Romanos 2:16 - Porciones del Nuevo Testamento

¹⁶ Daizezeba kꞌawua obʉrʉ ewadera zhãrãnebema kꞌawuadꞌa ẽãrã Jesucristodꞌeba kꞌawua oya bedꞌea biata mʉã jara bꞌʉdꞌe.

Romanos 2:16 Referans Kwoze

Hechos 17:31

Mawũã jara bꞌʉa izha ewarita nʉmʉkꞌãrĩneba ẽjũãne bꞌera kꞌawua oita sãwũã oi bꞌʉdꞌe, mawũã oya Jesús izha jʉrʉdꞌadꞌeba, mawũã oita jõmaʉ̃ã kꞌawuabibʉrʉta beudꞌata piradrʉbisia.

Hechos 10:42

Daira zokꞌakuasia zhãrãã jaradꞌamarẽã izhira Daizezebara bedꞌea araa obarita bꞌidꞌapʉta zokꞌai bꞌerãĩta beudꞌarãĩta.

Lucas 8:17

Aramaʉ̃ kĩrãkꞌa Daizezedꞌebema kꞌawuadꞌa ẽã nʉmʉrã kꞌawuadꞌa ẽã nʉma ẽã, miã chupea nʉmʉrã kꞌawuadꞌa ẽã nʉma ẽã.

Romanos 3:6

¡Mawũã ẽã! Daizezeta biata bꞌʉ ẽbʉrʉ, ¿sãwũã kꞌawua oipe ẽjũãne zhãrã bꞌera?

Romanos 16:25

Daizezebara marã jipa nʉmabi bꞌeya bedꞌea biata mʉã jaradꞌaba Jesucristodꞌebemata, mawũã nʉmabigaira izha kꞌawuabisia kꞌawuabi ẽã bꞌadꞌata ewari na wedꞌauba.

Juan 12:48

Mʉta seribi ẽãba mʉ bedꞌeata ĩjã ẽãbara erubꞌʉa kꞌaiba pua kꞌawua oira, bedꞌeata mʉã jara nʉmʉba maʉ̃neba Daizezeba kꞌawua oya ewari jõbʉrʉdꞌe.

Romanos 2:5

Mawũãmina bʉ sora zarea nʉmʉã kꞌazhiruata ãmape izhi pẽwãĩrã, mawũẽ izhi kĩrũbita bʉzhikusaita bira wã kĩrũ zuburia oi ewariedꞌa. Maʉ̃nerã kꞌawuabiya sãwũã pua kꞌawua oi bꞌʉdꞌe obʉrʉta Daizezebara.

Mateo 16:27

Mʉ Beubari Bape bꞌadꞌara mʉ Zeze zareaedꞌa zeya izhi ángelerã bawara, maʉ̃nerã abꞌa abꞌakꞌa kꞌawua obʉrʉta biata odꞌapeadꞌara bia bꞌʉya, bia ẽãta odꞌapeadꞌara zuburia bꞌʉya.