Romanos 8:7 - Porciones del Nuevo Testamento

⁷ Zharadꞌebemata krĩcha bꞌedꞌeba Daizezeba jurata bꞌebara Daizeze ũrãgꞌara aribꞌaedꞌa ẽã, miã bꞌedꞌa ẽã.

Romanos 8:7 Referans Kwoze

Romanos 7:22

Mʉne edꞌaubara mʉma biga Daizeze ũrãgꞌara.

Romanos 8:4

Mawũã osia Moisé ũrãgꞌata dazhirãba aribꞌae bꞌedꞌamarẽã, mawũẽ zharadꞌebemane nʉme ẽã, awuarabʉrʉ nʉmeã Jawurebiadꞌeba.

Romanos 5:10

Izhi ũme zhi jurata bꞌedꞌe Daizezebara dazhira izhi bawara zhibiata bꞌʉsia zhi warra bebudꞌeba, mawũã zhibiata bꞌʉdꞌaba ẽdrʉdꞌaya Cristota bꞌʉdꞌeba.

Romanos 1:28

Mawũã bꞌebara Daizezedꞌebema kꞌawua krĩñana ẽãba Daizezebara chãbꞌarikuasia ãzhi krĩchara bia ẽãta nʉmeã, ãzhi kꞌawua odꞌamarẽã kꞌãrẽ o ẽbai bꞌʉta.

Juan 7:7

Naʉ̃ ẽjũãne bꞌebara marã ũduama ẽã, mawũãmina mʉrã ũduama bꞌea mʉã jara bꞌʉba ãzha obꞌera bia ẽãta.

Romanos 3:31

¿Mawũã Jesúsdꞌebema ĩjãbʉrʉdꞌeba seribidꞌa ẽbaika Moisé ũrãgꞌara? ¡Mawũã ẽã! Awuarabʉrʉ mawũãrã aribꞌae bꞌea maʉ̃ ũrãgꞌata.

Romanos 1:30

Zhãrã jarabada, Daizezera juradea, zhãrãma mitia bedꞌeabada, zhi zromane bꞌea, bigaudꞌe bꞌea, krĩcha jʉrʉbada bia ẽãta oita, ũrĩna ẽã ãzhi zhibarirã bedꞌeara.

Mateo 12:34

Marã dãma neãrã bara bꞌe kĩrãkꞌa bꞌea. ¿Sãwũã biata bedꞌeadꞌaipe bia ẽãta bꞌera? Sodꞌe nʉmʉkꞌãrĩta jara bꞌʉa ibara.

Mateo 5:19

Mawũẽ iabꞌaʉba maʉ̃ ũrãgꞌadꞌebemata abꞌa aribꞌae ẽãta wĩkata aribꞌae ẽbʉrʉ, aramaʉ̃ne zhãrã bꞌea aribꞌae ẽbaita jaradiara, zhi zroma ẽbaya Daizezeta Nokꞌodꞌebemanerã. Mawũãmina iabꞌaʉba aribꞌae nʉmʉrã, aramaʉ̃ne dewaraurãba aribꞌaedꞌamarẽã jaradia nʉmʉrã, maʉ̃ zhi zroma baya Daizezeta Nokꞌodꞌebemanerã.