1 SAN JUAN 1:8 - Chatino Zona Alta Occidental

⁸ Bra nu chkwianꞌ chaꞌ ja ndiꞌin kiꞌya ꞌñaan siyaꞌ ti, nan kwiñi lyoꞌoan ꞌñaan ti ykwiinꞌ tian bra kanꞌ, chaꞌ ja nchka chkwianꞌ chaꞌ nu ñi.

1 SAN JUAN 1:8 Referans Kwoze

ROMANOS 3:23

Nchgaan ndukwian kiꞌya tloo Ndiose, chunꞌ ja yꞌnian siyaꞌ ti nchga tñan nu nchka tiꞌ Ni chaꞌ kuꞌnian.

SANTIAGO 3:2

Chañi lka chaꞌ nchgaan ndiya yaꞌ ndyoꞌo tsaa chaꞌ tuꞌwaan bra nu nchkwianꞌ loꞌo taꞌa ntean; ja tukwin ndiya nu ja ya tyoꞌo tsaa chaꞌ tuꞌwa siyaꞌ ti, bra nu nchkwiꞌ yu loꞌo taꞌa nten yu. Si ndiya nten nu suꞌwe ngiꞌni kwenta tuꞌwa neꞌ chaꞌ ja chkwiꞌ ꞌa neꞌ ska chaꞌ kuxi tyukwi ti tiye neꞌ siyaꞌ ti. Ja chan ka kuꞌni neꞌ kwenta ñaꞌaan neꞌ ska ti neꞌ, si ngwañaꞌan. Tukwi ꞌa chaꞌ kuꞌnian kwenta ꞌñaan, ti ykwiinꞌ tian, chaꞌ ja chkwiꞌ ꞌaan chaꞌ kuxi.

1 SAN JUAN 2:4

Kwiñi ꞌa nten nu nchkwiꞌ chaꞌ ndiꞌin chaꞌ ꞌin neꞌ loꞌo Jesucristo, si ja ndukwa neꞌ tñan nu ndlo Ni ꞌin neꞌ; ja ñi chaꞌ nu ndaꞌan tiye neꞌ kanꞌ bra kanꞌ.

1 SAN JUAN 1:10

Sa ñaꞌan ka si chkwianꞌ chaꞌ kwiñi ꞌa Ndiose, ngwañaꞌan ndyoꞌo chaꞌ si chkwianꞌ chaꞌ ja ndukwian kiꞌya siyaꞌ ti; ja yten suꞌwe chaꞌ ꞌin Ndiose niꞌ kasiya ꞌñaan, si ti nchkwianꞌ ngwañaꞌan.

GÁLATAS 6:3

Nan nñi lyoꞌoan ꞌñaan ti ykwiinꞌ tian bra nu ndaꞌan ska chaꞌ siyeꞌ tiyean chaꞌ suꞌwe ꞌa lkaan tloo Ndiose; suꞌwe la si jlyo tianꞌ chaꞌ ja ska nan lkaan tloo Ni.

SANTIAGO 1:26

Ja chan ndiya chinꞌ taꞌa wan nu xkeꞌ tiꞌ chaꞌ kti ꞌa ngiꞌni neꞌ, ti ykwiꞌ ti neꞌ. Chaꞌ kwiñi ti ngiꞌni neꞌ ngwañaꞌan, si ja nduwe tiꞌ neꞌ sa ñaꞌan chkwiꞌ neꞌ loꞌo nten; ti ykwiꞌ ti neꞌ nñi lyoꞌo neꞌ ꞌin neꞌ chaꞌ kti neꞌ bra kanꞌ.

1 TIMOTEO 6:5

Lye ꞌa nchkwiꞌ neꞌ kanꞌ, chunꞌ ja msñi suꞌwe neꞌ chaꞌ nu ñi ꞌin Ndiose, kwiꞌ ngwañaꞌan ja suꞌwe ndaꞌan chaꞌ tiye neꞌ kanꞌ; chaꞌ kwiñi ti ngiꞌni tnun neꞌ kanꞌ ꞌin Ndiose chaꞌ kaja tñi ꞌin neꞌ, nka tiye neꞌ. Ja tyaꞌaan suꞌwaan loꞌo neꞌ kanꞌ.

1 CORINTIOS 3:18

Wa msñian chaꞌ ꞌin Krixtu ni, kanꞌ chaꞌ suꞌwe la si ja chkwianꞌ chaꞌ nsuꞌwi ꞌa chaꞌ tiya ꞌñaan, ti ykwiinꞌ tian, sa ñaꞌan ngiꞌni nten chalyuu nu tiya ꞌa. Ja suꞌwe si tyaꞌan chaꞌ tiyean ngwañaꞌan. Ndiꞌin chaꞌ tyaꞌan chaꞌ tiyean chaꞌ ja nsuꞌwi chaꞌ tiya ꞌñaan siyaꞌ ti, loꞌo kanꞌ ka kuꞌni Ndiose chaꞌ kiꞌya ska chaꞌ nu ñi kean.

2 SAN JUAN 1:2

Wa nganun suꞌwe chaꞌ nu ñi kanꞌ niꞌ kasiya ꞌñaan, loꞌo ngwañaꞌan ja tsaa tii ꞌa chaꞌ nu wa ynaan kanꞌ; kanꞌ chaꞌ suꞌwe ꞌa nka tiyeěn naꞌaǎn ꞌwan.

1 SAN JUAN 1:6

Chaꞌ kwiñi lka si chkwianꞌ chaꞌ suꞌwa ka tiyean loꞌo Ndiose, loꞌo ñaꞌan ti ndiya tianꞌ chaꞌ kuxi nu ndiꞌin ꞌñaan; ñaꞌan ti tla ꞌa niꞌ kasiya ꞌñaan bra kanꞌ, chaꞌ ja suꞌwe ngiꞌnian.

SANTIAGO 1:22

Sa kanꞌ ti chaꞌ, ndiꞌin chaꞌ tukwaan nchga chaꞌ nu nduꞌu Ni ꞌñaan, siꞌi nan kunan tian chaꞌ kanꞌ; ti ykwiinꞌ tian nñi lyoꞌoan ꞌñaan, si xkwiꞌ nan nnan tian chaꞌ kanꞌ, loꞌo ja ngiꞌnian kasu ꞌin chaꞌ kanꞌ.

2 TIMOTEO 3:13

Nten nu ngiꞌni chaꞌ kuxi ni, ndiꞌin chaꞌ ti kuꞌni la neꞌ chaꞌ kuxi kanꞌ; loꞌo nu kwiñi ni, ndiꞌin chaꞌ ti chkwiꞌ la neꞌ chaꞌ kwiñi. Ti ykwiꞌ ti neꞌ, ti ndyaa ñaꞌan ꞌa tiꞌ neꞌ chaꞌ nu nchkwiꞌ taꞌa kwiñi neꞌ bra kanꞌ.

3 SAN JUAN 1:3

Loꞌo ni, suꞌwe ꞌa nka tiyeěn chaꞌ wa ngala chinꞌ neꞌ taꞌa ndiꞌin chaꞌ ꞌñaan loꞌo Krixtu nu mdoꞌo seꞌen ndiꞌin wan mdiyan neꞌ nde re. Ndukwin neꞌ chaꞌ ñaꞌan ti ndukwaa suꞌwee nchga chaꞌ nu ñi nu wa ngwaꞌu Jesús ꞌñaan, chaꞌ ngwañaꞌan ngiꞌnii nchga tsan.

2 SAN PEDRO 2:13

tyijin neꞌ kanꞌ nu tiꞌí sa ñaꞌan nu tiꞌí nu nda ykwiꞌ neꞌ ꞌin xka ta nten. Tsan loꞌo tla ngiꞌni neꞌ chaꞌ kuxi kanꞌ, chaꞌ ja nchka ndaja tiꞌ neꞌ ꞌin chaꞌ kuxi kanꞌ; ja nchka jyuꞌu tiꞌ neꞌ kanꞌ siyaꞌ ti, ni siya kuxi ꞌa tñan nu ngiꞌni neꞌ. Sa ñaꞌan si chañi chaꞌ taꞌaan lka neꞌ kanꞌ, kwiꞌ ngwañaꞌan suꞌwa ti ndyoꞌ tiꞌin neꞌ kanꞌ loꞌo wan bra nu ngiꞌni tnun wan taꞌa.

SAN JUAN 8:44

Ti kwiꞌ kuneꞌ xaꞌan lka sti wan, loꞌo nchka tiꞌ wan kuꞌni wan ti kwiꞌ tñan nu ngulo nu kanꞌ ꞌwan. Ti bra nu mdyisnan chalyuu, ti bra kanꞌ mdyisnan nu kanꞌ ngiꞌni ñuꞌun ꞌin nten ―ndukwin Jesús―. Ja mdoꞌo nu kanꞌ seꞌen ndukwa kiyaꞌ chaꞌ nu ñi, kanꞌ chaꞌ ja siyaꞌ ndiya chaꞌ nu ñi ꞌin nu kanꞌ ―ndukwin―. Xa nu kwiñi lyoꞌo nu kanꞌ ꞌin nten, chaꞌ ꞌin ti ykwiꞌ ti lka chaꞌ kwiñi nu nchkwiꞌ loꞌo neꞌ. Ska nu kwiñi tnun lka kuneꞌ xaꞌan, ti kwiꞌ kanꞌ lka sti nchga nu kwiñi.

ROMANOS 3:10

Loꞌo nde nchkwiꞌ ska chaꞌ nu ndukwa lo kityi ꞌin Ndiose: Ja tukwin ndiya nu ngiꞌni xkwiꞌ chaꞌ suꞌwe;

1 SAN JUAN 4:20

Ya ñaꞌan ti nten nu nchkwiꞌ chaꞌ: “Suꞌwe ꞌa nka tiyeěn ñaꞌaǎn ꞌin Ndiose”, loꞌo bra kanꞌ ñaꞌan ti tiꞌí tiꞌ yu ꞌin taꞌa yu, chaꞌ kwiñi lka nu nchkwiꞌ yu. Nde ñaꞌan ndyoꞌo chaꞌ kanꞌ: nchka ꞌñaan ñaꞌaan ꞌin taꞌa ntean, loꞌo Ndiose ni, ja siyaꞌ ka ñaꞌaan ꞌin Ni; kanꞌ chaꞌ sikwa, si ja suꞌwe nka tiyean ñaꞌaan ꞌin taꞌa msñian chaꞌ ꞌin Jesucristo nu ñaꞌaan lo chalyuu, bra kanꞌ ja ka chkwianꞌ chaꞌ suꞌwe ꞌa nka tiyean ñaꞌaan ꞌin Ndiose Stian, nu ja siyaꞌ naꞌaan.