Romanos 12:3 - Porciones del Nuevo Testamento

³ Daizezeba izhi biaba kꞌãrẽ jarabi nʉmʉba mʉã marãã jaraya, miõta izhikusa krĩchaidꞌe bꞌʉ ẽã izhira audre zhi zromata, awuarabʉrʉ izhikusara krĩchaidꞌe bꞌʉa soidꞌu kꞌobꞌʉba kꞌãrẽ oira Daizezebara diasita abꞌa abꞌaʉa.

Romanos 12:3 Referans Kwoze

Romanos 12:16

Mazhirãĩnu bia bꞌeaudua, zhãrã kꞌãñabara zhi zromane bꞌearãũdua, awuarabʉrʉ zuburia bꞌe bawarara abꞌarikadꞌe bꞌeaudua. Krĩcha banane bꞌearãũdua mazhi krĩchaba.

Romanos 11:20

Wãrĩnuã, Cristodꞌebemata ãzha ĩjãna ẽãba bꞌʉatukuasia, mawũãmina marãbara ĩjãbʉdaba mama kꞌarakuasia. Maʉ̃ba marã biarãta krĩcharãũdua ãzhi kꞌãñabara, awuarabʉrʉ Daizezeta wawiaudua.

Romanos 1:5

Jesucristobara mʉrã izhi biaba jʉrʉpe zokꞌasia, aramaʉ̃ne drua jõmaʉ̃nebemaba ĩjãnamarẽã izhidꞌebemata kʉãgꞌa.

Juan 3:34

Daizezeba zokꞌadꞌabara Daizeze bedꞌeata jara bꞌʉa Daizezeba Jawurebiata diadꞌaba.

Lucas 18:11

Fariseora ʉ̃ta nʉmepe zhiwidꞌi ari izhita jara mawũãsia: Daizeze, mʉã bʉaa zhibia jiya mʉrã zhãrã kĩrãkꞌa bꞌʉ ẽãba, zhãrã bꞌea nezrʉgamiãta, bia ẽãta, kĩma ẽãta erukꞌãĩmiãta. Mʉrã miã naʉ̃ za rey Romanebemaĩta plata widꞌibari kĩrãkꞌa bꞌʉ ẽã.

Romanos 11:25

Mebẽrã, Daizezeba kꞌawuabi ẽã bꞌadꞌata mʉãrã marãba kꞌawuadꞌaita krĩña bꞌʉa, mawũãtrʉ judíorã kꞌãñabara audre biarãta krĩchadꞌa ẽã: Israel ʉ̃kʉrʉba ĩjã ẽã zarea nʉmerã, mawũã nʉmeã Cristodꞌebema ĩjãĩ bꞌeta judíorã ẽãta edꞌa zedꞌayeedꞌa.