Romanos 4:5 - Porciones del Nuevo Testamento

⁵ Mawũãmina kꞌãrẽ o ẽãne bia ẽãta bꞌʉra Daizezebara bedꞌea ne ẽã bꞌʉbarita ĩjãrã, mawũã ĩjãbʉrʉdꞌeba bedꞌea ne ẽã bꞌʉya.

Romanos 4:5 Referans Kwoze

Romanos 3:22

Zhi jarama Daizezebara bedꞌea ne ẽã bꞌʉita Jesucristodꞌebemata ĩjãbʉrʉdꞌeba, maʉ̃ta izhidꞌebemata ĩjãbʉda jõmaʉ̃ĩtabema, mawũẽ miõta awuara eda ẽã.

Romanos 10:3

Daizezeba sãwũã bedꞌea ne ẽã bꞌʉbarira kꞌawuadꞌa ẽã, mawũẽ ãzha kꞌãrẽ obꞌeba bedꞌea ne ẽã bꞌeaita krĩcha nʉmeba Daizezeba bedꞌea ne ẽã bꞌʉidꞌebemane duanu ẽã.

Romanos 4:24

Awuarabʉrʉ dazhirãsidꞌa abꞌarika bedꞌea ne ẽã duanukꞌãrĩã dazhirãbara izhidꞌebema ĩjã bꞌeba beudꞌata piradrʉbidꞌata Jesús dazhirã Nokꞌota.

Romanos 4:3

Maʉ̃ẽnabemata zhi bꞌʉmata mawũã bꞌʉa: Daizezeba jarabʉrʉra Abrahambara ĩjãbʉrʉba bedꞌea ne ẽã bꞌʉsia.

Juan 6:29

Mawũãnaĩ Jesúsbara panaʉ̃ mawũãsia: Marãba kꞌãrẽ Daizezedꞌeta odꞌaira, ĩjãũdua mʉ izha zokꞌadꞌata.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Marcos 9:23

Mawũãĩ Jesúsbara mawũãsia: Soidꞌu kꞌobꞌa bꞌeibʉrʉ soidꞌu kꞌobꞌʉitara jõma borekea.

Romanos 4:6

Aramaʉ̃ kĩrãkꞌa rey Davidbidꞌa sobia bꞌaita jarasia Daizezeba bedꞌea ne ẽã bꞌʉbʉrʉra kꞌãrẽ o ẽãne.