Romanos 2:7 - Porciones del Nuevo Testamento

⁷ Izhi ũme bꞌai jõ ẽãta diaya biata obꞌeba jʉrʉ bꞌea izha bia jaramarẽã, beukꞌata bꞌʉmarẽã.

Romanos 2:7 Referans Kwoze

Lucas 8:15

Mawũãmina ne ta pobʉrʉdꞌe egoro biadꞌe bꞌaedꞌara sobiadꞌe kĩrãẽpa Daizeze bedꞌeata ãzha ũrĩnane bꞌeta maʉ̃ã, aramaʉ̃ne eaba duane bꞌʉa baridua.

Romanos 6:23

Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.

Romanos 8:18

Wãrãnebai zuburiata idꞌi ewadebema kꞌãrẽ ẽã, ewarita uruba Daizezeba dazhi bia bꞌʉita.

Romanos 2:10

Mawũãmina izhima bia nʉmeba bia jaraya adu-a bꞌeabiya biata obꞌera judíorãta judíorã ẽãta.

Romanos 9:23

Mawũã zrogꞌasia izhira kĩrãwãrẽã zromata izha sozuburiadꞌarãã kꞌawuabigai kꞌarea, nawedꞌa aribꞌaesia mawũã kĩrãwãrẽãnebemata bꞌeabiita.

Juan 5:44

¿Marãbara mʉnebema sãwũã ĩjãnaĩpe kꞌãwũã mazhirãĩnubʉrʉ zhiya bia jara bꞌera? Kꞌãwũãrã Daizeze abꞌa bꞌʉba bia jaramarẽã duanu ẽã.

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Lucas 21:19

Zuburiata zrogꞌa bꞌedꞌe ẽdrʉbidꞌaya mazhi jawurera.

Juan 4:36

Ne bꞌʉa nʉmʉbara ne jida bꞌʉa, aramaʉ̃ kĩrãkꞌa nʉmʉbara jara bꞌʉa mʉnebemata ĩjãnamarẽã Daizeze ũme bꞌai jõ ẽãnebemata, mawũẽ ne ubarita ne bꞌʉabari ũme sobiabada kĩrãkꞌa bꞌʉa.