1 CORINTIOS 8:9 - Chatino Zona Alta Occidental

⁹ Kanꞌ chaꞌ kiꞌya wan kwenta sa ñaꞌan kuꞌni wan seꞌen ndiꞌin nten nu ti nduwe ꞌa tiꞌ siꞌya chaꞌ kanꞌ. Chañi nsuꞌwi chabiyaꞌ ꞌñaan chaꞌ kuan nchga nan; sa kanꞌ ti chaꞌ, ja chan tyoꞌo tsuꞌ neꞌ kanꞌ ꞌin tuwiin nu ñi si ja suꞌwe ti kuꞌni wan tloo neꞌ, si ku wan lomstan nu wa mdukwa tloo joꞌo ti kulo.

1 CORINTIOS 8:9 Referans Kwoze

GÁLATAS 5:13

Wa ngulo suwi Ndiose ꞌwan chaꞌ ka tyiꞌin suꞌwe wan lo chalyuu. Sa kanꞌ ti chaꞌ, chaꞌ tiya ti tiꞌ wan xuꞌwi wan chalyuu; ja tyaꞌan naan wan chaꞌ kuxi nu kuꞌni wan laja nu ndiꞌin suꞌwe wan, chaꞌ siꞌi nan ndiꞌiin suꞌwean chaꞌ kuꞌniin ñuꞌuan ya ñaꞌan ti ꞌñaan, ti ykwiinꞌ tian. Ndiꞌin chaꞌ tayaanꞌ ꞌin taꞌa ntean bra nu suꞌwe nsuꞌwi tiyean loꞌo taꞌaan, kanꞌ chaꞌ ndiꞌiin suꞌwean lo chalyuu.

1 SAN PEDRO 2:16

Nten nu ndiꞌin suꞌwe ti lka wan ni, kanꞌ chaꞌ suꞌwe si tukwa wan chaꞌ ꞌin nu nka ndloo ꞌwan lo chalyuu; msu ꞌin Ndiose lka wan ni, kanꞌ chaꞌ suꞌwe la si kuꞌni wan tñan nu ꞌin Ndiose sikwa, chaꞌ ka ñaꞌan xka ta nten chaꞌ ndiꞌin chaꞌ ꞌwan loꞌo Ni.

2 SAN PEDRO 2:19

Nchkwiꞌ neꞌ kwiñi kanꞌ loꞌo xka ta nten chaꞌ ja ndiꞌin chaꞌ tukwa neꞌ nchga tñan nu ngulo Ndiose ꞌin nten, chaꞌ wa mdoꞌo laa neꞌ ꞌin chaꞌ kanꞌ, ndukwin neꞌ kwiñi kanꞌ; loꞌo ja ya ka biyaꞌ tiꞌ neꞌ kwiñi kanꞌ, chaꞌ ykwiꞌ neꞌ lka neꞌ msu ꞌin ya ñaꞌan ti chaꞌ kuxi nu ngiꞌni neꞌ. Nchga nten nu ta chabiyaꞌ ꞌin ska chaꞌ kuxi chaꞌ tyijin lyo ꞌin, wa nda neꞌ chabiyaꞌ ꞌin chaꞌ kuxi kanꞌ chaꞌ ka xꞌnan neꞌ bra kanꞌ.

1 CORINTIOS 10:24

Ndiꞌin chaꞌ tyaꞌan chaꞌ tiyean sa ñaꞌan nu ka suꞌwe la chaꞌ ꞌin xka la nten, siꞌi xkwiꞌ chaꞌ ꞌñaan tian kuwe tianꞌ.

1 CORINTIOS 10:32

Ja ta wan chabiyaꞌ tyoꞌo tsuꞌ ska nten ꞌin tuwiin nu ñi ꞌin Krixtu; ni siya neꞌ judío, ni siya neꞌ xka laꞌa tsuꞌ nu siꞌi neꞌ judío lka, ja ska nten nu taꞌa msñi wan chaꞌ ꞌin Ndiose, ja suꞌwe siyaꞌ ti si tiyuu neꞌ yaꞌ kuneꞌ xaꞌan.

1 CORINTIOS 9:22

Bra nu ndiꞌiǐn loꞌo neꞌ taꞌa msñian chaꞌ ꞌin Jesús nu ti ji tsaa ñaꞌan jñi tiꞌ chaꞌ ꞌin Jesús, ngiꞌniǐn chaꞌ ka suꞌwa chaꞌ ꞌñaǎn loꞌo neꞌ, chaꞌ kunan la neꞌ kanꞌ chaꞌ ꞌin Krixtu. Nchga loo tñan kuꞌniǐn chaꞌ xlyaa la nten xñi chaꞌ ꞌin Krixtu.

1 CORINTIOS 8:12

Ti kwiꞌ Krixtu, ngiꞌni wan chaꞌ kuxi loꞌo Ni bra kanꞌ, chunꞌ yꞌni wan chaꞌ kuxi kanꞌ loꞌo ska nten taꞌa msñi wan chaꞌ ꞌin Ni; ngiꞌni ñuꞌun wan ꞌin neꞌ kanꞌ bra kanꞌ, chaꞌ ti nduwe ꞌa tiꞌ neꞌ kanꞌ. Ja talo ꞌa neꞌ kanꞌ si ñaꞌan neꞌ chaꞌ ngiꞌni wan ngwañaꞌan.

1 CORINTIOS 8:10

Ngwañaꞌan ka loꞌo nten nu ti kaꞌan la chaꞌ ndaꞌan tiye chaꞌ ꞌin nan nu ndukwa tloo joꞌo kanꞌ bra kanꞌ. Nxkeꞌ tiꞌ neꞌ chaꞌ jlyo suꞌwe tiꞌ wan nchga chaꞌ ꞌin Jesús. Loꞌo bra nu ñaꞌan neꞌ ꞌwan chaꞌ ndiꞌin wan seꞌen ndukwa joꞌo, nchku wan nan lka nu ndukwa tloo joꞌo, loꞌo neꞌ kanꞌ nchka tiꞌ neꞌ kuꞌni neꞌ sa ñaꞌan nu ngiꞌni wan bra kanꞌ, ni siya kuxi ꞌa chaꞌ lka ran chaꞌ ꞌin neꞌ kanꞌ.

EL APOCALIPSIS 2:14

Ni siya ngwañaꞌan, ti ndiya kiꞌya nu xtyaǎn ꞌwan” ndukwin Jesús, “chaꞌ ndiya chinꞌ neꞌ taꞌa ndyoꞌ tiꞌin wan kichen Pérgamo kwa, nu ja nchka tiꞌ neꞌ kulaa yaꞌ neꞌ chaꞌ kuxi nu ndiꞌin ꞌin neꞌ, ti kwiꞌ chaꞌ kuxi nu ngwaꞌu ayman Balaam ꞌin nten nu ngwa sꞌni. Wa ykwiꞌ ayman kanꞌ loꞌo ayman Balac nu ngwa bra kanꞌ, chaꞌ kwaꞌu yu chaꞌ kuxi ꞌin neꞌ Israel; ngwaꞌu yu chaꞌ ku neꞌ lomstan nu wa mstya neꞌ tloo nkwin joꞌo ꞌin xka ta nten nu ja nnan chaꞌ ꞌin Ndiose siyaꞌ ti, ti kwiꞌ ti chaꞌ ngwaꞌu yu ꞌin neꞌ chaꞌ kuꞌni neꞌ chaꞌ kuxi loꞌo neꞌ kunaꞌan.

2 CORINTIOS 11:21

Loꞌo bra kanꞌ ndukwin wan chaꞌ ja ngulo suꞌwe ba tñan ꞌwan. ¡Chañi chaꞌ ja ngiꞌni tlá ba ꞌwan sa ñaꞌan nu ngiꞌni nten kanꞌ! ¡Suꞌwe sikwa! Chkwiǐnꞌ chinꞌ chaꞌ ꞌñaǎn, ti ykwiǐnꞌ tiǎn, ni siya ja nsuꞌwi chaꞌ tiya ꞌñaǎn chaꞌ chkwiǐnꞌ chaꞌ re; siꞌi nten kwiñi ti kanꞌ nu ka chkwiꞌ chaꞌ ꞌin ykwiꞌ neꞌ.

1 CORINTIOS 10:29

ꞌWan, wa jlyo tiꞌ wan chaꞌ kanꞌ. Xka ta neꞌ kanꞌ ti ji ka biyaꞌ suꞌwe tiꞌ neꞌ, kanꞌ chaꞌ ja nchka tiǎnꞌ chaꞌ tyoꞌo tsuꞌ neꞌ ꞌin tuwiin nu ñi chunꞌ wa naꞌan neꞌ chaꞌ nchku wan nan kanꞌ. Ja chan chkwiꞌ wan loꞌoǔn bra kanꞌ: “¿Ni chaꞌ lka xkwiꞌ chaꞌ ꞌin xka ta nten kuwe tianꞌ a? Ndiꞌin chabiyaꞌ ꞌñaan kuꞌnian sa ñaꞌan nu nchka tianꞌ kuꞌnian.

ROMANOS 15:1

Nchgaan nu ngula nka tiyean chunꞌ wa ytean chaꞌ ꞌin Krixtu, ndiꞌin chaꞌ taloan ꞌin taꞌaan nu ti ji xñi suꞌwe chaꞌ kanꞌ; ndiꞌin chaꞌ kuwe tianꞌ ꞌin neꞌ. Ja tyaꞌan ꞌa chaꞌ tiyean xkwiꞌ chaꞌ ꞌin tñan ngiꞌnian, ti ykwiinꞌ tian.

SAN MATEO 18:10

’Ja suꞌwe xa nu ja kuwe tiꞌ wan ꞌin ska nten ꞌñaǎn, ñaꞌan tiꞌ ska nu xuwe ti re. Chañi chaꞌ nchkwiǐnꞌ loꞌo wan, chaꞌ ndiya angajle seꞌen ndiꞌin Ndiose nu ndiꞌin kwan ꞌin nchga nu xuwe ti kanꞌ; nchga bra nsuꞌwi chabiyaꞌ chkwiꞌ angajle kanꞌ loꞌo Stiǐn Ndiose chaꞌ ꞌin nu xuwe kanꞌ.

1 CORINTIOS 10:28

Ska ti si katsaꞌ ska nten taꞌa nchku wan ꞌwan chaꞌ lomstan nu mdukwa tloo joꞌo lka kunaꞌ nu nchku wan kanꞌ, bra kanꞌ ja suꞌwe ku wan ꞌin ran. Suꞌwe la si kiꞌya neꞌ kanꞌ kwenta chaꞌ kuxi ran chaꞌ ꞌwan, chaꞌ ka jlyo tiꞌ neꞌ chaꞌ ja ndiꞌin chaꞌ ku wan nan kanꞌ xa wa msñi wan chaꞌ ꞌin Jesús.

2 CORINTIOS 6:3

Ja nchka tiꞌ ba chaꞌ xtyi lyoꞌo nten ꞌwa chunꞌ tñan nu ngiꞌni ba, chaꞌ loꞌo ꞌin Ndiose xtyi lyoꞌo neꞌ bra kanꞌ si ngwañaꞌan; kanꞌ chaꞌ ja ta ba chabiyaꞌ chaꞌ tyoꞌo tukwa ska chaꞌ kuxi seꞌen ndiꞌin ba, kwiꞌ nu kuꞌni chaꞌ chkwiꞌ kuxi neꞌ ꞌwa.

2 CORINTIOS 11:29

Xa nu naꞌan ꞌa tiꞌ ska yu taꞌaan, bra kanꞌ loꞌo naꞌ nchka naꞌan tiǎnꞌ chaꞌ ꞌin yu kanꞌ; xa nu ndiꞌin kiꞌya ꞌin ska yu kanꞌ, kwiꞌ ngwañaꞌan naꞌ, xiꞌin ꞌa tiǎnꞌ bra kanꞌ.

COLOSENSES 2:8

Kiꞌya suꞌwe wan kwenta sikwa, chaꞌ ja tukwin ka ꞌin kwiñi lyoꞌo ꞌwan loꞌo ya ñaꞌan ti chaꞌ kwiñi nu chkwiꞌ nten loꞌo wan, ni siya sa ꞌa chkwiꞌ neꞌ kanꞌ. Siꞌi Krixtu nu ngulo tñan ꞌin neꞌ kanꞌ chaꞌ chkwiꞌ neꞌ ngwañaꞌan, kwentu lka kanꞌ; chaꞌ kwiñi nu nchkwiꞌ nten chalyuu ti, kanꞌ lka chaꞌ nu nchkwiꞌ neꞌ kanꞌ, ni siya nchkwiꞌ neꞌ chaꞌ ꞌin ska joꞌo, ni siya nchkwiꞌ neꞌ chaꞌ ꞌin ska kwiꞌin nu nsuꞌwi lo chalyuu.