Romanos 6:13 - Porciones del Nuevo Testamento

¹³ Marã kꞌakuara idu kꞌazhiruaa chãbꞌarirãũdua bia ẽãta oita. Awuarabʉrʉ marã Daizezea chãbꞌariudua zokꞌai duaĩnaba kꞌazhiruadꞌe beu bꞌeadꞌata, aramaʉ̃ne marã kꞌakuara Daizezea chãbꞌariudua biata oita.

Romanos 6:13 Referans Kwoze

Romanos 12:1

Mawũẽ mebẽrã, Daizezeba sozuburiadꞌaba mʉã marãã jaraya, marã kꞌakuara izhaa chãbꞌaribʉdata Daizezeba krĩñane bꞌeaudua, marã mawũãrã wãrãne izha krĩñane nʉmeãña.

Romanos 6:16

¿Kꞌawuadꞌa ẽka marãta zhãrã edre nezokꞌata nʉmebʉrʉdꞌera maʉ̃ bedꞌeata aribꞌae nʉmebari ẽka, aramaʉ̃ kĩrãkꞌa nʉmʉ ẽka kꞌazhirua nezokꞌara aduaita beuita, waya Daizeze bedꞌeata aribꞌae bꞌʉra nʉmʉ ẽka bia nʉmaĩ kꞌarea?

Romanos 7:5

Kꞌazhiruadꞌe zharadꞌebemane bꞌeasidꞌera kꞌazhiruara wuaabʉrʉ okrĩñasidꞌa Moisé ũrãgꞌaba o ẽbaita jara bꞌʉta, aramaʉ̃ne dazhi kꞌakuaba obꞌʉbara dazhira aduaita beui basia.

Romanos 6:19

Mʉãrã mawũã nezokꞌadꞌebemata jara nʉmʉã mʉã jara bꞌʉta marãbara sãwũãta kꞌawuadꞌa ẽãba. Nawedꞌara marã kꞌakuara bia ẽã chãbꞌarisidꞌa ne mitiata dazhi perata odꞌaita. Waya idꞌidꞌera marã kꞌakuara Daizezea chãbꞌariudua biata odꞌaita.

Romanos 6:11

Marãsidꞌa aramaʉ̃ kĩrãkꞌa bꞌeta kꞌazhiruara odꞌa ẽãba ya beusita bꞌeaudua kꞌazhiruaitara, aramaʉ̃ne Daizezeita zokꞌai bꞌeaudua Jesucristo dazhirã Nokꞌodꞌeba.

Romanos 7:23

Mawũãmina ne awʉrʉta mʉne bꞌʉa mʉ krĩchata idaribi ẽãta, maʉ̃bara obi edea kꞌazhiruata mʉne bꞌʉta.

Lucas 15:32

Mawũãmina fiesta odꞌaita bara basia sobiadꞌaita. Naʉ̃ bʉ mebeara beudꞌa kĩrãkꞌa nʉmanata zokꞌai bꞌʉba, aduadꞌata ũdubʉdaba.

Romanos 1:29

Ne jõmaʉ̃ bia ẽãta obꞌeba kĩma ẽãta erukꞌãĩbada, ne mitiata obada, ne wuaabʉrʉ krĩñabada, bia ẽãta obada, zhãrãba ne erubꞌʉ kꞌarea bĩ ẽãbada, miã beabada, kꞌaikꞌaiabada, zhãrã sewabada, bedꞌeata obada.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Lucas 15:24

Naʉ̃ mʉ warra beudꞌa kĩrãkꞌa nʉmanata zokꞌai bꞌʉa, aduadꞌata ũdubʉda. Aramaʉ̃ne fiesta kꞌaudꞌa duanesia sobia.