Romanos 3:22 - Porciones del Nuevo Testamento

²² Zhi jarama Daizezebara bedꞌea ne ẽã bꞌʉita Jesucristodꞌebemata ĩjãbʉrʉdꞌeba, maʉ̃ta izhidꞌebemata ĩjãbʉda jõmaʉ̃ĩtabema, mawũẽ miõta awuara eda ẽã.

Romanos 3:22 Referans Kwoze

Romanos 10:12

Aramaʉ̃nerã izhara awuara eda ẽã judíorãta miã judíorã ẽãta, izhita jõmaʉ̃ Nokꞌobara biodꞌe kꞌareba bꞌʉa kꞌarebata widꞌibʉdara.

Romanos 8:1

Idꞌira Jesucristo ũme bꞌera bedꞌea bara duanu ẽã, mawũã duanu ẽã zharadꞌebemane duanu ẽãta, awuarabʉrʉ mawũã bꞌea Jawurebiadꞌeba bꞌeta.

Romanos 2:1

Maʉ̃ba bʉ zhãrã jara bꞌʉra bedꞌea ne ẽãne bꞌarãrũã, bʉa awʉrʉta jarabʉrʉdꞌera bʉzhikusa jarabʉrʉa, bʉa zhãrã jara bꞌʉta abꞌaʉta obꞌʉdꞌeba.

Hechos 15:9

Aramaʉ̃nerã awuara eda ẽbasia dazhirãta miã jarirãta, ĩjãbʉdaba kꞌazhirua ne ẽã osia ãzhi sora.

Romanos 9:30

¿Mawũẽ kꞌasia adꞌaipe? Judíorã ẽãrã bedꞌea ne ẽbaidꞌebemane nʉme ẽãta, Daizezebara bedꞌea ne ẽã bꞌʉkua nʉmʉã Cristodꞌebemata ĩjãbʉdaba.

Lucas 15:22

Mawũãmina zhi zezebara izhi nezokꞌarãã mawũãsia: Wua audre biata jiraedadꞌape jʉ̃biudua. Anillota juwuadꞌe jʉ̃biudua, albarca jẽrũne jʉ̃biudua.

Hechos 3:16

Daibara izhidꞌebema ĩjã panʉã, za naʉ̃ marãba ũdukꞌawua bꞌeta akʉ kꞌobꞌera kꞌãwũã bꞌe dogꞌoa izhi zareaba. Izhara bꞌebiita ĩjã panʉba naʉ̃ kꞌãwũã jipa bꞌe dogꞌoa mazhi jõmaʉ̃ kĩrãbita.

Hechos 11:12

Maʉ̃ne Jawurebiaba mʉãã jarasia ãzhi bawara wãmarẽã ne krĩcha ẽã. Mʉ bawara seis wãsidꞌa mebẽrã naʉ̃rãsidꞌa, daira aramaʉ̃ne deidꞌu wãsidꞌa Cornelio dedꞌa.

Romanos 1:17

Maʉ̃ bedꞌea biadꞌeba Daizezebara kꞌawuabi bꞌʉa izhara bedꞌea ne ẽã bꞌʉbarita ĩjãbʉrʉdꞌeba. Maʉ̃ẽnabemata zhi bꞌʉmata mawũã bꞌʉa: Daizezema bedꞌea ne ẽã bꞌʉra ĩjã bꞌʉdꞌeba izhi ũme bꞌai jõ ẽã bꞌaya.

Romanos 3:30

Maʉ̃ẽnabema Daizezera abꞌabai bꞌʉa. Mawũẽ izhara Jesúsdꞌebema ĩjãbʉrʉdꞌeba bedꞌea ne ẽã bꞌʉya kꞌakua eta kꞌõ bꞌera, Jesúsdꞌebema ĩjãbʉrʉdꞌeba bedꞌea ne ẽã bꞌʉya kꞌakua eta kꞌõ ẽã bꞌera.

Romanos 4:16

Maʉ̃neba Daizezeba diaita jaradꞌara izhidꞌebemata ĩjã bꞌedꞌeba diaya, aramaʉ̃nerã izhi biaba diaya. Maʉ̃ta Abraham warrarãnebema jõmaʉ̃ĩta nʉmʉã. Bari Moisé ũrãgꞌadꞌe bꞌeitabema ẽã, awuarabʉrʉ Abrahamne kĩrãkꞌa ĩjãbʉdaitabema, aramaʉ̃ne izhira dazhirã jõmaʉ̃ zezea.

Romanos 10:4

Moisé ũrãgꞌara ma aribꞌaesia Cristoba, maʉ̃neba Daizezebara bedꞌea ne ẽã bꞌʉya izhidꞌebemata ĩjãbʉdara.