Romanos 5:17 - Porciones del Nuevo Testamento

¹⁷ Abꞌaʉba kꞌazhiruata odꞌadꞌeba jõma beu nʉmʉbʉrʉ, audrebai Daizezebara izhi ũme bꞌai jõ ẽã bꞌeabiya abꞌaʉdꞌeba Jesucristodꞌeba, mawũã bꞌeabiya izhi biaba bari bedꞌea ne ẽã obʉrʉrãta.

Romanos 5:17 Referans Kwoze

Romanos 5:12

Kꞌazhiruara naʉ̃ ẽjũãẽna zesia ũmakĩrã abꞌaʉdꞌeba, maʉ̃ kꞌazhiruadꞌeba nʉmesia bebuta. Aramaʉ̃ne jõma beu nʉmesia jõmaʉ̃ba obadaba kꞌazhiruata.

Juan 10:10

Nezrʉgamiã zebaria nezrʉgaita, zhãrã beaita, zhãrã jõbiita. Mawũãmina mʉrã zesia Daizeze ũme bꞌai jõ ẽãta adꞌuba erubꞌeamarẽã.

Romanos 6:23

Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.

Romanos 5:20

Moisé ũrãgꞌara nʉmʉsia kꞌawuabigaita kꞌazhiruata kꞌãbãẽã obadata. Kꞌazhiruata mawũã kꞌãbãẽã obadadꞌebara Daizezebara kꞌawuabisia izhi biaba kꞌãbãẽã sozuburia bꞌʉta.

Mateo 25:34

Mobebʉrʉ mʉã Reyba mʉ juwua araare kꞌobꞌea mawũãña: Zeudua, marã mʉ Zezeba bia edabʉrʉa, Daizezeta Nokꞌodꞌebemane duanedua, marãĩta zhi aribꞌaema ẽjũã osidꞌebemata.

Romanos 8:39

jaita ʉ̃tʉ, eidꞌu nʉmʉbara, miã ne awʉrʉbara dazhira ãĩ tʉ bꞌe ẽã Daizezeba kʉãgꞌata bꞌera Jesucristo dazhirã Nokꞌodꞌeba.

Romanos 5:15

Mawũãmina Daizezeba bari diadꞌara Adánba kꞌazhiruata odꞌa kĩrãkꞌa ẽã, mawũã abꞌaʉba kꞌazhiruata odꞌadꞌeba bio beusidꞌa. Waya Daizezeba izhi biaba bari diadꞌara ẽdrʉita bioitabemata izhi biaba nʉmʉkꞌãrĩã ũmakĩrã abꞌaʉdꞌeba, Jesucristodꞌeba.

Romanos 6:14

Kꞌazhiruabara marã kꞌabꞌari nʉmaĩne bꞌʉ ẽã. Marã Moisé ũrãgꞌa edre nʉmeba ẽdrʉita nʉmʉ ẽã, awuarabʉrʉ ẽdrʉya Daizezeba izhi biaba ẽdrʉbidꞌa edre nʉmeba.