Romanos 7:7 - Porciones del Nuevo Testamento

⁷ ¿Mawũẽ kꞌasia adꞌaipe? ¿Moisé ũrãgꞌara kꞌazhiruakꞌa? ¡Mawũã ẽã! Baribʉrʉ mʉãrã kꞌazhiruara sãwũãta kꞌawua ẽãta kꞌawuasia Moisé ũrãgꞌadꞌeba. Miã mʉãrã kꞌawua ẽbakꞌausia ne zhãrãne krĩña bꞌe ẽãrã, maʉ̃ne Moisé ũrãgꞌabara mawũã bꞌʉa: Ne zhãrãne krĩñarãrũã.

Romanos 7:7 Referans Kwoze

Romanos 3:20

Daizezeba ũrãgꞌa Moiséa diadꞌata aribꞌae nʉmʉbara beubarira miõta bedꞌea ne ẽã bꞌʉ ẽã Daizeze kĩrãbitara. Awuarabʉrʉ maʉ̃ ũrãgꞌabara kꞌawuabi bꞌʉa dazhira kꞌazhirua omiãta.

Romanos 4:15

Moisé ũrãgꞌara aribꞌaedꞌa ẽãba Daizezera kĩrũbi bꞌea. Mawũãmina maʉ̃ ũrãgꞌata ne ẽã maẽrã maʉ̃ ũrãgꞌadꞌe wãẽãnaĩ ne ẽã.

Romanos 13:9

Maʉ̃ẽnabemata mawũã bꞌʉa: Kĩma ẽãta erukꞌãĩrãrũã, miã bearãrũã, nezrʉgarãrũã, sewa nebʉrʉrãrũã, ne zhãrãne krĩñarãrũã. Maʉ̃ta, baridu ũrãgꞌa awʉrʉta jõma aribꞌaeidꞌebema mawũã bꞌʉa: Bʉzhi zhãrã kʉãgꞌarua bʉzhi kĩrãkꞌa.

Romanos 7:8

Mawũãmina mawũã jaradꞌadꞌeba kꞌazhiruabara mʉãã wuaabʉrʉ ne jõma krĩñabisia. Moisé ũrãgꞌata ne ẽbasibʉrʉ kꞌazhiruara wuaabʉrʉ okrĩña nʉma ẽbakꞌausia.

Romanos 3:5

Dazha bia ẽãta obꞌʉba Daizezera biata ũdubi bꞌʉbʉrʉ, ¿kꞌãrẽta jaradꞌaipe? ¿Daizezera bia ẽka bia ẽãta obʉrʉ kꞌarea zuburia obʉrʉdꞌera? Mʉrã bedꞌea kꞌobꞌʉa zhãrã mawũã bedꞌea bꞌedꞌe.

Romanos 7:13

¿Mawũã biata mʉrã aduabiita beai basika? ¡Mawũã ẽã! Awuarabʉrʉ kꞌazhiruata obꞌʉdꞌebara mʉrã aduaita beuita maʉ̃ mawũã biadꞌeba kꞌawuasia, mawũẽ maʉ̃ ũrãgꞌadꞌebara dajada nʉmʉã kꞌazhiruara jipadꞌe kꞌazhiruata.

Romanos 7:11

Kꞌazhiruabara Moisé ũrãgꞌaba jara bꞌʉra obi ẽãba mʉrã sewasia, aramaʉ̃ne mʉrã aduabiita beai basia.

Romanos 7:5

Kꞌazhiruadꞌe zharadꞌebemane bꞌeasidꞌera kꞌazhiruara wuaabʉrʉ okrĩñasidꞌa Moisé ũrãgꞌaba o ẽbaita jara bꞌʉta, aramaʉ̃ne dazhi kꞌakuaba obꞌʉbara dazhira aduaita beui basia.

Romanos 6:15

¿Mawũẽ sãwũãpe? ¿Kꞌazhiruara odꞌaika Moisé ũrãgꞌa edre duanu ẽbaera, mawũã odꞌaika Daizezeba izhi biaba ẽdrʉbidꞌa edre duanu baera? ¡Mawũã ẽã!

Romanos 4:1

¿Kꞌãrẽta jaradꞌaipe dazhirã zeze Abrahamnebema?

Hechos 20:33

Mʉãrã plata, miã oro, miã wua miõneta krĩña bꞌʉ ẽã.

Lucas 12:15

Mawũãpe mawũãsia: Kĩrãkuita bꞌeaudua, ne wuaabʉrʉ krĩña bꞌearãũdua, beubarira bꞌʉ ẽã ne bio erubꞌʉba.

Mateo 5:28

Mawũãmina mʉã marãã jaraya, bariduba wũẽrãta erukꞌãĩ krĩña akʉra, izhi sodꞌe maʉ̃ wũẽrã ũme kꞌazhiruata obʉrʉa.

Lucas 20:16

Wãpe uvadꞌe trajabadara beakuaya, mobe izhi uvara chãbꞌariya awʉrʉrãã. Zhãrã kꞌobꞌebara maʉ̃ta ũrĩnaĩ mawũãsidꞌa: ¡Maʉ̃nebara daira Daizezeba kꞌarebaidꞌe bꞌʉa!

Romanos 5:20

Moisé ũrãgꞌara nʉmʉsia kꞌawuabigaita kꞌazhiruata kꞌãbãẽã obadata. Kꞌazhiruata mawũã kꞌãbãẽã obadadꞌebara Daizezebara kꞌawuabisia izhi biaba kꞌãbãẽã sozuburia bꞌʉta.