1 CORINTIOS 6:18 - Chatino Zona Alta Occidental

¹⁸ Kanꞌ chaꞌ ja kuꞌni wan chen ñaꞌan loꞌo xka ta nten. Nchga kiꞌya nu ndukwian, ja kuꞌni ñuꞌun kiꞌya kanꞌ ꞌñaan tyukwi ñaꞌaan; ska ti xa nu kalaanꞌ ꞌin xka nten ni siꞌi nten ꞌñaan, ti ykwiinꞌ tian kuꞌni ñuꞌuan ꞌñaan tyukwi ñaꞌaan bra kanꞌ.

1 CORINTIOS 6:18 Referans Kwoze

1 SAN PEDRO 2:11

ꞌWan taꞌa suꞌwe ndiꞌian, ndiꞌin chaꞌ tyiꞌian nde seꞌen ndiꞌin Ndiose nu ndyaa nde loo la, kanꞌ chaꞌ suꞌwe si tyiꞌian lo chalyuu sa ñaꞌan si lkaan nten nu mdoꞌo tijyuꞌ nu ja nsuꞌwi naꞌan tyi nde re. Lye ꞌa chkwiǐnꞌ loꞌo wan ni, chaꞌ ja kuꞌni wan ya ñaꞌan ti chaꞌ kuxi nu jñan tiye wan chaꞌ kuꞌni wan; ja tukwa wan chaꞌ kuxi kanꞌ, loꞌo ngwañaꞌan ja ka ꞌin ran kuꞌni ñuꞌun ran ꞌwan.

1 TESALONICENSES 4:3

chaꞌ nde lka tñan nu nchka tiꞌ Ni, chaꞌ ka luwi kasiya ꞌwan, chaꞌ ja sten yuꞌwi wan loꞌo xka nten nu siꞌi kwilyoꞌo wan;

COLOSENSES 3:5

Kuꞌni tyii wan nchga chaꞌ kuxi nu ndiya ꞌa tiꞌ wan sikwa: ja kuꞌni wan chaꞌ kuxi loꞌo kwilyoꞌo xka nten, ja kuꞌni wan chaꞌ chen ñaꞌan loꞌo taꞌa nten wan, ja xitukwi tiꞌ wan ꞌin taꞌa nten wan, kuꞌni tyii wan nchga lo chaꞌ kuxi nu ndaꞌan ꞌa chaꞌ tiye wan chaꞌ kuꞌni wan, ja xitukwi tiꞌ wan skaa chaꞌ suꞌwe nu nsuꞌwi ꞌin nten chalyuu. Ska nan nu nxitukwi tianꞌ ni, suꞌwa ti lka chaꞌ kuxi kanꞌ ñaꞌan tiꞌ si kuꞌni tnuan ꞌin ska nkwin joꞌo.

2 TIMOTEO 2:22

Kuneꞌ nuꞌwin, Timu, kwiꞌ ngwañaꞌan nsuꞌwi ꞌa chaꞌ kuxi nu ndiya tiꞌ yu kuneꞌ; ja kuꞌnii ꞌa chaꞌ kuxi kanꞌ. Ñaꞌan ti xñii suꞌwe chaꞌ nu ñi kanꞌ, suꞌwe ti xuꞌwi tiyee ñaꞌaan ꞌin nten, suꞌwe ti tyiꞌiin loꞌo taꞌa nten wan; suꞌwa ꞌa kuꞌnii chaꞌ re loꞌo nchga taꞌa wan nu wa yꞌni luwi Ndiose kasiya ꞌwan, kwiꞌ taꞌa ndiꞌin chaꞌ ꞌwan loꞌo Xꞌnaan.

HEBREOS 13:4

Taꞌa wan ndiꞌin chaꞌ tyiꞌin suꞌwe wan loꞌo kwilyoꞌo wan; ja kuꞌni wan chaꞌ kuxi loꞌo kwilyoꞌo wan, kwiꞌ ja tyiꞌin chaꞌ ꞌwan loꞌo xka nten nu ja lka kwilyoꞌo wan. Ta Ndiose nu tiꞌí ꞌin nchga nten nu kuꞌni chaꞌ kuxi ngwañaꞌan, ta Ndiose nu tiꞌí ꞌin nten nu sten yuꞌwi loꞌo kwilyoꞌo xka nten.

EFESIOS 5:3

Loꞌo ni, chaꞌ lka wan nten ꞌin Ndiose, ja suꞌwe si xkwiꞌ chaꞌ ꞌin nu kunaꞌan ndaꞌan chaꞌ tiye wan, ja ska chaꞌ chen ñaꞌan kuꞌni wan loꞌo nten; ni ja siyaꞌ chkwiꞌ wan chaꞌ kanꞌ loꞌo taꞌa nten wan, ja xitukwi tiꞌ wan chaꞌ suꞌwe nu nsuꞌwi ꞌin nten.

1 CORINTIOS 6:9

Jlyo tianꞌ chaꞌ ja ka sten nten kuxi seꞌen tlyu seꞌen nka Ndiose ndloo la. Suꞌwe si ñi ꞌa ka biyaꞌ tiꞌ wan chaꞌ ja tsaa neꞌ kuxi seꞌen nu suꞌwe kanꞌ. Nten nu chen ꞌa ñaꞌan ngiꞌni loꞌo taꞌa, nten nu ngiꞌni tnun ꞌin nkwin joꞌo, nten nu ndiꞌin chaꞌ ꞌin loꞌo kwilyoꞌo xka nten, ni siya yu kiꞌyu nu ngiꞌni chaꞌ chen ñaꞌan loꞌo taꞌa kiꞌyu yu,

2 CORINTIOS 12:21

Bra nu tiyaǎn xiyaꞌ seꞌen ndiꞌin wan, si tyija lyo chaꞌ ꞌñaǎn chaꞌ ngwañaꞌan ngiꞌni wan, ja chan lye ꞌa ka jyuꞌu tiǎnꞌ chaꞌ ꞌin Ndiose nu nka Xꞌnaan, bra nu ñaꞌaǎn chaꞌ kuxi nu ngiꞌni ꞌwan. Ja chan kunaǎn ꞌaǎn bra kanꞌ chaꞌ ꞌwan; ka xiꞌin ꞌa tiǎnꞌ chaꞌ ꞌin nten nu yꞌni chaꞌ kuxi kanꞌ ti ngwa sꞌni la, chaꞌ ja ya ka jyuꞌu tiꞌ neꞌ kanꞌ ꞌin chaꞌ kuxi nu yꞌni neꞌ, chaꞌ nsuꞌwi ꞌa chaꞌ kuxi nu ngiꞌni neꞌ loꞌo taꞌa neꞌ, chaꞌ ja luwi kasiya ꞌin neꞌ kanꞌ siyaꞌ ti.

1 TESALONICENSES 4:5

chaꞌ ja nchka tiꞌ Ndiose chaꞌ kuꞌni wan chaꞌ chen ñaꞌan loꞌo kwilyoꞌo wan, sa ñaꞌan nu ngiꞌni nten nu ja ya kunan chaꞌ ꞌin Ndiose siyaꞌ ti.

ROMANOS 1:24

Kanꞌ chaꞌ wa ngulaa yaꞌ Ndiose ꞌin neꞌ xaꞌan kanꞌ; ti nda Ni chinꞌ tyempu ꞌin neꞌ chaꞌ kuꞌni neꞌ chaꞌ chen ñaꞌan loꞌo taꞌa neꞌ, ska lo chaꞌ kuxi nu njyuꞌu ꞌa tianꞌ chkwianꞌ sa ñaꞌan ngiꞌni neꞌ.

GÁLATAS 5:19

Nde ndiya chaꞌ kuxi nu ndiya la tiꞌ nten chalyuu, kwiꞌ nu ja nda chabiyaꞌ chaꞌ ka Tyiꞌi Ndiose ndloo niꞌ kasiya ꞌñaan: xkwiꞌ chaꞌ nsuꞌwi saꞌa neꞌ, xkwiꞌ ja luwi neꞌ, xaꞌan ꞌa ngiꞌni neꞌ loꞌo taꞌa nten neꞌ;