Romanos 9:4 - Porciones del Nuevo Testamento

⁴ Ãzhira israelitarãta bꞌea, ãzhira Daizezeba zhi warrarã babigadꞌa, izhi kĩrãwãrẽãta ũdubigadꞌa, izha kꞌãrẽ oita jarakꞌadꞌa, izhi ũrãgꞌata Moisédꞌeba dedꞌekadꞌa, izhira sãwũã ibia jaradꞌaidꞌe bꞌʉta kꞌawuabigadꞌa, izha kꞌãrẽ diaita jarakꞌadꞌa.

Romanos 9:4 Referans Kwoze

Romanos 9:6

Mʉãrã jara nʉmʉ ẽã izha jaradꞌara Daizezebara aribꞌae ẽãta. Awuarabʉrʉ jara nʉmʉã Israel bꞌedꞌeba urura Daizezema jõmarã israelitarã ẽãta.

Hechos 2:39

Daizezeba Jawurebia diaya adꞌara marãĩtabema, marã warrarãĩtabema, zhãrã wawara bꞌeitabema, Daizezeta Nokꞌoba trʉ̃kuabʉrʉitabema.

Romanos 8:15

Marãba Jawurebiata jidadꞌabara marã nezokꞌata bꞌʉ ẽbasia, mawũẽ nezokꞌata bꞌeadꞌa kĩrãkꞌa wakusa pera bꞌeaidꞌe bꞌʉ ẽã, awuarabʉrʉ Jawurebiara jidasidꞌa marã Daizeze warrarã babidꞌata. Izhidꞌeba dazhirãbara Daizezea ¡Zeze! abada.

Juan 1:17

Daizezebara izhi ũrãgꞌara diasia Moisédꞌeba, mawũãmina izha zhãrã kʉãgꞌa bꞌʉra izhidꞌebemata wãrĩnurã dajada nʉmesia Jesucristodꞌeba.

Juan 1:47

Jesúsbara Natanael izhi kꞌaita zebʉrʉta ũdui mawũãsia: Akaudua, naʉ̃ wãrĩnu israelitarãã, zhãrã izhara sewa ẽã.

Mateo 21:33

Ũrĩũdua, mʉã dewara ne jarakꞌaya: Ũmakĩrãta bꞌasia drua zhibarita, maʉ̃bara uvata upe serrape osia uva bꞌata piabarita. Mobe uva akʉita pãrãsia deta ʉ̃tʉ drasoa, mobe uvadꞌe trajabadaa arrendape wãsia wawara.

Romanos 3:2

Ne biodꞌeba biata bꞌʉa. Mawũã bꞌʉa wãrãnebai naara judíorãã dedꞌekadꞌaba izhi bedꞌeara Daizezebara.