Romanos 10:16 - Porciones del Nuevo Testamento

¹⁶ Mawũãmina judíorã jõmaʉ̃bara ĩjãna ẽbasia Cristodꞌebema bedꞌea biara. Maʉ̃ẽnabemata Isaíabara mawũãsia: ¿Nokꞌó, kꞌaiba ĩjãbʉrʉ daiba jarabʉdara?

Romanos 10:16 Referans Kwoze

Romanos 3:3

¿Kꞌõbe sãwũãĩpe ʉ̃kʉrʉ ãzhidꞌebemaba ĩjãna ẽãrã? ¿Mawũã ĩjãna ẽãba izha jaradꞌara aribꞌae ẽka Daizezebara?

Romanos 6:17

Mʉã Daizezea zhibia ji bꞌʉra kꞌazhirua nezokꞌata bꞌeasimina marãbara soidꞌu aribꞌae bꞌea Daizeze ũrãgꞌa jaradiadꞌapeadꞌata.

Romanos 2:8

Mawũãmina kĩrũ pua kꞌawua oya ãzha krĩñata obꞌeba aribꞌaedꞌa ẽãrã bedꞌea izhidꞌe wãrãta, awuarabʉrʉ obꞌera bia ẽãta.

Romanos 16:26

Mawũãmina idꞌibai kꞌawuabisia, aramaʉ̃ne izha bedꞌeata jarabibarirãba jaradꞌapeadꞌata zhi bꞌʉmaneba, izhi Daizeze bꞌai jõ ẽã bꞌʉ ũrãgꞌadꞌeba zhãrã jõmaʉ̃ã kꞌawuabi nʉmʉã aribꞌaedꞌamarẽã Jesucristodꞌebema ĩjãĩrã.

Romanos 11:17

Bakuru olivo zhi ura judíorãã. Cristodꞌebemata ĩjãna ẽãba Daizezebara ʉ̃kʉrʉ bꞌʉatukuasia olivo zhi u taera, mobe marã judíorã ẽãta olivo meãbemata bꞌeta mama kꞌarakuasia, judíorã zhi kꞌarradꞌebemata erunʉmana kĩrãkꞌa aramaʉ̃ne marã Daizezebara bia erunʉmʉã olivo kꞌarra bꞌata biadꞌe kĩrãkꞌa.

Romanos 1:5

Jesucristobara mʉrã izhi biaba jʉrʉpe zokꞌasia, aramaʉ̃ne drua jõmaʉ̃nebemaba ĩjãnamarẽã izhidꞌebemata kʉãgꞌa.

Hechos 28:24

Ʉ̃kʉrʉbara ĩjãsidꞌa maʉ̃ jarabʉrʉra, mawũãmina ʉ̃kʉrʉbara ĩjãna ẽbasia.

Juan 10:26

Mawũãmina marãbara ĩjãna ẽã mʉrẽnebemata duanu ẽbaera mʉã marãã jaradꞌa kĩrãkꞌa.

Mateo 13:14

Ãzhi mawũã bꞌedꞌebara arimaẽ berabꞌari nʉmʉã Daizezedꞌeba Isaíaba mawũãnata: Mʉ bedꞌeara ũrĩ bꞌeidꞌu sãwũãta kꞌawuadꞌa ẽbaya, akʉ bꞌeidꞌu sãwũãta kꞌawuadꞌa ẽbaya.