Romanos 5:5 - Porciones del Nuevo Testamento

⁵ Mawũã jidaira dazhirãĩtara sewa ẽãta Daizezebara kʉãgꞌata izhidꞌeta dazhirã sodꞌe diasia Jawurebiata dazhirãã diadꞌaba.

Romanos 5:5 Referans Kwoze

Hechos 2:33

Daizezebara izhi juwua araare Jesús zhi zromata bꞌʉsia, zhi Zezeba Jawurebia diaya adꞌata jidape dedꞌekabʉrʉta marãba kꞌãwũã ũdubʉda, ũrĩbʉda.

Hechos 2:17

Daizezebara mawũãsia: Ewari jõĩta nʉmebʉrʉdꞌera mʉ Jawurebiara mʉãrã diaya zhãrã jõmaʉ̃ã. Mawũẽ marã warrarãbara marã kꞌaurãbara jaradꞌaya mʉã jarabibʉrʉta. Kũrãrã marãneã mʉãrã ne ũdubiya kꞌãĩmokꞌaradꞌe kĩrãkꞌa, zõrãrã marãneã mʉãrã ne ũdubiya kꞌãĩmokꞌaradꞌe.

Romanos 8:28

Kꞌawua bꞌea izhi kʉãgꞌa bꞌeta Daizezeba kꞌãrẽ berabꞌaribi bꞌʉra jõma kꞌarebata biaitabema, maʉ̃ta izha kꞌãrẽ kꞌaudꞌa bꞌeabiita trʉ̃kuadꞌaitabema.

Hechos 10:45

Judíorã Jesúsdꞌebema ĩjã bꞌeta Pedro bawara zedꞌabara bia akʉdruasidꞌa mawũã Daizezeba judíorã ẽãta bꞌeabidꞌa diabʉrʉba Jawurebiata.

Romanos 1:7

Jõma marã Roma pʉwʉrʉdꞌebemata bꞌera Daizezeba kʉãgꞌata bꞌea, marã jʉrʉkuasia izhidꞌeta bꞌeamarẽã: Mawũẽ izhi biaba marã adu-a bꞌeabiya dazhi Zhibari dazhirã Zezeba dewara Nokꞌo Jesucristoba.

Romanos 9:33

Maʉ̃ẽnabemata zhi bꞌʉmata mawũã bꞌʉa: Mʉã Jerusalénne mongꞌarata bꞌʉya zhãrã tẽnedrʉbarita, izhidꞌebemata ĩjã bꞌʉra bariara ẽã. (Isaías 28:16)