wa msiin la, xiyaꞌ mdukwa taꞌa Jesús loꞌo nu ngwa tiꞌí kanꞌ bra nu mdaꞌan yu niꞌ lyaa. Ykwiꞌ Jesús loꞌo yu bra kanꞌ: ―Wa nchkaa ni ―ndukwin ꞌin yu―, kanꞌ chaꞌ kulaa yaꞌ chaꞌ kuxi kwa ꞌiin chaꞌ ja tyukwa ꞌaa xka chaꞌ tnun la.

SANTIAGO 1:27

Bra nu tyukwi ti tiyean siyaꞌ ti kuꞌnian chaꞌ kti ꞌin Ndiose Stian, loꞌo siꞌi tukwa chaꞌ nsuꞌwi tiyean, nde ndiya chaꞌ kti nu nchka la tiꞌ Ndiose Stian chaꞌ kuꞌnian bra kanꞌ. Ndiꞌin chaꞌ tayaanꞌ ꞌin nu xuwe tiꞌi, kwiꞌ ngwañaꞌan ndiꞌin chaꞌ tayaanꞌ ꞌin nu kunaꞌan nu nganun ska ti, bra nu ndijin ꞌa neꞌ nu tiꞌí lo chalyuu; ti kwiꞌ ti chaꞌ, ja suꞌwe sten yuꞌwian loꞌo ya ñaꞌan ti chaꞌ kuxi nu nsuꞌwi lo chalyuu.

1 SAN JUAN 5:21

ꞌWan sñiěnꞌ, ndii ti tiꞌ wan tyiꞌin wan lo chalyuu, chaꞌ ja sten yuꞌwi wan loꞌo xka ta joꞌo. Ngwañaꞌan ka sikwa.

SANTIAGO 3:9

Tukwa lo chaꞌ nchkwianꞌ: suꞌwe nchkwianꞌ loꞌo Ndiose Stian bra nu ngiꞌniin tnuan ꞌin Ni chaꞌ lka Ni Xꞌnaan; chunꞌ ndiꞌin la ndaan kiꞌya ꞌin taꞌa ntean xa nu nchkwianꞌ loꞌo neꞌ, ni siya wa ngwiñan Ni ꞌñaan taꞌaan nu lkaan nten chalyuu chaꞌ kaan sa ñaꞌan lka ykwiꞌ Ni.

ROMANOS 6:15

Loꞌo ni, ja suꞌwe chkwianꞌ chaꞌ ja kuꞌniin ꞌaan chaꞌ kula kanꞌ, chunꞌ nu ndukwaan chaꞌ nchkwiꞌ Ndiose nu xkwiꞌ chaꞌ suꞌwe ngiꞌni loꞌoan. Ja suꞌwe si ti kuꞌnian chaꞌ kuxi kanꞌ; ¡ja nsuꞌwi chabiyaꞌ ꞌñaan chaꞌ ti kuꞌnian ngwañaꞌan siyaꞌ ti!

SAN JUAN 13:33

Sñiěnꞌ ―ndukwin Jesús ꞌin neꞌ kanꞌ―, ti tyiꞌiǐn loꞌo wan lo chalyuu xa chinꞌ ti tsan. Sa ñaꞌan nu niǐn ꞌin neꞌ judío nu ngwa xkanꞌ, ti kwiꞌ chaꞌ chkwiǐnꞌ loꞌo wan ni: Tsaa naan wan ꞌñaǎn nde seꞌen mdaꞌaǎn, loꞌo ja ka ꞌa ꞌwan tsaa wan seꞌen tyiꞌiǐn bra kanꞌ ―ndukwin yu―.

1 TIMOTEO 3:14

Ndla ti kaǎn seꞌen ndiꞌiin, nka tiyeěn. Ngwañaꞌan nka tiyeěn, ni siya ja jlyo tiǎnꞌ ni ñaꞌan bra nu ka ꞌñaǎn, si ndiꞌin chaꞌ tiyaꞌ ꞌñaǎn; kanꞌ chaꞌ ni, ndaꞌaǎn kityi re chaꞌ ka biyaꞌ la tiiꞌ sa ñaꞌan kuꞌni nten ꞌin Jesucristo loꞌo taꞌa neꞌ, sa ñaꞌan kuꞌni neꞌ kanꞌ bra nu tyoꞌ tiꞌin neꞌ sa tlyu ti. Tyempu kanꞌ nu ndiꞌian loꞌo taꞌaan chaꞌ kuꞌni tnuan ꞌin Ndiose nu luꞌu, kwiꞌ tyempu kanꞌ nduꞌu neꞌ taꞌaan chaꞌ nu ñi ꞌin nu nka Xꞌnaan ꞌin taꞌa nten. Loꞌo ja tsaa tii chaꞌ nu ñi kanꞌ siyaꞌ ti lo chalyuu chunꞌ nchga neꞌ taꞌaan nchga kichen nchkwiꞌ chaꞌ kanꞌ.

SAN JUAN 21:5

Loꞌo mnichaꞌ Jesús ꞌin neꞌ bra kanꞌ: ―¿Ta wa mjwi chinꞌ kula ku wan ni a? ―Ja ska nan mjwi ꞌwa siyaꞌ ti ―ndukwin neꞌ ꞌin yu bra kanꞌ.

SAN JUAN 14:16

Bra nu tyaꞌaǎn nde kwa, bra kanꞌ chkwiǐnꞌ loꞌo Stiǐn Ndiose chaꞌ ta Ni xka nu tayaꞌ ꞌwan; kanꞌ lka Tyiꞌi Ndiose nu lka suun nchga chaꞌ nu ñi. Kanun nu kanꞌ loꞌo wan sa ñaꞌan bra nu tyii chalyuu ―ndukwin―.

LOS HECHOS 7:52

Wa mda ꞌa ayman ꞌñaan nu tiꞌí ꞌin nchga nten nu ykwiꞌ chaꞌ ꞌin Ndiose loꞌo ayman kula ꞌñaan nu ngwa sꞌni. Wa yjwi neꞌ ꞌin nten nu ngwaꞌan chaꞌ ꞌin Ndiose nu nchkwiꞌ chaꞌ kan ska nten nu tnun nchka lo chalyuu re; xkwiꞌ luwi ꞌa ka kasiya ꞌin yu kanꞌ. Loꞌo ngwañaꞌan, nu ngwa xkanꞌ ti ngula ti kwiꞌ nten nu ykwiꞌ kityi chaꞌ ꞌin. Chen ꞌa ñaꞌan yꞌni wan bra nu yjwi wan ꞌin yu.

ROMANOS 5:10

Msuun taꞌaan loꞌo Ndiose nu ngwa sꞌni la; loꞌo ni, ngwa suꞌwa chaꞌ ꞌñaan loꞌo Ni, chaꞌ wa ngujwi Sñiꞌ Ni lo wsi. Kanꞌ chaꞌ ni, ngwa tiin chaꞌ ꞌñaan loꞌo Ndiose, loꞌo ngwañaꞌan, kulaa Ni ꞌñaan ꞌin nchga chaꞌ kuxi chaꞌ wa ndyuꞌu Jesús xiyaꞌ.

1 SAN JUAN 5:17

Chañi chaꞌ xtya Ndiose kiꞌya ꞌin taꞌaan siꞌya chaꞌ kuxi nu ngiꞌnian. Sa kanꞌ ti chaꞌ, ndiya kiꞌya nu ka kuꞌni Ni chaꞌ tlyu tiꞌ ꞌin nten chaꞌ ꞌin ran.

3 SAN JUAN 1:4

Ska ti chaꞌ mdaꞌan tiyeěn chaꞌ ꞌiin nu ngwa xkanꞌ, si chañi chaꞌ ti ndukwaa chaꞌ nu ñi nu wa ytsaꞌ Jesús ꞌñaan, chaꞌ kuneeꞌ laa ke naꞌ; loꞌo suꞌwe ꞌa ngwa tiyeěn xa wa ynaǎn chaꞌ ngwañaꞌan ngiꞌnii.