Romanos 12:2 - Porciones del Nuevo Testamento

² Naʉ̃ ẽjũãne bꞌedꞌe bꞌearãũdua, awuarabʉrʉ krĩcha zhiwidꞌidꞌe nʉmeba kĩrãẽpa bꞌeaudua, mawũãrã kꞌawuadꞌaya Daizezeba kꞌãrẽ krĩñata, jipa biata krĩñata.

Romanos 12:2 Referans Kwoze

Romanos 12:1

Mawũẽ mebẽrã, Daizezeba sozuburiadꞌaba mʉã marãã jaraya, marã kꞌakuara izhaa chãbꞌaribʉdata Daizezeba krĩñane bꞌeaudua, marã mawũãrã wãrãne izha krĩñane nʉmeãña.

Juan 15:19

Marãta mʉnebema ẽãta ẽjũãne bꞌebʉrʉ, mʉnebema ẽãta ẽjũãne bꞌebara kʉãgꞌa kꞌausidꞌa ãzhirãrã. Mawũãmina marã mʉnebema ẽãta ẽjũãne duanu ẽã, awuarabʉrʉ mʉã marã jʉrʉkuasia mʉnebema ẽãta ẽjũãne bꞌeta. Maʉ̃ba mʉnebema ẽãta ẽjũãne bꞌebara marã juradea.

Romanos 13:14

Awuarabʉrʉ Nokꞌo Jesucristo kĩrãkꞌa bꞌeba orãũdua zharaba krĩñata.

Juan 17:14

Mʉãrã bʉ bedꞌeara jarakꞌasia, mawũẽ mʉnebema ẽãta ẽjũãne bꞌebara juradea, naʉ̃ ẽjũãnebemata duanu ẽãba mʉta naʉ̃ ẽjũãnebema ẽkĩrãkꞌa.

Romanos 7:22

Mʉne edꞌaubara mʉma biga Daizeze ũrãgꞌara.

Juan 7:7

Naʉ̃ ẽjũãne bꞌebara marã ũduama ẽã, mawũãmina mʉrã ũduama bꞌea mʉã jara bꞌʉba ãzha obꞌera bia ẽãta.

Romanos 7:12

Wãrãnebai Moisé ũrãgꞌara Daizezedꞌea, ũrãgꞌara biata biga.

Juan 14:30

Ya mʉrã marã bawara bio bedꞌea ẽã ãtõmiãta uru baera naʉ̃ ẽjũãne nokꞌota, izhira zarea ne ẽã mʉ ʉ̃rʉ̃rã.

Romanos 7:14

Dazhirãbara kꞌawua bꞌea Moisé ũrãgꞌara Jawurebiadꞌebemata. Mawũãmina mʉrã zharadꞌebemane bꞌʉba kꞌazhiruaa zhi nendoma.

Mateo 13:22

Ne ta pobʉrʉdꞌe ʉrʉdꞌe bꞌaedꞌara Daizeze bedꞌeata ũrĩbarita maʉ̃ã. Mawũãmina naʉ̃ ẽjũãnebemata krĩcha nʉme bꞌʉa, aramaʉ̃ne sãwũã ne bio erubꞌaita krĩcha nʉmʉbara sewa bꞌʉba Daizeze bedꞌeata kenabꞌaribi bꞌʉa, aramaʉ̃ne zau eaba ẽã.

Marcos 4:19

Mawũãmina naʉ̃ ẽjũãnebemata krĩcha duane bꞌʉa, aramaʉ̃ne sãwũã ne bio erubꞌaita krĩcha nʉmʉbara sewa bꞌʉa, aramaʉ̃ne ne awʉrʉta bio erubꞌa krĩñaĩnebemata ãzhidꞌe edꞌa zekuabʉrʉba Daizeze bedꞌeara kenabꞌaribiga bꞌʉa, aramaʉ̃ne zau eaba ẽã.