1 CORINTIOS 7:19 - Chatino Zona Alta Occidental

¹⁹ Ja nꞌni chaꞌ ꞌin Ndiose, ni siya nkwaan ngwañaꞌan, ni siya ja nkwaan ngwañaꞌan; nu ndloo ꞌa ꞌin Ndiose lka chaꞌ tukwaan tñan nu ndlo Ni ꞌñaan.

1 CORINTIOS 7:19 Referans Kwoze

GÁLATAS 6:15

Bra nu suꞌwa ndiꞌin chaꞌ ꞌñaan loꞌo Jesucristo, ja nꞌni ꞌa chaꞌ ni siya nkwaan, ni siya ja nkwaan, ska ti chaꞌ ꞌñaan loꞌo taꞌaan. Ska ti chaꞌ nu ndloo la ꞌñaan ni, chaꞌ xaꞌan Ni siyaꞌ ti nchga chaꞌ nu ngiꞌnian laja nu ndiꞌian lo chalyuu, chaꞌ xkwiꞌ chaꞌ suꞌwe kuꞌnian bra kanꞌ.

GÁLATAS 5:6

Loꞌo ngwañaꞌan, si chañi chaꞌ suꞌwa ndiꞌin chaꞌ ꞌñaan loꞌo Jesucristo, ja nꞌni chaꞌ ni siya nkwaan ni siya ja nkwaan. Ska ti chaꞌ ndloo la ꞌñaan, chaꞌ stean nchga chaꞌ ꞌin Ndiose; kanꞌ ka xuꞌwi chaꞌ suꞌwe tiyean ñaꞌaan ꞌin taꞌaan bra kanꞌ.

EL APOCALIPSIS 22:14

Ka suꞌwe ꞌa ka tiye nten nu wa ngwa luwi kasiya ꞌin, chaꞌ kanꞌ lka nten nu nsuꞌwi chabiyaꞌ ku nan nu ndyoꞌo lo yka kanꞌ, kwiꞌ nan kaja ꞌñaan lo chalyuu kwi. Loꞌo chunꞌ ndiꞌin la tsaa neꞌ kanꞌ tyiꞌin neꞌ kichen tnun kanꞌ bra kanꞌ.

COLOSENSES 3:11

Kanꞌ chaꞌ ni, ja ndloo ꞌa chaꞌ ꞌñaan loꞌo taꞌaan, ni siya ti kwiꞌ neꞌ judío lkaan, ni siya siꞌi neꞌ judío lka wan; ja nꞌni chaꞌ ꞌñaan ni siya wa nkwaan, ni siya ja ya lkwaan; ja nꞌni chaꞌ ꞌñaan ni siya neꞌ xka laꞌa tsuꞌ tujoꞌo lkaan, ni siya lye ꞌa nsuꞌwian niꞌ kixinꞌ, ni siya neꞌ nu ndiꞌin suꞌwe ti lkaan, ni siya msu nu msiꞌi nten ti lka wan chaꞌ kuꞌni wan tñan ꞌin nten xuꞌwe ti. Ja ndloo ꞌa chaꞌ kanꞌ ꞌñaan ni, chaꞌ ska ti Krixtu lka nu ndloo la ꞌñaan. Loꞌo ndiꞌin Krixtu loꞌo nchga nten ꞌin Ni, sa ñaꞌan nu nchka tiꞌ neꞌ, loꞌo nchga seꞌen ndiꞌin neꞌ.

GÁLATAS 3:28

Kwiꞌ ñaꞌan bra nu ngwa suꞌwa chaꞌ ꞌñaan loꞌo Jesucristo, ti kwiꞌ bra kanꞌ ngwa suꞌwa chaꞌ ꞌñaan loꞌo taꞌa ntean; kanꞌ chaꞌ ja chkwianꞌ chaꞌ neꞌ judío lka ba, chaꞌ neꞌ xka laꞌa tsuꞌ lka wan; ja chkwianꞌ chaꞌ msu nu msiꞌi nten lka wan, chaꞌ nten nu ndiꞌin suꞌwe ti lkaan; ja chkwianꞌ chaꞌ kiꞌyu lkaan, ta kunaꞌan lkaan. Taꞌaan, suꞌwa chaꞌ ꞌñaan loꞌo taꞌaan ni.

1 CORINTIOS 8:8

Jlyo tianꞌ chaꞌ ja ka kuꞌni ska nan kuan chaꞌ suꞌween laan loꞌo Ndiose. Ja ka suꞌween laan, ni siya kuan ꞌin ran; kwiꞌ ngwañaꞌan ja ska chaꞌ ka ꞌñaan, ni siya ja kuan ꞌin ran.

ROMANOS 3:30

Chañi ꞌa lka chaꞌ kanꞌ, chaꞌ ska ti Ndiose nka ndloo la ñaꞌaan chalyuu; ja nsuꞌwi xka nu nka ndloo la. Ti kwiꞌ Ndiose lka Ni nu kuꞌni xuꞌwe kasiya ꞌin neꞌ judío bra nu xñi neꞌ chaꞌ ꞌin Ni; kwiꞌ ngwañaꞌan, kuꞌni xuꞌwe Ni kasiya ꞌin neꞌ xka laꞌa tsuꞌ, bra nu xñi neꞌ kanꞌ chaꞌ ꞌin Ni.

SAN JUAN 15:14

Ti kwiꞌ taꞌa suꞌwe nsuꞌwiǐn lka wan si tukwa wan chaꞌ nu nchkwiǐnꞌ loꞌo wan ―ndukwin Jesús―,

SAN MATEO 5:19

Kanꞌ chaꞌ ni, ja ta Ndiose seꞌen tyiꞌin nten loꞌo Ni, xa nu ja tukwa neꞌ nchga tñan nu ngulo Ndiose ꞌin neꞌ chaꞌ kuꞌni neꞌ, xa nu loꞌo kwaꞌu neꞌ ꞌin taꞌa nten neꞌ chaꞌ ja ndiꞌin chaꞌ tukwa neꞌ tñan kanꞌ. Ta Ndiose seꞌen tyiꞌin nten loꞌo Ni xa nu tukwa neꞌ nchga chaꞌ nu nchkwiꞌ Ni, xa nu loꞌo kwaꞌu neꞌ tñan kanꞌ ꞌin taꞌa nten neꞌ.